إلي في جامعة الشارجة تعالوا أباكم شويه .. !!

[الوحيدة]

السلام عليكم ورحمة الله وبركاته .. ,
أما بعد .. ,
أعضاء الواحات الأفضال (( بس طلاب الجامعة ))

تعبت وأنا أفكر في مستقبلي الدراسي والمهني وبعد تشاورات مع نفسي قررت أني بعد كل هالكراف في المدرسة وبما أني طالبة علمي تعشق الكيميا فكرت أدرس تكنلوجيا مختبرات فياريت لو حد يساعدني ويعطيني معلومات عن جامعة الشارجة .. تحديداً عن تخصص " تكنلوجيا المختبرات الطبية "

يعني شو شروط القبول في الجامعة ؟
وكم سنة الدراسة في هالتخصص ؟
وعن سالفة السكن ووين بيسكنوني وكيف بيسكنوني (( أبا غرفة بروحي )) !!
وبكم الكورس (( التخصص إلي أنا أباه )) ؟
سمعت إشاعة تقول أن كلية العلوم الطبية مكس ! هل صح هاي المعلومة ولا خطأ ؟؟
انزين تعالوا بعد شو اسمه .. حد يعرف شو التخصصات المعترف فيها ؟ وهذا التخصص معترف فيه ولا ؟؟

و و و و بس ..

وإذا حد عنده معلومات زيادة يخبرني .. لأني أفكر أدش جامعة الشارجة لأن ها التخصص داش خاطري وحسب معلوماتي أنه هالتخصص مب موجود إلا في جامعة الشارجة (( هو موجود في تقنية بوظبي بس للشباب فقط !!!! )) وبس ..

ردوا عليه بليييز !!

[مــهــابه]

اخـتيه شروطـ القبـول
نسبـه 60% في الكـليـات عدا الطب والهندسـه
الطـب أسـنان يقبلـون80% هـو الهندسـه
أول سـنه تدرسيـن التوفل، وبـعدها متطـلبات الكليـه ، وآخيرا تدخليـن بالتخصص

السكـن عسب الشـواغر ، لـو كـانت عندج مـنحه طبـعاً السكـن مجـاني
أمـا بدون منـحه تـختاريـن ع راحـتج ، وعسب رغبـتج إذا تـوفر وكـان في شـاغر

اعـتقد تخصصج ، إذا ماخاب ظـني 132 سـاعه ( أربـع سنينـ) من غير التوفل

هيـه الطـب والصيدلـه مكـس فـعلاً ، بس بـعض الكلاسـات

وكـل التخصصـات معتـرف فيـها بلا استثناء

جـامعه الشـارجـه حلـوه، ومـوفريـن فيـها كل شي ، والسكـن مـاجربـته بس أعتـقد انـه اوكـي


اتمنـى اني سـاعدتج

[مــهــابه]

الـهندسـه يـاخذون فـ 70% عـادي..

[قــبقــوبـه]

تقــدرين تحــدرين مـوقع الجــامعه www.sharjah.ac.ae

وعن سالفة السكن ووين بيسكنوني وكيف بيسكنوني (( أبا غرفة بروحي )) !!
تقــدرين تاخــذين حجــره روحــج ..
بــس كـل ما قــل عـدد البنــات فالحجــره الوحـده زاد سعــرها ..

سمعت إشاعة تقول أن كلية العلوم الطبية مكس ! هل صح هاي المعلومة ولا خطأ ؟؟
ما نقــدر نقـول مكــس لانــه بعــض الكــلسات مختـلطه والبـاقيه منفصــله ..

والأســئله البـاقيه مهـــابه ما قصــرت فـالرد عليــها ..

وحيـــااج الله فجــامعتنــا .. :)

[الوحيدة]

ايووااااه ..

زين زين .. بس المشكلة في المكس !!

المهم .. يعني تهقون لو دشيت الجامعة برتاح فيها !
لأنه أنا ما أعرف حد هناك وأخاف بروحي , يعني لو مريت بأي موقف ممكن أصيح عاد ما شي ماما ولا بابا يااااه ها الي خايفة منه ..
ما أدري الصراحة ..

بس ياريت لو تفيدوني أكثر عن الأسعار ..
وكم نسبة القبول في التخصص إلي أنا أباه !!
سوري أزعجتكم بس لازم أفكر في مستقبلي !!!
أنا صليت استخارة بس ما حسيت بشي !
الله يتمم بإلي فيه الخير ..
والله يفوق الجميع !

[المنصوري]

المدينة الجامعيــة في الشارقة تعتبر أفضل مدينة جامعية في الخليج العربي
وتنافسها حالياً المدينة الجامعية بقطر بس توها باديه ما اتروم على الشارقة

جامعة الشارقة الكل يمدحها وما عليها زووود

بخصوص التفاصيل ما عنديه اي خبره

والتخصص اللي تبينه جداً مهم وصدقيني بتتوفقين به خاصة بإنه نسبة قليلة من الخريجين يحملوون بكاليريوووس في هذا التخصص وخاصة المواطنين

كل التوفيق بس بالأول ركزي عالثانوية

..

[الوحيدة]

شكراً أخويه المنصوري ..

انا مركزة والحمدلله .. وشادة حيلي ..
بس أخااااف ..
ماا ادري أبا أييب نسبة تاهلني أدش الجامعة ..
بس بعدني خااايفة !!

[العجيبة]

بتييبيـن ان شاء الله ،

بس تعالي جامعة الامارات ، عشان تسكنين وياي ، لأني مب ناوية أسكن أي حد وياي !!

[الوحيدة]

انتي تعالي جامعة الشارجة .. !

خخخخخخخخ .. !