.. فستـــان راقــــي ..

[شوق القلوب]

الســـــلام عليـــــــكم...

بنـــوتات الواحه الحــلويــــن

بغيـــت اسألكم عن مصممـــين امجربينهم أو سامعين عنهم..

عندي مناسبه جـــريــــب.. و ودي اســـوي فســتان راقـــي.. مايكون متروس وايد و دفــش.. ابا شي صدق يكون امرتــب و حلو.. ويطلعني غيــــر..

..

معتمده عليــكم ..

[الجنيه]

فيولا في الشارجه ع شارع البحيره

تصاميمه عذاااااااااااااب بسيطه وراقيه واسعاره بعد اوكي بس اهم شي اختيارالقطعه والالوان المناسبه

[شوق القلوب]

الجنــــية
...........


جني كنت سامعه عنه.. يبالي اسيــر أشوف شو عنده..

بسجله عندي.. و مشكـــــــــوووووووره .. ^_^

[طير الحب]

والله انا خاطري بمناسبه ابا البس شيء ناعم وراقي تعرفين الشوق الخامات الي تكون ساده مب الستان ما اذكر اسمهم بس الي الممصمين يسونهم وايد ناعم وراقي شفت فستان على نانسي وايد ناعم احب الشيء الناعم خاطري البس شيء حلو...يلا عدنا عرس على شهر 12 بس عادي ما بفصل له ...شوق عندي خامه على الذهبي الماات وايد حابتها شو رايج اصورها لج عشان يشتغل لج عليها وبخبرج علاخاص كيف يكون الشغل واذا لقيت الصور الي قلت لج عندهم بطرشهن...

[قصايد غلا]

شوااااقـــه شواقه شواقه أنـــــــا أنـــــــــــــــــا أنـــــــــــــــــــــــــــــــــا بقووووول لج

مادري شو بلايه متخبله اليوم ===> يمكن عشان عندنا عرس لوووول

1 _ الله يسلمج شواقه جان تبين شي (مب عنقاش) لكن يكون شي مميّز في العرس ترى مايكلوووه ما يقصّر

سوري قصدي المصمم مايكل J.C.K مكانه في كراون بلازا في شارع الشيخ زايد (دبي)
ولو تبين رقمه عندي إياه ، بنت خالوه فصّلت عنده وفستانها طالع رووووعه واليوم بصوره لج وجوفيه
أحينه عندي التصميم لكن ما بيكون حلو شرا الفستان ، سوالها إياه بــ11000 (كان سعره14000 لكنّي طلّعت له قرون ووصّلته للــ11000 ) وفساتينه العاديه تبدا اسعارها من الـ7000 وشغله يعتمد على الكريستال

2_ المصممة آمــال (تونسيه) اسم محلها إسبراندو ومكانها في فندق ماريوت (دبي) وشغلها بعد وااااايد حلو وأسعارها مول مب مبالغ فيها وفيه مجال تسوّي لج شي يشبه ديزاينات مايكلJ C K
وأسعارها تبدا من الــ2500 أو 3500 وشغلها وايد مرتّب ، بعد مفصلين عندها حق هالعرس (اليوم)

3_ شوفي سكاليني (بس مادري بتصاميمه غاويه شرات قبل ولاّ تغيّر لأنه من سنة 2000 يوم كنت ياهل فصّلنا عنده)



طبعا كلهم تكون القطعه عليهم بس إنتي اختاري اللون :)
لكن لو بغيتي القطعه من عندج بتكون أسعارهم أقـــل

فيولا اللي في البحيرة فصلنا عنده في عرس بنت عموه حق البيت مول ما عيبنا شغله ، لكن عند سكاليني حق الفندق وكانن الفساتين روعه

غناتي شوفي اللي يناسبج ، وإن شا الله تلقين اللي يعيبج

[شوق القلوب]

طيــر الحــــب
...........

كـــان نقاشنا حلو أمـــس ..

.
.
.
.


قصــايد غــلا
...........

حمستيـــــــني

يلا اتريـــا الصــور و الارقام عشــان اتشجع و اسيرلهم..

مشكوووره .. استانست على اضافتــج ..

[الـيـاه]

سلاام ..


اسكاليني فنان بس انتي و حظج - لول - مره يضبط الموديل ومره لا

وعندج

ازرا

رامي العلي

لـوش

هزار ( حلوو )

آروشي

خذيلج لفه على شارع جمـيرا وأكـييد بيعيبج واحد من المصممين اللي فيه ..

وبراي أنا !!
إذا تبين فستانج يطلع أحلى ما يكون ويطلعج بطلة يديده ما إلك إلا زهير مراد واحلى شي فيه من بعد الموديل هو القياسات
و إذا حد نصحج بـ وليد عطا الله لا آتين صوبه عنقااااااااش


.
.
.

[حلم الطفوله]

السلااااام عليكم

احم احم ....

سمعت سالفة فساتين راقيه ...

شواقه أدري ما يستوي انطقم هالمره .... بس يمكن ليش لأ

[شمعة أمل]

عندج أروشي و إزرا .. واذا تبين فساتين جاهزه بوقاتي عندهم احلى شي ^_^

[الدمعة الحزينه]

شمعة امل انا فصلت عند ارووشي وماضبطوولي الفستان خساره والله

اختي اذا اتعرفين تصميم هزار تصاميمها روووعه وتبدأ من 3500
امم والله ماعرف شو اسم المركز بس اعتقد الهناء دبي


والسمووحه

[صدى جوفي]

السلام عليكم ..

اشحالج أختي ..

احم .. شو المناسبة

والسموحة عالرزة

[نجمة دبي]

السلام عليكم

شحالكم؟

الصراحه بغيت فستان راااائع للعروس .. والمناسبه هي الملجه
بغيت فساتين جاهزه وراقيه وحلوه

وين تنصحوني ؟


والسموحه


نجـــــ دبي ـــــمة

[قــبقــوبـه]

وعليــكم الســـلام ورحمــة الله وبــركاتهـ ..

فالميــغا مــوول في محــل فالطــابق الثــاني مال الفســـاتين أعتقـد مجــابل مكيــاجي ..
كـل فســـاتينهـم راقيــه ومرتبـــه شفــت عنــدهم فستــان كــله ورود واااااايــد حــلوو وأحسبــه واايــد منــاسب حق ملــجه ..

[عنود الريف]

عندج لالي فالي حلو صوب السيتي ..
وفي برجمان محل مال الفساتين بعد حلو ..

[شمعة أمل]

بوقاتي
كوكونز
غواني
كمايه < سمعت انه عندهم فساتين جاهزه بس مادري
في محل في مركز الشاطئ عدال الجعيدي .. كل فساتينهم تقريبا من حرير