لكل شخص عايش في جميرا ولا أم سقيم ولا اي منطقه قريبه من هالمناطق

[شمعة أمل]

قفــــلو بيــبانكم


شي حراميه يالسين يصرقون فلوس وذهب وكل شييييي .. وبرووفشنااااااااال ... يدخلون غرفكم وانتو رقوود ويشلوون ذهبكم بدون ماتحسوون O_o .. ومركزيين على ام سقيم وجميرا وهالأمكــان

في اسبوع واحد صرقو من 3 مادري 6 بيوت


ف نصيحه مني .. قفلوو بيبانكم والدرايش والقراجات وكل شيييي .. وخشوو فلوسكم في أي مكان


انا اليوم انهزبت لاني مسويه دعايه لأبواكي في أرجاء البيت .. واذا الحراميه فكروو يدشون بيتنا اول شي بيصرقونه فلوسي



ف يعنييي ... كلكم الى عايشين في هالمناطق ... خشوو كل شييي *خصوصا الذهب والفلوس لأنه هالشيئين هم مركزين عليهم*




وبس
قلت لازم اخبركم

[مــهــابه]

فـ بيوتكـم ومـافي أمـان..

الله المسـتعــان ، والحمدلله الذي عفـانـا

بس معقوله فـ دبي وللحيـن مازخوهم؟؟

شمـعه:
لاتسوين دعـايه لـ أبواكـج ، تراهـم مخططيـن يدخلـون بيتكـم لووول سوالف..

[شمه]

كيف يدخلون ..بدون محد يحس بهم..!!

ليش وين الشرطـــه؟!!

[قرموشة]

الله يعيينكـم

:

نحـن في الشارجــه محـد يبانــا لوول

[مايهزك ريح]

زاده ابويه حاشر الدنيا صكوا البيبان ثره شي صرقات .. وانا مادري ..

[شمعة أمل]

بعدهم مازخووهم لانه قلتلكم انهم بروفشناال

خلهم بس يوون فريجناااا وناطورنا بيراويهم العين الحمرا صح انه يرقد وايد بس يعرف يزخ حراميه في فريجنا الجديم زخ 3
انا اروم ارقد بأمان .. استويت وايد طيبه ويا جلبتي عشان تتفيج وتحرس لأول مره في حياتها .. خوفي ينقزون في بيتنا من وراا .. وقفلت باب بلكونتي .. والباب الى عالسطح والبيبان والدرايش الباقيه امي قفلتهم

بس باقي الناس؟؟ خصوصا الى بيتهم دااخل مخشوش في الفريج وفي الظلام .. شو بيسون؟

[جيز كيك سنيكرز]

نحن في ديره مب سالمين من السرقاااااات

هذا كله من المهرجان ماتم حد ما دش لبلاد

[المزوحي]

يوم شمعة امل بتقولكم بروفيشنال .. يعني لا تسألون كيف مانحس ..

عسب جيه قالوا بروفيشنال

يسوون لكم تنويم مغناطيسي .. ويكونون خفاف يدخلون يسرقون وانتوا مب قادرين تنطقووون

يالله شدوا حيلكم وقفلوا البيبااان

[شمعة أمل]

يوم شمعة امل بتقولكم بروفيشنال .. يعني لا تسألون كيف مانحس ..

عسب جيه قالوا بروفيشنال

يسوون لكم تنويم مغناطيسي .. ويكونون خفاف يدخلون يسرقون وانتوا مب قادرين تنطقووون

يالله شدوا حيلكم وقفلوا البيبااان

لووووول
شكرااا

[الشحية]

أوييييييييه .. شو هااا .. !!
وي الحمدلله نحن بعيـــــد ..
والله الدنيا صار ما فيـــــــــــــها أمان =) ..
على هواج شمعة أمل تحملي عااااااد >> " عاد هي شو بيرقدهاا الليلـــة " ..

[شمعة أمل]

أوييييييييه .. شو هااا .. !!
وي الحمدلله نحن بعيـــــد ..
والله الدنيا صار ما فيـــــــــــــها أمان =) ..
على هواج شمعة أمل تحملي عااااااد >> " عاد هي شو بيرقدهاا الليلـــة " ..

لول
عادي عادي
انا برقد

[الدلووووعة]

والله خوففتيني

انا انسانه خوافة في هاي السوالف

اليوم مستحيل ارقد بروحي فالحجرة

صدق اني خوافة هم فدبي هب فبوظبي^_^

بس بعد اخاف

[فنجان قهوة]

هاي السالفه سامعتنها
و قالولي بعد انهم هاي العصابه يحطون منوم في التكييف المركزي هع
و الله انهم

[الجنيه]

ههه يالله سترك الصراحه زياغ بس نحن متطمين عندي ناطوره تحرس البيت للصبح خخخخ

ديروا بالكم زين وخلكم مفتحين عيونكم عدل عن تنصرقون

وان شاء الله قريب بيبون اجلهم والبركه في شرطتنا الله يخليهم ذخر وسند لنا

[شمعة أمل]

هاي السالفه سامعتنها
و قالولي بعد انهم هاي العصابه يحطون منوم في التكييف المركزي هع
و الله انهم

عاد هالسالفه اشاعه