<table border="0" align="center" width="95%" cellpadding="0" cellspacing="0"><tr><td>كويتن (ام خدود @ اغسطس 04 2003,23:50)</td></tr><tr><td id="QUOTE"><font color='#000000'><span style='font-size:17pt;line-height:100%'><span style='font-family:courier'>أكتشفت شي .. مافي شي بالدنيا الواحد يستاهل يعيش له</span></span></font></td></tr></table>
<font color='#000080'>السلام عليكم ..
اول شي اختيه ام خدود .. بقولج اذا انتي حاسه انه محد في هالدنيا يستاهل انج تعيشين عشانه ..
اوكي بسألج .. نفسج ( انتي يعني ) .. ما تستاهلين انج اتعيشين عشان عمرج ؟؟
اكيد ما فهمتي .. انا اقصد .. عيشي عشانج .. انسي خلق الله .. لأنه في النهايه محد بينفع الثاني ..
يوم بتمرضين .. محد بيشل المرض منج و بيقولج بفداج .. يوم بتتعبين يمكن ينشدون عنج فتره لكن عقب بينسونج ..
صارحي نفسج .. و كوني <span style='color:red'>صديقة نفسج</span> لأنه نفسج يستحيل اتخونج في يوم ..
<span style='color:royalblue'>يمكن الي الاحساس الي اتحسين فيه .. تقريبا مثل الي انا فيه .. و انا فاهم انتي شو تقصدين ..
ام خدود .. اعرف ناس .. اهلهم حتى ما يقولولهم شو تبغون .. و يفرقون وايد بين هالانسان ( الي انا اعرفه ) و بين اخوانه و خواته !!
اخوانه و خواته من يقولون نبغي شي .. على العين و على الراس .. لكن هذا لو الموت ما بياخذوله الشي الي يباه الا عقب حنه و صريخ و ضرابه ..</span>
بعدج اتشوفين انه هلج ما يحبونج ؟
<span style='color:crimson'>عمرج لا تحطين في بالج انه هلج يابوج منيه و الدرب .. انتي ما تعرفين امج شكثر تعبت يوم يابتج .. و ابوج يتعب عشان يلبي كل الي تبينه و ما يحسسج انه في شي ناقصنج ..
و اذا يا يوم حسيتي فيه انه محد يحبج .. يمكن من الملل ..
حاولي .. يلسي ويا هلج .. و اذا كنتي تيلسين وياهم دوم .. غيري يلستج .. غيري السوالف .. غيري طبيعتج ..</span>
حطي في بالج .. مافي شي اسمه مستحيل .. لكن في شي اسمه صعب..
و الصعب باذن الله بيستوي سهل لو كانت عندج قوة اراده ..
ماشاءلله عندج اسلوب حلو في جذب الناس و افكارج وايد حلوه .. طريقتج في الكلام حلوه بعد .. تقدرين تكسبين قلوب الناس الي حواليج بهالطريقه ..
و الله يوفقج و يفرج كربتج <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>
رد مع اقتباس
مواقع النشر (المفضلة)