Detox

[طير الحب]

شوق...زيت الزيتون يسبب التسمم اذا احترق يعني لازم نحطه ونضيف الشغلات الي بنطبخها فيه بسرعه قبل لا يحترق من الحرارة مثل الزبدة...واذا تبينه ما يحترق ممكن تضيفين قطرات زيت عادي

[شمعة أمل]

انا ميوعه عمري على هالسخافه ومتنت كيلو ونص كييييييييف جييييييييي

[طير الحب]

افا...شمعه وانا قلت لريلي بنبتدي من باجر...عيلا بتم على سستمي احسن

[عافك الخاطر]

انتي قصدج detoxification يعني يخلص الجسم من السموم ..
اممم قارية عنه قبل...
شي ناس تقول ما منه فايدة ..
اهم شي انج تاكلين اكل صحي.. و وزنج وطولج اوكي .. و حياتج ماشية بشكل طبيعي ..
بس في اشيا الواحد لازم على طول يسويها ..مثل 8 قلاصات ماي كل يوم .. وايد اوكي حق البشرة وجي ..

يا الله بالتوفيج ..
..

[شمعة أمل]

افا...شمعه وانا قلت لريلي بنبتدي من باجر...عيلا بتم على سستمي احسن

امي قالت انه عادي .. جسمي في صدمه من اليوع
لانه غيرت السستم ف لازم امتن اول كم يوم بعدين يرد وزني طبيعي < اييس كرييم ااه خاطري فييه
يله يله بسنييي
حراام
من يوميين وعيني على الجوكلت على شكل بيض مال قودايفااا .. بيخلص وانا ولا كلت منه

[شمعة أمل]

انتي قصدج detoxification يعني يخلص الجسم من السموم ..
اممم قارية عنه قبل...
شي ناس تقول ما منه فايدة ..
اهم شي انج تاكلين اكل صحي.. و وزنج وطولج اوكي .. و حياتج ماشية بشكل طبيعي ..
بس في اشيا الواحد لازم على طول يسويها ..مثل 8 قلاصات ماي كل يوم .. وايد اوكي حق البشرة وجي ..

يا الله بالتوفيج ..
..

هيه هذااااااا.. من فايده انا متأكده لانه جايفه الresults على كزناتييي .. بس يحليلهم .. صدق ايووعوون وانا الحين يالسه اعاني

[حلم الطفوله]

تدروووون من يومين ما شربت ماي ! توني اكتشفت هالحقيقه المره !

[شمعة أمل]

^
كيف تعيشين بدون ماييي؟؟؟؟؟؟؟؟
مستحيييييل يمر يوم وماشرب على قل 4 قلاسات ماي

[حلم الطفوله]

تخيلي يا شمعه ! انا بروحي مب قادره أتخيل إني ما شربت ماي من يومين ! توني استوعبت الأمر!

يمكن عشان أعوض بالعصاير والجاي الأخضر! بس بعد الماي غير

[طير الحب]

حلم...نفس الحالة

[جيز كيك سنيكرز]

نسيــــــــــتك

شو هالـ دايت المركب..؟؟ خبرينا عنه أكثر ..

يسمى دايت ديميس روسوس...او الدايت المركب
اول مره سويته كان في الصيف مع وحده تبغي تنزل 30 كيلو
اول اسبوع هيه نزلة 6 كيلو وانا ولا كيلو
ثاني اسبوع هيه نزلة 5 كيلو وانا 2 كيلو صدق استانست مع ان اختيه تقولي مستحيل ينزل وزنج
انا ما استمريت وهيه ماشاء الله عليها استمر بس تحسين من بعده انج اخف نفسين مرتاحه
بشرتج صافيه
في ايام كنت اخذ فيتامين وفي ايام لا
انا ما اتبعته مثل ما هوه بضبط بس ما خبصة يعني اول اسبوع اكتفيت من الفواكه وكان اكثر اكلي فواكه وخصوصا العصاير لانها تشبع الصبح مثلا كوب حليب خالي الدسم وتفاحه او كيوي او موز او فراوله الضهر اناناس او بطيخ او برتقال يمكن مره وحده كانت تمر والعشاء احيانا احذفه بس اغلب شي كان سلطه او خضار مسلوقه ولا شوربة خضار بدون ملح ......كنت ما اكل خضار من عدم وجود الملح بس بعدين احاول اتخيل ان فيها ملح واكل واحيانا العشاء روب خالي الدسم
والاسبوع الثاني كان اغلب اكلي خضار وشوربه او سلطه بس الصبح لازم فاكهه واحيانا ما كنت اتغدى

هذي القواعد مع الدايت

أربع (قواعد زمنية)، التزم بها ثم كل (على كيفك).
1- بعد وجبة بروتينات انتظر 4 ساعات قبل أكل أية نشويات او فاكهة.
2- بعد وجبة نشويات توقف 4 ساعات قبل أكل بروتينات أو فاكهة.
3- بعد الفاكهة توقف ساعتين على الأقل قبل تناول أية نشويات أو بروتينات أو خضراوات.
4- إذا زادت الدهون على 30 % من تركيبة الوجبة فلا طعام آخر من أى نوع قبل 7 ساعات

والدايت بطرشه الحين ان شاء الله

والسموحه ^ــ^

[حلم الطفوله]

السلام عليكم

تدروووون ...أنا عندي قناعه شبه تامه بإنه سوالف وصفات الرجيم ما منها فايده !

الانسان بإرادته يقدر ينزل وزنه بأي وقت ....دامه حط بباله شيء وصمم أكيد بينفذه

على قولة وحده من ربيعاتي ...بطن الانسان مب مطبخ أو ثلاجه نترسها عكيفنا ! وجهة نظر
يعني ناكل الشيء الصحي بس ونشرب الماي بكميات كبيره وأكيد النتيجه بتكون مذهله

ما فيه مانع إنه بين الوقت والثاني ناكل شيء دسم ...

أصلا مع تعود الجسم على النظام الصحي لا إراديا ما بيتقبل الدسومات وبيكتفي بكميات بسيطه بس

أوني عاد اتفلسفت أدري ....

بس كل واحد يشوف جسمه قبل ما يشوف أكله وأكيد الشهيه بتنفتح وبتنسد على حسب الشكل

إش رايج شمعة أمل حليتها وإلا ؟

[جيز كيك سنيكرز]

ماشاء الله عليج ياطير الحب ...انا كنت ادري ان مب زين يوم يكون لطبخ بس اول مره اعرف ان يسبب التسمم اذا احترق

انا ميوعه عمري على هالسخافه ومتنت كيلو ونص كييييييييف جييييييييي

المفروض تاكلين وانتي اصلاً ماتاكلين يوم انتي مب مقتنعه فيه كيف تسوينه واللي اعرفه اذا تبغين تتخلصين من السموم اول شي الفاكهه على الاقل يومين بس تاكلين لان اذا ماكلتي الجسم ما بيحرق
وبيعتقد جايستنه مجاعه وبيود الدهون ولا بيقبل يفرط فيها ..سبحان الله ..
وبعدين اليوم برد وريحة الكوكيز كانت تذبح
والله اني كنت احاتيج اليوم لان برد برد وعلى شان جسم الانسان يدفى لازم ياكل
بغيت اقولج انا بوقف باجر انهزبت اليوم

[جيز كيك سنيكرز]

حلم الطفولة....

عليكم السلام والرحمه

كلامج صحيح بس يوم يكون باقي لج 2او 5 كيلو عن الوزن اللي المفروض توصلين له
تطلع روح الواحد بس علشان ينزله

[شوق القلوب]

انزين.. دام انه الموضوع يتطرق للصحه .. بغيت أسأل... كيف الواحد يعرف الوزن المثالي له..بطريقه علميه..؟