صلاله .. صيف 2006 - متجـــــدد

**شمعة أمل** · 18-11-06 ||, 03:03 PM

السلام عليكم ورحمة الله وبركاته

أدري أدري تووو النااااااااس

.. شو اسويي .. كنت مشغووله

صلاصه .. شي مابتصدقونه .. لكن من احلى الرحلات الى سرتلها في حيااااااااتي

صدق وايد استانسنااا .. كل وحده عادي تييب وياها بنت عم ولا ربيعه .. انا شليت بنت عمي ويايه

أول قانون .. والقانون الوحيد الى أبويه حطاه ... "ممنوع تيبوون شي غالي .. ان شفت شي حلو وغالي بفره في الزباله"

< أول شي ماستوعبنا ليش ابويه مايبنا نودي شي حلو الا يوم وصلنا هناك فهمنا السالفه

لانه كل هذااا خططناه في اسبوع لانه سفرتنا الأصليه تكنسلت

.. مارمنا نحصل حجز من دبي لصلاله .. فاظطرينا نسوق من دبي لي مسقط ومن مسقط ناخذ طياره لصلاله

طبعا طبعا
البنوتا الحلوات في سياره

وامي وابويه والشنط في سياره ثانيه

هني كنا ماخذين برييك .. ف وقفنا في فندق حصن حتا

هني في السياره .. السياره ماشاءالله مترووسه اكل .. جاهي حليب .. جبس .. حلاوه .. عصير .. سندويجاات

جفنا عقرب صغير هني

مابتصدقوون كيف نحن قرينا هالpost

باقي 2 كم لين مانوصل .. عجييييييييييييييييب

عقبه بفتره استوعبنا انه المنطقه اسمها عجيب

في الطياره .. الطياره كانت قحط بصراحه .. حتى ماشي تلفزيوون .. على قولة بنت عمي .. اقحط درجه اولى ركبته في حياتي
يعني صدق
اول مره في حياتي ادش طياره وتكون الطياره حاااااااااره

مطار صلاله كتكوووووت
تطلعون من الطياره وتمشون لين المطار

اهداء ل هزاايم

مب لابس نعال!!

يحليها العيووز

حق يدوووووووه
مهفه ومكشه

الموضوع متجدد يعني بعدني ماخلصت
برب

**قرموشة** · 18-11-06 ||, 03:13 PM

waitinG sham3t Amal

**شمعة أمل** · 18-11-06 ||, 03:15 PM

حواطه

هنيي كان وين ماعرف شو اسم المكان
بس انه
يوم البحر يضرب عالصخر ويطلع ماي من فوق

تبون حلوى؟

بصراحه .. صدق صدق صدق حسينا كيف نحن بطرانات يوم سرنا صلاله .. مارمنا ناكل من مطاعمهم .. لانه الى هم يعتبرونه مطعم راهي يكون كفتريا نظيف .. والى يعتبرونه مطعم عادي يكون كفتريا و صخ .. ف كله نخلي ابويه يا يردنا فندقنا نتغدى يا يودينا الهلتون .. ولا نيوع عمارنا .. بس حق العشا مرات نطلب من كفتريا .. انظف واحد عندهم

وهني يوم كنا في الهلتون مستانسين على الاكل الحلو

ناريل

يقولوون انه هذا مغنيييييييييي
ترا ماقدرو يحطون طاولات ويا بعض ف كنا متوزعين على المطعم بأكمله .. واختي وربيعتها يالسين في طاوله عدال هالمغني .. وربيعتها يالسه تعطيني اشاير صورينيي صوريينيي .. وانا مب فاهمه شو السالفه .. عقب فتره استوعبت انها يالسه تقولي الى ورايه مغني صوريني بطريقه انه اكون وياه في صوره

تسوي خبز
بس كانت ويا rude >_<

بعدني ماخلصت

برب

**قصايد غلا** · 18-11-06 ||, 03:17 PM

كيفي كيفي برد اول وحـــده

الله عليـــج يا شموعه وعلى تصويرج ، وأول مرة أسمع عن منطقة عجيب

شرات عيال خالوه يوم قروا إسم منطقة : الدهاريز تمّوا يزاعجون لأنهم يواعه ويبون هارديـــز

وااااااااااااااايد وااااااااااااااااايد تعيبني صلااااااالـــه ، بالرغم من إنه ما ينيلس فيها أكثر من 5 أيــام
لكنها بالنسبه لي احلى مكان وأكثر مكان ارتحت فيــه من بد الأماكن اللي سرت لها ==> مع إنه ما فيها شي غير الطبيعه

إن شا الله استانستي شمّوووعه ؟

أنا في انتظار باقي الصور

**خيال الحب** · 18-11-06 ||, 03:18 PM

المشاركة الأصلية كتبت بواسطة قرموشة

waitinG sham3t Amal

meeeeee 2

**شمعة أمل** · 18-11-06 ||, 03:32 PM

أخس يوم في حيــــــــــــاتي

افتشلت .. وانفضحت وكل شي في يوم واحد .. ااااخ اسميني تعورت

هني ابويه كان يطلب تيس وطبعا انا باكل هالاشيا ف طلبولي فطاير

بقره كتكوته

نزلت الدريشه وسلمت عليها قلتلها مووو

يمرون عالأكل

قبل ل ــ ناكل ...

وانا ميوده كيمرة الفيديو ..

تخرطفت
جان
اتزحلق على الطين
وجان اطيح على ظهري *وحطو في بالكم انه كل ها عالفيديو*
والصريخ طبعا .. مافي حد في صلاله ماسمعني
بعدين
ضحكت
ييت ابا اقوم *هذا وانا طايحه على ظهري احاول استوعب شو استوى*
جان اطيح على بطني

ورديت اضحك
وتمييت ازقر ابويه واقوله ماروم اتحرك تعال شلني

وبين كل ها اختي وبنت عمي يضحكون علي ويالسين يتزحلقون شوي وبيطيحوون

خست كلــــــــــــه طيين جان اعق عباتي والبس نفس كووت ..

وعقبه بشوي امشي .. واطيح مره ثانيه!!!!!

والكوت يخيييس
جان اتم ببنطلون وقميص
واطيح مره ثالثه .. وثيابي كله طيين!!!!!!!!

حسدووونييي

المهم

يا وقت الغدا

وهم ياكلون .. وانا خلاص ميوده عمري ابا اصيح

أوه صح
نسيت اقول
انه بغت تنجلب علينا السياره هاليوم

بس عادي كوول
ماستوالنا شي

ابويه اشترى هالموز كله وعلقه في السياره

جوفو شو حصلت

برب

**شمعة أمل** · 18-11-06 ||, 03:43 PM

زياغ

جفنا بيوت معفنه < يعني بيو جي عليها نفس عفن وتحسونها مهجووره بس مب مهجوره ناس عايشين فيها O_o

السوق

ابويه اشترى قحفيتهم

هالكفتريا الى نطلب منه
شورمتهم مب حلوه
جي ناشفه ويحطون شي فلفل فيه

اهداء للياه
كل ماكنت اشوف عنز اتذكرها

حتى في صلاله؟

يصلون

المناظر روعه هناك

أوصخ بقره شفتها في حياتي

ناقه عافده في النهر

حلوييييييين

برب

**شمعة أمل** · 18-11-06 ||, 03:49 PM

قبور من اكثر من ألف سنه O_o الله يرحمهم

بحر .. لعلم انه بحرهم يزيغ .. مستحيل اي حد يستبح فيه
اذا حد يبا ينتحر
يسير بحر صلاله

في ناس عايشين داخل هالبيوت!!!!!

ييت ابا اصور هالقطوه .. اول ما شفت عيونها زغت .. حسيتها مسحووره .. وهالفريج مايساعد .. جان اصورها وانا مغمضه عيوني واقرى قرآن

برب

**شمعة أمل** · 18-11-06 ||, 04:08 PM

تكملة الفريج الى يزيغ

عالبحر عند الفندق

ايييي

سيارتنا نحن ربشه .. السياره الثانيه ممملله .. بنت عمي الثانيه بدلت ويت عندنا .. ويالسه تقوللنا سيارتكم ربشه ووناسه

علموني الأغاني

صبرو صبرو بتذكر غنيه

شي شي انته الحبيب وانته الطبيب اظنيي لالالا تذكرتها

يا طير سلم عالحبيييب قله تراني مستصييب وجرووح قلبيي مابرت وانته المادري شو والمادري شوو
ولا
تواعدنيي على باجر وباجر راح ماادله بعدين مادري شوو مادريي شووو نانانانا نانانانا

اخر ليله في صلاله
صدق وناسه في الفندق
عاطينا نحن البنات سويتيين عدال بعض وقم ابويه في غرفه عاديه وصدق حشرررره .. كل ليله نسهر ودوم سويت البنات *الكبار* وين نسهر وحشره .. وسويتي انا وال*يهال* رقاد وتلفزيون وأكل

وكان الفليل والمفروض نرقد .. بس طبعا طاف لانه اخر ليله
ف قلنا بنسير نتحوط تحت
جان اسير حجرة ابويه واسرق نعاله وكلنا نزلنا تحت وسرنا عند العاب اليهال
جان اقول لبنت عمي تيي وياي تلعب وماطاعت اونه شوو عييب
جان اسير العب بروحي ولحقو ورايه وكلنا يلسنا نلعب

عالطياره

الحمدالله يبت هذا ويايه من دبي .. ونسني عالطياره وفي الرده

في الرده
فروني انا وبنت عمي في الدبه
تغدينا ماكدونالدز وعقبه لعبنا اونوو وعقبه كملت اجوف افلام

وانتهت الرحله
وسوري ماصورت وايد مناظر ,, كنا نتصور بدال مانصور
ومع السلامه

**قرموشة** · 18-11-06 ||, 04:23 PM

يــاااســـلاااااااااااااا اام
رحـلتكــم شكـلهــا فن فن ..
خـااطري أسيـررر صلاااالــه مـن كــثر ما يمــدحـوونهــــااا

المهم انكـم استاانـستووا في الرحـلـــه ..
واكـثر صوور ضحكـت علييهــا البقـرره الخاايسه وخخخ

:

تسلمــين حبيبتــي

**تنينه** · 18-11-06 ||, 04:48 PM

تسلمين ع الصور الفنتوكيــه =) ,, صدق الجو عندهم رووعه ومناظر حلووه ^^". والبقره الخايسه وخخخ صدق اول مره اجوف بقره جي لووول ,,

واهم شي استانستوا طبعاً =) ,,

يسلموو عسسلز ولا عدمناج ,,

**بحر الموده** · 18-11-06 ||, 08:39 PM

وعليكم السلام ورحمة الله وبركاته

ماشاء الله الرحله وايد حلوه شمعة أمل ... شوقتينا لصلاله وايد صراحه.

الصور فى قمة الروعه يعطيج العافيه على هذا المجهود وبخصوص بحرهم يروع جان حد يبى ينتحر يكيكيكي يروح ضلكوت ورخيوت وصوب النوافير وين المغسيل ... بكبره بحرهم يختض وغادى حيب ابيض ...والبقر ههههههههههههه وحليلهم اسميهم يحصلون عشب فى موسم الخريف ^_^

والسموحه