أبـــا صــالون يعرفون في ......؟

[عيون الليل]

الســلام عليــكم . .

إشحالكم خواتي . . إن شالله بخير

بس بغيت أسألكم . . وين شي صالون "ف دبي أو الشارجه" يقصــون بطريقه حلـوه؟
وبالذات لو كانت قصة شعر قصير . . يعني أبا يكونون بروفيشينال . . ومب مشكله يكون غالي أو ارخيص أو وسط . . المهم شغلهم يكون جي

لا اتردوني . . وانا في انتظــار ردكم الكريـــم

[شمعة أمل]

pastels هالصالون وايد أوكيه..
بتحصلينه على شارع الوصل .. لو تكمليين سيده عقب الجمعيه .. وعقب سبينييز.. بتحصليين مسيد على اليمين وفي كفتريا عنتر .. الصالون بيكون عقبه

[أنشودة المطر]

عـليكم السـلام ..

صالون "فينولا" على شارع جميرا عندهم هنديه أسمها "جايا" حلو قصها

و سمعت أنه "باتشي لوتشي" - جميرا بعد حلو شغلهم

[شمعة أمل]

هيه
باتشي لوتشي حلوو شغلهم بعد ^_^

[عيون الليل]

هيه احيد أني سمعت عنه هذا " باتشي لوتشي " شو جنسيتهم الي يشتغلون فيه؟ وشو يعتبر من الوسط ولا الغالي؟

وشو رايكم؟ أي واحد أحسن من الي قلتوا لي عنهم؟

وإذا حد بعد ايعرف عن صالونات ايخبرني . . .
أبا اسير احسن واحد لانه مابا حد ايخرب لي شعري . . . متعقده من آخر مره لـوول

[أنشودة المطر]

"باتشي لوتشي" اللي عندهم لبنانيات و أسعارهم حوالي 200-300

"فينولا" اللي أذكره أنه ما يتعدى 200

اذكرت بعد أنه وحده فرنسية في صالون في فندق البستان يمدحون شغلها بس ما عندي فكرة عن أسعارهم

[عيون الليل]

أختيه انشودة المطر . . .

ما اتعرفين منو ف باتشي لوتشي الي اتقص حلو؟ اخاف اطيح في ايد وحده ما اتعرف . . . وانا ابا قصه قصيره بعد ... يعني الله ايعين لـوول

عرفت منو تقصدين . . قصدج فندق لي مريديان الي امجابل المطار؟ اعرفها . . ساعات ايقولون انها ما تضبط القص ! !

[أنشودة المطر]

^_^

اللي أعرفها قاصة عندهم ..

قالتلي ما عرفت أسم اللي قصت لها

.....

بس أنا مجربة عند فينولا "جايا" قبل ما تبتدي قوليلها كل اللي تبينه "كل اللي في خاطرج قوليه"

و بتراويج كل اللي تسويه

[المزوحي]

الأهل

سألتهم

شي صالون جراند فلورا .. الرمول - الراشدية ( نورة )

صالون رد دور ( السوق المركزي - الحمرية )

صالون عمرو شارع الرقة

وشي صالون جريب الستي مالقطت اسمه

[شمعة أمل]

باستلززز .. جنسيات مختلفه فييه ..

خلي المديره تقص لج شعرج .. شغلها فنننن .. وخلي الأسترااليه تستشووره


نسيت شو الأسعار بس فوق ال 200

[بنت النوخذه]

صالون بافان بالشارجة عندهم افرع انا اللي رحت له اللي بشارع جمال عبد الناصر تقريبا والصراحة عيبني القص مالهم والسشوار رووووعة بس انا رايحته من زماااااااااااان

[عيون الليل]

المزوحي . . .

ماشالله عليك . . ما قصرت يا اخويه . . عمرو أعرفه جد سايرتلهم بس ابا اغير . . والباقين ما جد سمعت عنهم . . . بسأل عنهم . . . ومشكووووووووووور وايد وايد على ردك الكريم ^_^

شمعة أمل . . .

زين يا اختيه . . . يوم انج قلتي لي منو بالضبط . . خلاص إن شالله بشوف وبخبرج بالنتيجه ^_^
ومشكووووه عزيزتي على ردج

بنت النوخذه . . .
بافان بافان بافان . . هيه اعرفه وجد سرت لهم . . بس المشكله ما اعرف منو يقص اوكي . . أخاف أسلم عمري لاي حد . . .
مشكوووووره عزيزتي على ردج

[المزوحي]

عيون الليل حاضرين

لكن هممم شي باريس غاليري مادري عاااد بقصهم ( لوووووول )

[جيز كيك سنيكرز]

عليكم السلام والرحمه ........

تحذير:صالون رد دور لاتفكرين فيه ابداً

عيون الليل حلاة الشعر يوم هو طويل بس عذاب

اذا يربتي شي من الصالونات خبريني يزاج الله خير

[الجنيه]

مساء الخير ...

عندج صالون راشال ... شارع الشيخ زايد الله يرحمه ... عقب هوليداي ان نفس عماره سب واي في الزوايه اسعارهم رمزيه وقصات الشعر عندهم فن جربيهم وما بتندمين ....


كل الي يقصن اوكي ومرتبات وبعد في صالون فيرست في شارع الرقه عاد هاي لازم تاخذين له موعد واتصلي ع البداله بيعطونج رقمهم والي اتقص وحده بس شغلها مرتب وحلو


ونعيما مقدماً *_*