الغاليه شمعة أمل : نحن فيه ناس ما نعرف عن حالاتهم ، يعني مب كل المواطنين مرتاحين

وناس وايد ما يحبّون يسومون ويوههم ويطلبون فلوس ولا واسطات

والله مرات أحس إنه فيه واااااااااااااااايـــــــ ــــــــد أشيا نحن نشتريها ونسويها ومالها معنى ونقدر نعيش بدونها ، بس فوق هذا ما نحب نخلي شي في خاطرنا

مرة كنت ظاهره ويا أبويه وجان ايينا ريّال كبير في السن ، جان يسلم على أبويه ويسولف وياه وعقب نشدت ابويه شو قال لك
جان يقول أبويه" إنه هالريال كان ابويه مسؤول عنه" ، وفنشوه لكن يقول ابويه سعيت له بالخير وقلت لهم أنا محتاينّه والله كتب له إنه يردّونه وخلاف مادري به
لكن اليوم يقول الريّال لأبويه: سيدي أنا قاعدوني ورديت أشتغل مرة ثانيه في الجيش براتب ما يتعدى الــ3000 ==> والله ويهي غدا جذه
غمضني لأنه كبير في السن يعني هو اللي يحتاج حد يشتغل عنه ويكد عليه
لكن شو جبره يرد يشتغل ؟!
العيال ؟ البيت ؟ دراسة عياله ؟ الأكل والشرب ؟ مستلزمات الحياه ؟
و أصلا لو قاعدوه بعد بيرد راتبه الأساسي اللي ما يتعدا الــ2000 درهم
والياهل في هالزمان في الشهر الواحد يحتاج صرف الآلاف مب بس 2000

لكن ما نقول غير : الله يعينهم ويعيننا دام الامتيازات للوافد