غريـــــــب في وطـــــــني ..

[خيال الحب]

اسجـــل حضوور..

وان شاء الله لي رجعه..

[الجنيه]

موضوعج يا بوقته وبالاساس كنت ناويه اكتب موضوع مشابه امس ..

الله يسلمكم رحت مول الامارات وصدق حسيت اني دخيله ع مجتمع اجنبي وقلت لأختي المفروض كانوا يسمونه مول الاجانب مب الامارات لنه مافي ذره من الي فيه اتدل ع انه اماراتي او في بلد خليجي ...

اتحسر يوم اشوف مديري هندي مش تقليل من شأنه بس هالمنصب ولد بلادي او بنت بلادي اولى به لكن منو الي يسمع يقولون توطين ونحن ما انشوف توطين للمناصب المهمه وين الترقيات الي بتوصل المواطن لهاي المرتبه ؟؟؟!!! كلام ع الورق لاأكثر

صدق انـا غربــــــــــــــــــــــ ــــــــاء في أرض الوطن والله غربـــاء من ينتشلنا من هالغربه ؟؟؟؟؟

[قصايد غلا]

السلام عليــــج شوّاقتــ ــي

ماشا الله عليج ، الله يحفظج دوم مواضيـــعج مهمّه ومفيــده

أحس إنه ينطبق عليــنا هذا المثل : "تعق عيالها ، وتربّي بناوينها (عيال ريلها)"===> بمعنى : إنه المفروض تكون الأولويــه للمواطن في كل شي ، يوم إنهم يبون يطورون البلاد ويبونها ترتقي المفروض يخلّون القريب (ولد البلاد) مديـــر ، مسؤول ، موظف عادي ....إلخ
إذا الأولويــه للغريب عيل ما له داعي المواطن يدرس ويكد ليــن آخر عمره

والله عندنــا شباب وبنــات ماشا الله عليـــهم يستاهلون هالوظايــف اللي تنعطى للغريب


وعندنــا رياييــل بروحي سمعتهم يشتكون في البث المباشر يبون يشتغلون لأن جهة عملهم قاعدتهم وهم قادرين يشتغلون مب إنهم كبــار وايد لكن محّد راضي يشغّلهم
ومب بطره منهم ولا بس جذه يبون يشتغلون لكن كل واحد وراه كمن ياهل وحرمة وبيت ومسؤوليـه ما لها أوّل ولا تالي والديون من وراهم ودونهم وعندهم خبرات سنين مب سنه وسنتين لكن محد يشغّلهم وهم بأمس الحاجه للشغل لأن رواتبهم ما تكون عاليه ، يعني في حدود الــ6000 او الــ7000 ==> صح إنها نعمة من الله ، لكن في هالزمن والله ما تكفّيهم

مب حقد وانانيه منّا على الأجانب
لكن مثل ما حلّت الرحمه على الغريب وارتفع شانه ، نبا عيال بلادنا بعد تحل عليهم الرحمه ونبا حد يحس بهم ويحس بغصّتهم

الهنود ، البريطانييـــن الـ... إلخ ، يوم يكونون مسؤوليــن على المواطنين يعاملونهم اخس معاملــه
قلنــا إنه "اللي مب من دينك ما يعيــنك" لكن حتى بعض(مب كل) الوافديــن العرب ما فيهم ذرة إحترام للمواطــن ...