طامة جديدة في قاموس الزواج

[بنت النوخذه]

بنت النوخذه \\ في حادثه صارت \\ تقدم ربيع البنت للبنت \\ الاب رفض قال هذا متعرف عليها و امقردننها \\ باجر ما بيحشمها وبيتم ايعايرها \\ الاب مثل ماقلت لج رفض \\ البنت كلمت امها و كلمت يدتها \\ هالريال انا اباه لو شو فيه او مافيه \\ اقنعتهم \\ وهم الي ودوها عند القاضي الي زوجها للريال

يعني يصير \\ بس ترى مب معنى هذا يالله يا هالبنات سيرن دورن ولد الحلال من الشارع (( او الدوام او السوق )) يعني استون عندكن استعداد و تأهب لكل كلمة راح تسمعونها لان يمكن ان عريس الغفله هو واحد من الشله الي تحاوط في السناتر \\

وبعدين عن سالفة يستاهلون او ما يستاهلون ... ترى الشاعر يقول هذا ما جنته يدي علي .... يعني الوحده ما اتسير تتهور و تسلم نفسها للتعرف على الشاب و عقب تسلم شرفها له (( لان مب كل شاب بيظهر بطل من ابطال الافلام الهنديه )) و السموحه

ما انكر جلامك واكيد البنية اذا رمست ريلها من دون علم أهلها قبل الزواج بيستهين فيها عقب وممكن تتحول حياتهم لشك ودوخة راس انا ما انكر هالشي بس يمكن من حرتي من هالاهالي قلت يستاهلون عشان يعرفون انهم سبب في ضياع سمعت بنتهم صحيح ان البنت تتحمل اكبر غلط على اساس انها المفروض تحافظ على سمعت اهلها بس بعد الاهل لهم اغلاطهم بالاخص في فترة المراهقة للبنات انا لاحظت ان اغلبية البنات المراهقات يقومون بسلوكيات غريبة وعجيبة وما تدش الراس بس الاهل لازم ينتبهون لبناتهم انشالله اذا تزوجت بربي بناتي احسن تربية وبخليهم يحفظون القرآن وبشغلهم عن أي خرابيط انشالله هههههههههه
واهم غلط للاهل انهم ما يقتنعون بالريال وبالتالي ممكن البنت تنحرف عن المسار الصح ومحد كامل فينا ومعصوم من الغلط لو ما انحرفت بتستوي فيها حالة نفسية صعبة ومحد يحس فيها غير صاحبة الشان انا اقول هالكلام من اللي شفته والله صياح البنية من ظلم الاهل يقطع القلب بس شو بنقول غير الله يهديهم
طولت صح بس تحمل اقرا كل الجلام اللي قلته هذا عقابك اليوم ههههههه