طامة جديدة في قاموس الزواج

[بنت النوخذه]

المزوحي ودمعة قلم اشكركم على تفاعلكم
دموع قلم انا اقصد اللي يكون مواطن بس اذا كان في خلاف بين احد افراد عائلة المخطوبة وبين الخاطب يعقد موضوع زواجهم هذا المقصود

[الجنيه]

السلام عليكم ورحمة الله وبركاته ...

بالفعل طرحتي موضوع بالغ الاهميه ,,, كثير من العوائل والأسر يتسببون لنفسه بمشاكل وفضائح هم في غنى عنها .. يعني احيانا يوم الولد يبا وحده سواء كان متعرف عليها او اعجب بها باي طريقه من الطرق ايي يفاتح اهله بالموضوع اتنش الام تحلف والله ما يوزتك اياها والا حرام ما تاخذ غير بنت خالتك و الا عمك ...

بخبركم عن سالفه حقيقه صارت لولد عمتي

الولد متعرف ع بنت ومتيم بها يوم رمس امه بسالفتها حلفت عليه انه ياخذ بنت اختها والا تغضب عليه ليوم الدين وعشان يرضيها قال لها باخذها بس بتزوج الي اباها بعد قالت له اوكي وهي عبالها انه بيتزوج وبينساها لكن عقب ما تزوج بنت خالته بشهر ونص خذ الي كان يباها والمشكله كل الاهل حاولو يقنعوها ما تجبره ياخذ بنت اختها بس هي كانت مصره لانه البنت يتيمه وعقب ما تزوج عليها طلبت الطلاق والام حلفت مره ثانيه ان طلقتها بغضب عليك ليوم الدين والحين هو متوهق لا يقدر يرضي الام ولا الحرمه الأولى مستوي عصبي وكاره كل شي حتى سلام ما يسلم ع الي يمر عنده ولا متنهى بعيشته ويا الي اختارها قلبه الام شو استفادت من كل هالي صار غير انها جنت ع يتيمه ,,,!!!!

السالفه ثانيه

الولد ولد عرب ويحب وحده امها هنديه ,,,
الام راغته من البيت وحلفت ان خذها تتبرى منه وهو يعرف البنت من 7 سنين وبينهم قصه حب عظيمه تزوجوا بس الريال يصيح لليوم ع اهله الي انحرم منهم مب قادر يرجع لهم ويرد علاقته بهم لانه الام حالفه ان الي يكلمه او يتعامل وياه تتبرى منه ... ما ادري كيف قلب الام يقسى ع ضناها بهاي الطريقه ...


اذا كان الرفض بسبب مقنع ولمصلحة العيال انا ويا الاهل لكن اذا كان الرفض للأسباب تافهه مثل هاي فأنا ضدهم ...


للأهل :
العيال كبرت وكل واحد قادر انه يتخذ قرار مصيري مثل الزواج خلوهم يتحملون مسؤلية نفسهم وقراراتهم