بداية أرحب بج عزيزتي بين اخوانج واخواتج وان شاءالله يكون منتدانا بيتج الثاني مثل ما هو بالنسبه لنا البيت الثاني ,,,,


تساؤلاتج منطيقه بس بنفس الوقت متناقضه بالنسبه لي ... (لـيـش مـاتـعـطـيـنـا الـحـيـاة أشـيـاء بـعـد ماتـسـلب مـنا أشـيـاء يـعـني لـيـش نـحصل أشيـاء) غناتي الحياه اخذ وعطا يوم تاخذ منا البسمه وتهدينا الدمعه ويوم تنتشلنا من الضياع وترشدنا للطريق السليم ,,

حياة الأولين كانت صعبه وعشان جذه كل واحد كان يتغرب عن عايلته بالشهور والسنين أحيانا في سبيل انه يوفر لهم الحياه الكريمه وما يخليهم يقاسون ويعانون نفس معاناته هذا بحد ذاته حب كل حد له طريقته الخاصه بالتعبير عن الحب صحيح نحن مش بحاجه للماده وبس في هالحياه لكن ما نقدر ننكر ظرورتها وأهميتها في تسيير أمورنا ...
حايتنا اليوم تختلف بنسبة 180 درجه عن حياة آباءنا وأجدادنا الحمدلله عايشن العيشه الكريمه ومرتاحين ( أكيد في اشويه مشاكل الي مستحيل تخلو منها الحياه ) بس الحمدلله على كل حال بعدنا بنكون عايشن احسن عيشه ... التفكك الأسري واضح في مجتمعنا بنسبه كبيره وعاليه يا مكثر البيوت الي اهلها ما يتشاوفون بالأيام الحياه تاخذنا وياها وتلهينا ونفقد اجمل اللحظات والأحاسيس بس الانسان بيده يصيطر على حياته ويمشيها ع حسب ما يشوف ما يخلي الدنيا هي الي اتمشيه ..

نحن فـ بيتنا احيانا يمر يوم كامل ما اشوف واحد من أخواني أو خواتي ,, بس انا ما أخليهم في حالهم امر ع حجرهم شخص شخص اسلم عليهم وايلس اسولف وياهم وبجذي تلحقني اختي الثانيه والثالثه واخوي وحرمة أخوي واشوي امي تدخل في السوالف ويانا ومن غير وعي منا نخلق جو اسري حلو بالنسبه لي

ممم وايد هذربت اعذريني