غـــدر الزمــــان ... من تأليف عيوز خطيره ..

[درة الشرق]

<font color='#000000'>يلا عيوزي وين التكمله

درة الشرق</font>

[بن دبي]

<font color='#000000'><span style='color:royalblue'>السلام عليكم ورحمة الله وبركاته

اشحالكم عساكم الا بخير ... شوفوا عاد انا بجرب اكتب قصه

من فنتكت رأسي ... عاد قلت اجرب يمكن يكون لي مستقبل

وانا ما ادري ... يمكن حد يكتشفني ... خقاقه والله .. على شو ان شاء الله</span>

المهم .. هذه أول قصه أقوم بكتابتها ... نريد رايكم بصراحه

القصه بعنوان ... غـــدر الزمـــان

<span style='color:darkblue'>في الصباح وقد بدأ أول يوم دوام للمدارس ... تتجه الأم إلى حجرة راشد اللي وعته أكثر من خمس مرات عشان يروح المدرسة .... وقد ذهب الجميع إلى مدارسهم ....
الأم : رشود ... رشود وصمخ ... الحين ما بتقوم وبتروح المدرسة مثل عيال خلق الله ... عنبوه زاد من رقاد حشى ... كله من السهر ... يعلك ما تلقاه ..
راشد ( وهو يحاول يفتح عيونه ) : أمايه ... قومي عني تعبااااااان ولا فيه اروح المدرسة ... وبعدين اليوم أول يوم ما لازم انداوم ....
الأم : شو ماخذ إجازه من مخباك انت ...
راشد : لا حول .... فكينا عاد
الأم : يا راشد قوم الحين الساعة تسع .... حشى مب رقاد هذا ...
راشد ( وهو يقوم من الفراش ) : أن شاء الله أمايه ... على العين والرأس الحين بقوم .. وبسير المدرسة .... بس لا تحشرينا
الأم : هيه جي اباك تسمع الكلام وتقوم لدوامك ... وبعدين لا تنسى أنك ثانوية عامه يعني شد حيلك ... وخلها بداية خير ان شاء الله
راشد : بعدنا على حنة الثانوية العامة .... يالله يا هادي
الأم : يالله ... انا بسير ازهب لك الريوق ... بسرعه انزل

تنزل الأم للصاله ثم تتجه للمطبخ لكي تعد الفطور لراشد .... وبعد قليل ينزل راشد ....
راشد : يالله أمايه انا ساير الحين ... شي تامرين علينا من المدرسة
الأم : ههههههههه ... جيه شو عندكم فالمدرسه
راشد : ما ادري عنكم موعيني من فير الله ... ومسويه هالحشره كلها ... وأنا متأكد مليون بالميه .. أنه محد من الربع مداوم
الأم : هيه ترا انت ما مخربنك غير هالربع ..... يلس اتريق
راشد : لا أمايه مستعيل الحين ... لا تفوتنا الدروس
الأم : الله يحفظك

ويخرج راشد ويركب في سيارة البيت النيسان لان هو ما عنده سياره ولا ماخذ اليسن بعده وكانت المدرسه قريبه من البيت .....
الساعه عشر ونص الأم يالسه في الصاله هي واليده يتقهوين ... يدخل راشد عندهم
راشد : السلام عليكم
الأم واليده : وعليك السلام
راشد : الله على هالقعده الغاويه .... احلى شي يوم تيلس ويا العيز
الأم : عنبوه مسرع ما خلص دوامك
راشد : رحت ما حصلت حد من الربع وطلعت
الأم : يالله يهالربع .... جيه انت تروح المدرسة عشان اتشوف ربعك
اليده : خليه يأم حميد ... خليه على راحته ... لاتغثي الولد
راشد : فديت يدوه أنا .... الله يطول بعمرج .... قوليلها أداريني ... ما عندها غيري
اليده : بسم الله ... جيه ما عندها غيرك .... وحميد الله يحفظه وين راح وخواتك
( حميد أخو راشد اللي أكبر عنه وعمره 20 سنه ... مسافر بريطانيا يدرس في المشروع )
راشد : حميد مسافر يعني محد عندها هني غيري .... والبنات غير ... انا ريال
الأم : يالله لو تسمعك حصوه .... بتغسل شراعك ... كله ولا التفرقه بين البنات والأولاد
( حصه أكبر وحده في خوانها .... وهي تدرس في الجامعه عمرها 22 سنه )
اليده : هيه يحافظ على حصوه ... ما في مثلها
راشد : عاد يبتي طاري حصوه ليدتي .... اعرف تراها المفضله عند يدوه ... دقه قديمه هالحصوه اللي يشوفها ايقول عيوز معبره الدهر ...
اليده : رشود ... لا تقول جي عن اختك .... عشان انها تحب سوالف أول تقول عنها جي
الأم : رشود اسكت عن يدتك ...
راشد : أن شاء الله .... الا وين خالي يموع &nbsp; .... احيده أول واحد يكون فالبيت
( يمعه خال راشد وهو راعي بر ومتشدد لأخر درجه .. بس طيب وحبوب .. عمره 24 سنه )
اليده : يموع راح يرقد ... هو عنده شغله غير الرقاد وتكسير سيارته فهالبر
راشد : والله خالي يموع ... هذا شيخ البيت
الأم : هي صح .... حد مثله فالحنه والرنه
اليده : هي والله محد يسوي له سبب
راشد : ها أم سلطان ... بدينا نميز .... ترا أخبره أول ما يقوم من الرقاد ... وأقوله ترى يدوه تمدح خالي سلطان وتذمك
اليده : الحين منو ياب طاري سلطان ... اسميك راعي مشاكل
راشد : على طاري خالي سلطان ... متى بيرجع من أمريكا
( سلطان أخو يمعه ... وهو مسافر رحلة علاج لواحد من ربعه )
اليده : يدك أمس مرمسنه .... سير اتخبره
راشد : وين يدي ما شفته اليوم ..... لايكون راقد بعد
الأم : جيه انت تحيد يدك مثلك ومثل خالك .... بتحصله راح صوب المزرعه

يرن تيلفون راشد .......
راشد : الو
حصه : السلام عليكم .... هلا أخوي رشود
راشد : وعليج السلام ...هلا فيج ... أكيد تبيني اييبج من الجامعه
حصه : ما عندي غيرك .... يالله تعال
راشد : هيه أنا الدريول مالكم &nbsp;... يالله الحين ياينج
حصه : أوكي .... مع السلامة
الأم : هذي حصوه ....
راشد : هيه .... وانا الدريول مالكم .... شي تبون اييب لكم وانا راجع
الأم : مشكور وليدي .... الله يحفظك .... وعن السرعه الزايده &nbsp;... لا تنسى انه ما عندك ليسن
راشد ( وهو طالع من الصاله ) : أوكي الغاليه ... يالله مع السلامة
تعيش أم حميد مع عيالها ( حميد وحصه وراشد ومهره وميره ) عند أهلها بعد ما مات زوجها ، لأن يوم مات زوجها كان عيالها صغار ، فما كان لها غير انها تسكن عند أهلها ، واللي هم اليد واليده ونوره معرسه وسلطان ويمعه وفهد .

*********

في السياره راشد ياييب حصه من الجامعه ...................
حصه : اقول رشود انت ما داومت اليوم
راشد : شو ؟؟؟ وابويه عليج وانا من متى اغيب عن المدرسه ... أنا من يوم يومي وانا ريال ملتزم
حصه : ههههههههه أونك عاد الحين .... لا تصدق عمرك ... يوم انت ما بتغيب عيل منو بيغيب
راشد : هييييييييييه يا حصوه بعدج ما عرفتيني زين
حصه : هي والله .... اصلا انت محد يعرفك كثري
راشد : الا قوليلي ... كيف دوامج فالجامعه عشان اعرف متى ارجعج كل يوم ...
حصه : عاد اسكت عن دوامي هالكورس ..... منقع من الخاطر
راشد : هيه انتي نقعي فالتسجيل واطيح على راسي انا بعدين
حصه : فديت اخوي انا
يرن تيلفون راشد .......
راشد : هذا رقم البيت ...... أكيد الوالده تبي شي
ويرد على التيلفون : السلام عليكم
الأم : وعليكم السلام ..... اشحالك وليدي
راشد : بخير وسهاله .... مسرع ما اشتقتيلي
الأم : هيه اشتقت لك شسوي بعد ...
راشد : فديت امي انا
الام : أقول رشود ... وانت راد من الجامعه خطف على مدرسة اختك مهره وييبها ...
راشد : شو خلصت
الأم : هيه .... ودقت قبل شوي تبي حد يرجعها
راشد : وانا الدريول .... أن شاء الله ماما ... يريد شي بعد
الأم : يزاك الله خير .... مع السلامة
راشد : مع السلامة
حصه : حشى ... شو بلاك ... تاكل حسانك بلسانك ... ابوك سو خير بدون ما تتمنن على الناس
راشد : لا حول .... خلاص احسن شي انطم واسكت
ومروا على مدرسة مهره ( مهره اصغر من راشد بسنه صف ثاني ثانوي علمي )
مهره : السلام عليكم
راشد و حصه : وعليكم السلام
مهره : اووووووووه ما بغى يخلص هاليوم .... حشى تعب
حصه : عنبوه هذا أول يوم ويالسين تتشكون ...
مهره : على الأقل احنا مداومين .... بس ناس ما داوموا اليوم
راشد : منو تقصدين بكلامج .... هيه محد غيري انا المقصود يعني ... يالله عاد يوم اليهال يرمسون
مهره : انا مب ياهل .... لا تنسى انك أكبر مني بسنه بس
راشد : انزين واكبر منج بسنه ....... بس عقلي يساوي عقلج مليون مره
حصه : فكونا عاد من هالرمسه الفاضيه ....

******

في بيت العايله ، كان يمعه يالس مع امه واخته أم حميد يسولفون ، ودخل راشد مع خواته وسلموا وبعدين البنات راحن حجرهن وراشد قعد معاهم ........
يمعه : ها رشود ... الحين بطيح بالسياره ولا حد بيقولك شي .... فرصه عاد الجامعه والمدارس
راشد : تعرف خالي لازم ... خواتي ما لهن حد غيري
يمعه : اونك الحين طيب وخدوم
راشد : مشكله من اللي ما يعرفون قدرك زين
الأم : راشد قوم تغدا ويا خواتك
راشد : هي والله اقوم اتغدى ... ميت يوع
يمعه : سير كل بالهنا والعافيه ..... بس لا تكثر رمسه وانت تاكل لا تغص
راشد ( وهو متجه لصالة الطعام ) : أن شاء الله خالي يموع
اليده : ها يموع ... اشوفك طالع .. على وين أن شاء الله
الأم : أمايه يعني ما تعرفين يموع
يمعه : بروح عند الربع ... ويمكن نسير صوب المزارع
اليده : الله يحفظك

*******

بعد مرور اسبوع &nbsp;على بداية المدرسه ، وفي حجرة &nbsp;حصه &nbsp;كانن البنات متيمعات ....
ميره : واخيرا يا يوم الأربعاء ... هذا احلى يوم .. ( ميره اصغر اخوانها وهي صف ثالث إعدادي )
مهره : هي والله ... اول مره ميروه تقول شي زين
ميره : الله يسامحج .... عاد جي تقولي عني
حصه : الحين بتفكنا من هالهذره والا شو
ميره : حصوه شو يالسه تسوين
مهره : يمكن تكتب قصة حياتها
حصه : هيه اكتب قصة حياتي .... ما لج خص
مهره : حشى ما قلنا شي
ميره : مهروه .. يعني ما تعرفي حصوه اكيد تسوي شي مهم وهي الحين مركزه .. يعني لا حد يرمسها
راشد يدق على الباب بيديه الثنتين .... ويغني ... ويدخل على البنات .......
حصه : اعوذ بالله يت الطامه العوده ... انت متى بتتعلم المذهب .....
مهره : عافانا الله شو هالصوت .... فكنا من هالحشره ...
راشد : يالله اونهن عاد .... شو يالسات اتسون
مهره : وانت شو يخصك فالبنات
راشد : حشى حرام الواحد يسأل ... وبعدين انا فضولي احب اعرف كل شي
ميره : انزين يالفضولي .... خالي فهود يا والا بعده ( فهد خال راشد وهو أكبر منه بسنه ... ويداوم في كلية زايد )
راشد : &nbsp;لا يا .... راح صوب حجرته .... الا ما خبرتكن
مهره : خبرنا ... يا بو الاخبار
راشد : عن الطنازه .... خلاص هونت ما بخبركن
مهره : بدينا في شغل المذله ... يالله قول وفكنا
راشد : انتي ما بقولج ... لانج ما تحترمين اللي اكبر عنج
مهره : خلينا الاحترام لك ...
حصه : أنا بسألكم ... انتوا ما تحلى لكم السوالف الا في حجرتيه
مهره : حصوه ... كملي كتابتج ... وانت خبرنا شعندك
حصه : حشى اشوف كلكم فارين المذهب ... والله حاله
راشد : شو تكتب حصوه
ميره : تكتب موسوعتها للأعشاب الطبيه
راشد : ههههههه والله يحصوه حاله ... الحين انتي مصدقه عمرج
حصه : بنشوف بعدين .... يوم ينشر لي أول كتاب ... يهتم بتراثنا ....
راشد ( وهو ماسك قلم في ايده على انه مذيع ويقدم برنامج ) : استاذه حصه ممكن نعرف شو عنوان أول مؤلفاتج
حصه ( وهي تحط ريل على ريل ) : أول كتاب بعنوان الأعشاب الطبيه واستعمالاتها ... وثاني كتاب ....
راشد ( وهو يقاطع حصه ) : بس بس .... والله اشفق عليج ... مصدقه عمرج
حصه ( وهي معصبه من راشد وأسلوبه ) : اقول اجلب ويهك ... وفكنا من حشرتك

يدق فهد الباب ويدخل عليهم ويقومن البنات يسلمن عليه ....
فهد : اشوفكن ما تزهبتن والا ما بتروحن
مهره : وين ..
فهد : راشد انت ما قلت لهن
راشد : وهن عطني فرصه اتكلم &nbsp;..
مهره : خالي انت قولنا ... هذا رشود يذل الواحد
فهد : ابويه قال يبانا انسير صوب المزرعه ... وهم مناك بيروحوا عرس حد من الأهل
مهره : يا سلام بنطلع ... احلى شي ... يالله بنات
فهد : الا يموع وين ما شفته ....
راشد : اتصلت فيه قبل شوي ويقول انه فالمزرعه
فهد : زين عيل يالله بنات تزهبن .... اللي تبي تسير معايه

**********

في المزرعه العصر الكل يالسين يسولوفن .... وقام اليد ومعاه اليده وأم حميد ... وراحوا العرس وطبعا قبل هذا قام اليد وعطى ناصيح لفهد وراشد والبنات ... لانه يعرفهم مال ربشه وخبال ....
وطلعوا من المزرعه رايحين العرس &nbsp;، ووصل يمعه بسيارته النيسان الوسط اللي محطي داخل بطنه كل انواع التزويد والخرابيط ماله ووقف عندهم وسلم عليهم ....

يمعه : ها اشوفكم هني .... شعندكم
فهد : نغير جو .... وبنتعشا هني .... قالوا الشيخ يمعه عازمنا على طيور
يمعه : فالكم طيب &nbsp;ما يخيب .... جان حصوه والبنات بيطبخن
حصه : حاضرين خالي .... شو تبون
مهره : اقدم اعتذاري ... انا يايه اغير جو ما يايه اطبخ
راشد : انا بسألج انتي شو فايدج .... ويا هالويه
مهره : طالع ويهك .... كيفي
يمعه : شو بلاكم انتو ما عندكم غير هالنقره
فهد : فكونا ... شو الحين بنأكل طيور والا شو
يمعه : عاد من حظج يا مهره ... اليوم ماشي صيد .... رشود سير بعدين واشتر لهم عشا
راشد : ان شاء الله خالي .... ياللا الحين نبي نلعب
فهد : هيه والله يموع ..... وين البانشي
يمعه : الحين بسير اييبها ... الا وين ميروه
حصه : اكيد قاعده تتأمل فالطبيعه

وراح يمعه وياب البانشي ماله .... وهو راكب عليها ومسوي عمره الزعيم ... ويسوي استعراض جدامهم ... شوي يشل &nbsp;وشوي يركز ... والبنات كل ما شافنه يسوي حركه من الحركات يصارخن خايفات عليه انه يطيح ويتعور .... ويا ووقف عندهم ...
فهد : والله انك خطير بهالحركات .... عطني بجرب اشل
حصه : شو تسوي ما تخاف اطيح
يمعه : طال عمرج مهاره
راشد : يالله انا ابي اسوق
فهد : &nbsp;انا قبل .... يالله يموع
يمعه : اوكي بس شوي شوي ....
فهد : اوكي

وشل فهد البانشي وتم يدور فيها وجرب انه يشل ... بس كان يشل مسافه بسيطه لانه ما يعرف وايد ... وبعده يا راشد وساق البانشي .... وبعدين احتشرت مهره تبي تسوق .... بس يمعه ما خلاها وركبها معاه وتم يركز وهي متعلقه فيه وتصارخ ... وبعدين كل شوي يشل وحده منهن .... لين ما اذن المغرب ....
يمعه : يالله بسنا .... بنسير انصلي
راشد : بعد المغرب بنلعب .... زين خالي
يمعه : لا ما شي انا بروح عند واحد من الربع
فهد : افا .... انزين روح انت برايك ... واحنا بنلعب
يمعه : لا ما فيه بعدين تسون فيها شي ... ويحتشر الوالد

وراحوا وصلوا المغرب .... وطلع يمعه بعد الصلاه وراح عند ربعه ... اما فهد وراشد قعدوا مع البنات يسولفون ... لكنهم حسوا بالملل ...
فهد : اقول رشود شو رايك نلعب بالبانشي
راشد : كيف ... ترا يموع قال لا تلعبوا .... والسويج ما نعرفه وين
فهد : ما عليك انت ... انا عندي الحل ... يالله قوم
حصه : عن الخبال انت وياه ... والله بيجتلكم خالي يموع لو يدري
راشد : ومن وين بيدري
مهره : انا بخبره
راشد : عنبوه يالوشايه
مهره : اذا ما تبوني اخبر خلوني اسوق</span></font>

[الجنيه]

<font color='#810541'>اختي وين تكملة القصه الصراحه وايد عيبتني وابي اعرف النهايه</font>

[بن دبي]

<font color='#000000'><span style='color:royalblue'>مرحبا ...

الجنيه ... درة الشرق ... هلا فيكن .. وشكرا على التواصل

وهذا جزء من القصه ...</span>

<span style='color:darkblue'>وقام فهد وشغل البانشي بطريقته الخاصه .... وتم يلعب فيه ويحاول يشل بالدراجه مسافه طويله مثل يمعه ... وبعدين راشد تم يلعب .... والحين يا دور مهره ... وتموا يعلموها كيف تمشيها وكيف تمسك بريك ... عاد قامت مهروه تبي تستعرض وتقول في خاطره هم ما احسن مني ... وزادت سرعة الدراجه ولفت بسرعه اونها تبي تشل على تايرين مثلهم ... وشوي الا يسموعوا الطيحه ويشوفوا الغبار نقع والدراجه تمشي بروحها .... كلهم ركضوا صوب مهره ... والدراجه مشت مسافة بعدين راشد راح ووقفها .....
فهد ( يمسك مهره ويقومها ) : ها مهروه شي صار فيج
مهره ( وكل ملابسها غبار وويها اغبر ولا قادره تفتح عيونها ) : شو رايك فالحركه حلوه
راشد ( وهو معصب عليها ) : فقدت هالويه ... لو تعورتي ... بطيح على روسنا .. بيجتلنا يموع والا يدي منو بيروم ايسكته
حصه : انتي ما عندج سالفه
مهره : اوووهوووووووووو ... حشى محد يروم يسوي شي
فهد : سيري غسلي ويهج ... قبل لا ايي حد ويشوفج جي
مهره : زين .....
وراحت مهره وراحت معاها حصه &nbsp;.... وغسلت ويها ... وطبعا حصه عطتها محاضره طويله عريضه في الادب .. وان البنات المفروض ما يسون هالحركات .... وبعد نص ساعه تقريبا وصل يدهم ومعاه اليده والام .... ورجعوا البيت وطبعا محد خبر عن هالسالفه ... لانهم كلهم بيتورطوا فيها ...

********

وفي مكان ثاني اللي هو بيت أبو ياسر اللي هو اخو أبو سلطان ... كانت ريم قاعده مع أمها تسولف .. وريم هي البنت الوحيد من بين ثلاثة أولاد ... وهي صف ثالث ثانوي مثل راشد ... وطبعا غير صلت القرابه اللي تربطها بمهره كانت صديقتها العزيزه ....
ريم : امايه تراني طفرت .... مب حاله هذي
ام ياسر : شو بلاج .... شعندج بعد
ريم : شوفي حالي ... والله اصعب على العدو ...
ام ياسر : بسم الله عليج ما فيج غير العافيه
ريم : امايه انا ابي حد يفهمني ... حد يحس فيه .... انتي كله مطنشتني ... ما جني بنتج الوحيده ..
ام ياسر : يا حافظ عليج ... انتي مب ياهل ... والا تبيني احطج في منز
ريم : امايه ... شوفي اخواني كلهم طلعوا عند ربعهم ... وانتي الحين بتسيري تنامي ... وانا بتم بروحي مجابله هالتلفزيون اللي عفته
ام ياسر : والمطلوب يعني
ريم ( وهي طبعا تحب تغصص على امها وتسويلها حركات ) : قعدي سهري معايه ... شو اليوم فلم عجيب
ام ياسر : يالله بالستر .... تبيني اسهر على افلام
ريم : امايه جربي ... وصدقيني ما بتندمين ... وحتى اذا يا ابويه وشافج اطالعين الفلم .. يمكن يعيبه ويقعد يشوفه معانا
ام ياسر ( وهي تقوم تبي تسير حجرتها ) : اتعرفين .... انتي ما عندج سالفه ... اقوم اصلي ركعتين وانام احسن لي بدل القعده الفاضيه معاج
ريم : امايه .... تراج خسرانه
ام ياسر : اقول حبيبتي طالعي الفلم وباجر ان اصبحنا ان شاء الله خبريني عنه
ريم : امايه .... ترا يوم تشوفينه غير .... فلم اكشن
ويدخل عليهم ياسر وهو اكبر اخوانه وعمره 24 وهو ربيع يمعه ولد عمه ... ودايم الدوم مع بعض ...
ياسر : مساء الخير ... اشوف الحبايب سهرانين
ريم : هلا يسور ... اقول شوف امك سهرانه .. اونه تبي اطالع الفلم مال الليله تقول اكشن
ياسر : ها امايه ... علموج بعد
ام ياسر : هيه بعد شو اسوي ... من عاشر القوم &nbsp;... شو رايك اطالع معانا بعد
ياسر : هههههههههههه ... الله الله على الوالده
ام ياسر : الا هاي مسودة الويه ريموه ... اللي ما عندها سالفه ... &nbsp;اونه انا ابي اسهر على افلام
ياسر : امايه ما فيها شي خلج شبابيه
ريم : هيه صح امايه خلج شبابيه
ام ياسر ( وهي رايحه صوب حجرتها ) : استغفر الله منكم ... يالله تصبحوا على خير
ريم وياسر : وانتي من اهل الخير
ريم : الا اشوفك ياي من وقت الليله ... والا ماشي سهر
ياسر : لا مشتاق لج ... قلت اسهر معاج الليله
ريم : لا والله .... اونك عاد ... ما عليه يوم بتعرس بنشوف ... كل يوم من المغرب فالبيت جنه ديايه
ياسر : لا حبيبتي ومنو قالج اني ابي اعرس .... اصلا حد يبلي بنات الناس وايدخلهن بيتنا
ريم : ليش ان شاء الله وشو فيه بيتنا .. ما فيه مثله
ياسر : وابوج الحبيب ... بيطفر الحرمه
ريم : جيه ابويه اللي بياخذها والا انت
ياسر : يعني انتي ما تعرفي ابوج ... احنا عياله مطفرنا ومسولنا رعب ...
ريم : عاد مب جي ... جنك زودت العيار يعني
ياسر : سمعي حبيبتي ... انا ما بعرس لين ما اخذ بيت بروحي .. اريح لي
ريم : هذا اذا خلاك محمد بن علي ... ما عنده هالسوالف زين
ياسر : زين بنشوف يا بنت محمد بن علي
ريم : وين بتروح الحين
ياسر : بسير اشم هوا .... الا ابوج وينه ... لايكون سهران بعده
ريم : هيه سهران ويا شلته ... اتعرفه ابوك
ياسر : زين عيل انا بروح عند الشباب الحين ... يالله باي
ريم : مع السلامه

طلع ياسر عند الشباب فالمقهى ... وطلعت ريم حجرتها ... وكالعاده يا أنها تنام أو انها تيلس تسمع اغاني والا تروح وطالع التلفزيون .. وهي تعودت على هالشي ... دايم وحيده ... وبما انها هذي اخر سنه لها فالمدرسه فلازم اتشد حيلها وتييب نسبه عدله ... لانها ما فيها على حشرة ابوها اللي ما يعيبه شي ....

*********

وفي يوم وفي صالة بو سلطان كان الكل قاعد يسولف .... اليد واليده وعيالهم ما عدا ميره اللي كانت تدرس وتخلص شغلها على الكمبيوتر.... وكان الجو مرح طبعا بوجود مهره وراشد اللي ما يوقفوا عن النقره ....
مهره : أقول اللي عنده ثانويه عامه يسير يدرس لا يعيد السنه
راشد : في مثل مصري يقول ... العلم فالراس مش فالكراس
مهره : هذا المثل للأذكياء ... مش لامثال بعض من الناس
راشد : هالناس عباقره ... وبدون ما يفجوا الكتب .. بييبوا النسبه الزينه ... وبنحر بعض من الناس
يمعه : اقول رشود ... يا عبقري زمانك ... خل عنك الخرابيط وادرس ...
راشد : قلتها من قبل ... مشكله من اللي ما يعرفونك
أم حميد : هيه صح راشد وانا امك شد حيلك .. وهذي اخر سنه
ويرن تيلفون يمعه .....
يمعه : الو
سلطان : السلام عليكم
يمعه : وعليك السلام .... اشحالك سلطان
سلطان : الحمد لله بخير وعافيه ... اشحالك انت وشحال الاهل
يمعه : كلهم بخير والحمد لله .... ها متى بتوصل
سلطان : ان شاء الله يوم الاربعاء .... الساعه 12 فالليل
يمعه : ان شاء الله
سلطان : ان شاء الله على خير .... سلم على الاهل
يمعه : ان شاء الله يوصل .... مع السلامه
اليد : اشحاله ... عساه بخير
يمعه : تمام ... يسلم عليكم &nbsp;... ويقول انه بيوصل يوم الاربعاء
اليد : ان شاء الله على خير
اليده : الله يوصله بالسلامه .... وشو عن بو حمد وسالفة فطوم
اليد : ان شاء الله بنتكلم فالموضوع يوم يوصل من السفر
يمعه : والله انكم مسوينها سالفه ... انتوا خططو وطيح على رأس سلطان بعدين
اليد : سلطان لفاطمه من يوم هم صغار ...
اليده : حصوه ... فطوم متى تخلص من الجامعه ؟؟
حصه : هذا اخر كورس لها ... الحين عندها تدريب وتاخذ مساق فالجامعه
اليد : خلاص ما في كلام ... وانا وأبو حمد متفقين
يمعه : هيه زين انت وعمي اللي بتعرسوا
اليد : يمعه عن هالحركات ولا فينا على المشاكل

وراح اليد واليده لحجرتهم .... والباقين تموا فالصاله يتريوا اليد يطلع عشان ايطلعوا اللي في خواطرهم ...

راشد : أنا الصراحه هذيلا عيال عمي خليفه ما اواطنهم ... خقاقين وشايفين اعمارهم
مهره : اتصدق عاد رشود في هذي معاك حق ... حتى البنات ... وععععع
الام : راشد .. مهره ... عيب تقولوا جي على عيال عمكم
يمعه : الصراحه معاهم حق يا ختي ... عندج مثلا هذا أحمدوه ... اووووف جيه ما اواطنه ... يرمس من طرف خشمه ....
راشد : زين الحمد لله انا مالي علاقه فيهم
يمعه : اذا تبي بيكون ....... حصوه شو رايج في أحمد تراه يناسبج
حصه : بسم الله عليه .... لو الموت ما اخذه
يمعه : ابويه حصوه انتي معروف مصيرج ... يا بياخذج أحمد ولد عمي خليفه او بياخذج ياسر ولد عمي محمد
حصه : لا والله .... ولا واحد منهم بياخذني
راشد : على هالسالفه .... اكيد خالي يموع بياخذ وفا
حصه : هههههههههه ... تخيل عاد خالي يموع ياخذ وفا
يمعه : الله لا قالها .... انا ما اريد ارتبط فعيال عمي خليفه
حصه : بنشوف الزمن من بينا
يمعه : والله ما عندكم سالفه ... انا بخليكم وبسير عند الشباب ابرك لي .... يالله فمان الله

وطلع يمعه عنهم وخلاهم بروحهم ... وبعد نقاش ختامي خفيف بين مهره وراشد .. راح كل واحد لغرفته ... راشد يتسمع اغاني كالعاده ... ومهره الله هداها وقعدة تدرس ... اما حصوه فراحت عند امها تسولف معاها شوي وبعدين راحت حجرتها ......

********

يوم الاربعاء في بيت بو سلطان ... كان يمعه يستعد يبي يروح يستقبل سلطان واييبه من مطار دبي ...
يمعه : امايا يالله انا رايح اييب سلطان .... هالله هالله فالاستقبال السنع
اليده : الله يحفظك ... ولا تسرع شوي شوي على عمرك
راشد : خالي يمعه ... حبيبي .. فديت عمرك ... بسير معاك دبي
يمعه : هيه بدينا فشغل اللواته .... شو تبي تروح تسوي
راشد : بسير استقبل خالي سلطان ... تعرف مشتاق له موت
يمعه : عيل اقولك خل الشوق ايزيد ... واترياه لين ما يوصل
راشد : ما فيه صبر .... ابي اسير معاك
يمعه : وقع عمرك هني وعن هالحركات .... الا فهد وينه ما شفته اليوم
راشد : فهد محجوز ... شفت يعني بقعد بروحي
يمعه : قعد هني عند خواتك احسن لك
راشد : انزين انت شو بتخسر ... تراني بركب فالسياره مب على راسك
يمعه : عيل عوار ونحاسه فيك ما شالنك معايه ... وسير ادرس الاسبوع الياي عندك امتحانات ولا تنسى انك ثانويه عامه
راشد : ما عليه خالي
وطلع يمعه وركب سيارته .... وراح دبي يستقبل اخوه سلطان ....
مهره : وااااااااااااااه ... قفطوه ... ما خلوه يسير .... لا تصيح
راشد : مهروه يوزي عني .... تراني واصل حدي ...
مهره : انزين خلاص رشود حبيبي ... لا تصيح ... الا دبي تراها
راشد : والله انج سخيفه لاخر درجه

وطلع راشد وركب سيارته ..... وطلع مسرع من البيت ..... ومر على ربيعه عبدالله وشله معاه ... وراحوا صوب شارع الحب يتمشون ...
عبدالله : رشود شو بلاك متضيج
راشد : ما شي ... بس بغيت اروح مع خالي يموع دبي ... ولا خلاني اروح معاه
عبدالله : جيه انت ياهل تزعل بسبت سالفه مثل هذي
راشد : تبي الصراحه وانا اخوك ... مضيج من سالفه خاصه شوي
عبدالله : هيه قول جي ... اعرف ما تزعلك السوالف التافهه ... ( وشافوا سياره موقفه على الشارع وعاطيه اربع اشاير ) رشود شوف هالسياره شو بلاها ...
راشد : ما ادري والله ... خلنا نشوف شو بلاهم
عبدالله : رشود خلنا في حالنا ومالنا خص في حد
راشد : خل عنك يالخواف .. يمكن حد يبي مساعده
عبدالله : الله يستر
ويوم وقفوا شافوا شباب قاعدين يضاربوا .... شباب مواطنين قاعدين يهددوا زلمات يبون يضربوهم .. مسألة شبابيه وطيش هالشباب ... وبعد شوي وصلت الشرطه ...
عبدالله : رشود خلنا انسير قبل &nbsp;لانتورط فالسالفه
راشد : يالله ... الله يستر وانا ما عندي ليسن ... ( وسرع راشد بالسيارته .. بس الظاهر ان الشرطه خذت رقم السياره ومواصفاتها )
عبدالله : الله يستر ما خذوا الرقم
راشد : انزين عادي ... احنا ما سوينا شي ... لو كان عندي ليسن كنت وقفت واتفاهمت معاهم
عبدالله : صح احنا ما سوينا شي ... بس منو بيقول جي

والساعه 2 ونص رجع راشد للبيت ... وحصل خاله سلطان وخاله يمعه قاعدين ... وسلم على خاله سلطان وقعد يسولف معاهم ...

يمعه : وين كنت للحين
راشد : مع عبود
يمعه : انزين وين ؟؟
راشد : ما شي فهالشوارع نتمشى .. ورحنا صوب المبزره ... وقعدنا شوي .. وبعدين وصلت عبود بيته والحين ييت
يمعه : وانا كم مره قلت لك لا تتأخر برع البيت
راشد : عنبوه خالي اجازه ... باجر الخميس
يمعه : ولو ... مره ثانيه لا تسويها ... وان دريت انك سويتها .. لا تلوم الا نفسك
سلطان : اشفيك يموع عليه ... خله يطلع ما دام عنده اجازه
يمعه : سلطان ... انت ما تعرف سوالف رشود
راشد : والله يا خالي انا ما اسوي شي غلط
يمعه : بنشوف
سلطان : يالله تصبحوا على خير انا بسير حجرتي ارقد
يمعه وراشد : وانت من اهله

وطلعوا كل واحد حجرته ... راشد فهالليله ما ياه الرقاد ... وتم سهران يفكر ... ما يعرف شو يبي ويحس بفراغ في داخله .. ومضيج من الصبح .. وزاد عليه خاله يمعه ... والسالفه اللي استوت فالشارع ... ويوم حس عمره مضيج ولا قادر يستحمل ... قام وتوضا وصلى ركعتين وقراء قرآن ... وبعدين راح ونام ...

*********

يوم الخميس مسوين عزيمه في بيت ابو سلطان .... لان سلطان راجع من السفر وشي اكيد ان عمومته بيوون ايسلمون عليه .... وتجمعت العايله .. البنات في الصاله قاعدات يسولفن والحريم معاهن ..
ام سلطان : يا حي الله من يانا
ام ياسر : الحمد لله على سلامة سلطان
ام سلطان : الله يسلمج
ام حميد : اشحالج يا ام ياسر وشحال العيال .. عساهم بخير
ام ياسر : الحمد لله كلهم بخير وعافيه ... اشحالج ابويه حصه .. عساج بخير
حصه : الحمد لله عموه بخير وسهاله
مهره : اقول ريم شو رايج نروح حجرتيه
ريم : فكره حلوه والله ... بدل رمسة هالحريم .. الا شحالج وشخبارج .. وشخبار فلانه وعلانه
مهره : وانت صادقه ... تعالي براويج حصوه شو كاتبه
حصه ( وهي اطالع مهره بنص عين ) : ان دخلتي حجرتيه لا تلومي الا نفسج
ريم : شي سري ... يالله مهروه نروح انشوف ... ولا عليج منها .. انا بدافع عنج
حصه : اشوفج سويها ...
مهره : اقول ريم ... ما فيه على حشرتها ....
ريم : افا وطلعتي خوافه ... حد يخاف من حصوه
مهره : مش مسالة خوف ... بس احترمها ...
حصه : زين يوم تعرفين الاحترام
ريم : الا اقول وين ميروه ما شفتها
حصه : اكيد في حجرتها على هالكمبيوتر
ريم : شو تسوي ... هذي دوم يا تدرس يا على الكمبيوتر
مهره : نسير انشوفها ... اكيد تسوي البوربوينت مال التربيه الاسلاميه ...
ريم : والله انها متفيجه اتسوي بوربوينتات
مهره : لا وانتي الصادقه ... الاخت معجبه
ريم : معجيه ... في منو
مهره : في ابلة مريم ... مال التربيه الاسلاميه ... والله لو تشوفي حالها كيف متغير ... مطوعه صايره
ريم : لاه ... زين عيل بنستفيد منها في امور الدين
مهره : عاد انتي .... الله يستر منج
وطلعن عند ميره ... وطفرنها ولا خلنها تكمل شغلها ... وهي لازم تسلم الموضوع لابله مريم ...

وفي ميلس الرياييل اجتمع أبو حمد وأبو سلطان واتفقوا على موعد زواج سلطان من فاطمه ... وطبعا الاخ سلطان ولا يدري عن الموضوع ...
وبعد ما تعشوا كل واحد راح لبيته ... يمعه طلع مع ياسر وحمود ( هو اخو ياسر وعمره 22 سنه ) وراحوا المقهى عند ربعهم .. اما سلطان فدخل الصاله مع ابوه عند امه واخته ام حميد ... ويلسوا يسولفوا ....
اليد ( وهو يطالع سلطان ) : اليوم انا وعمك بو حمد حددنا موعد زواجك من فاطمه
سلطان : ليش يا بوي ... انا بعدي ما مستعد
اليد : شو هاي بعد ما مستعد ... لا تتحرا عمرك صغير ... والبنت خلصت من الجامعه ... وعن الا ستعداد لو اخليك العمر كله ما بتستعد ... اعرفك لعاب ولا تقبض البيزه في ايدك
سلطان : ومتى أن شاء الله
اليد : على شهر اربعه ان شاء الله
سلطان : جنه جريب .... بعد 5 شهور
اليده : زين يا ولدي ... 5 شهور البنت بتستعد فيهن
سلطان : يعني شو اقدر اقول ... امرنا لله

وقام اليد واليده وراحوا حجرتهم .... وتم سلطان قاعد مع اخته ام حميد ....
ام حميد : شو سلطان ... ما تبي فطوم ... مخطوبه لك من يوم كنتوا صغار
سلطان : والله يا اختي رفضت والا وافقت كله واحد .... يعني انا اقدر اقول شي
ام حميد : وانت صادق يا خوي .... الله يعينك
سلطان : انا عمري ما شفتها هذي فطوم ... شو حلوه وشو اخلاقها اخافها الا مثل اخوانها الشباب
ام حميد : عن الحلاه حلوه ... واخلاقها الحمد لله تمام ... بنت عمك خليفه يعني شو تتوقع
سلطان : عمي خليفه على العين والراس ... بس ما يدري عن شي
ام حميد : اذا تبي تعرف عنها اكثر سير اتخبر حصوه ... هي تشوفها فالجامعه
سلطان : بتخبرها حصوه ... الا حميد متى بيرجع ؟
ام حميد : يقول الاسبوع الياي
سلطان : زين والله ... ان شاء الله يوصل على خير
وطلع سلطان وراح حجرته ... وبعد شوي دخل راشد على امه فالصاله وسلم عليها ... وقعد معاها يسولف ...
الام : رشود شو بلاك ...
راشد : آآآه يا امايا تعبااااااااااان ومليت الدنيا
الام : استغفر الله ... ليش عاد
راشد : امايا .. انا مليت بسني من الوحده
الام : وين وحده ... ترانا كلنا معاك
راشد : امايا فهميها عاد .... ابي اعرس
الام ( وهي فاجه عيونها ) : شو قلت ... تبي تعرس
راشد : هيه امايا ... شو بلاني ريال ... وخالي سلطان مب احسن عني
الام : خالك سلطان يشتغل ويصرف على عمره ... وانت بعدك الا ثانويه .. بعدك صغير ... ومن وين بتعيشها اللي بتاخذها
راشد : امايا هي غنيه ... وهي بتصرف عليه
الام ( وهي معصبه على رشود ) : قم واختفي من جدامي لا اخفيك يا مسود الويه
راشد : خلاص امايا ما تبيني اعرس ... عيل بشرد وبتزوج هاي البنت اللي احبها
الام : حبتك القراده ... وبعد له ويه يقول احب ... انت ما بتيوز عن هالسوالف لين ما اخبر خالك يموع عليك هو يعرف يأدبك يالحمار ...
راشد : خلاص امايا انا قررت .... ولا بتراجع ...
الام : بنشوف راي خالك يموع ...
راشد : ما عليه من خالي يموع .... يوم باخذ اللي احبها بخذها غصب عن اللي ما يرضى
الام ( وهي تضحك .. تعرف ان راشد قاعد يسولف معاها ) : انت تبي تضارب
قام راشد وحضن امه ... امايا لا تزعلي مني ... اسولف معاج .. ادعيلي امايا
الام : الله يوفقك ويهديك وايسر لك امورك يا رب العالمين
راشد : يالله امايا تصبحين على خير

وقام راشد وراح حجرته ... والام بعد قامت وراحت حجرتها وهي تدعي لراشد ان الله يوفقه ويهدي سره ... وهي تقول في خاطرها ... كبروا والله هالعيال .. الله يرحمك يا ابو حميد ...

*******

وفي نفس الليله وفي بيت أبو حمد ... فاتح بو حمد حرمته فالموضوع طبعا هي موافقه ... لانها هي مخططه ان فاطمه لسلطان ... وام حمد اذا حطت شي في راسها لازم تسويه ... رغم ان الحاله الماديه لابو حمد احسن من الحاله الماديه لابو سلطان ... الا ان علاقتهم كاخوان كانت قويه ... عكس العيال اللي ما يحبون بعض .. وعيال بو حمد شايفين اعمارهم وهذا شي معروف عنهم ... وقرر انه يفاتح فاطمه ويخبرها ... طبعا فاطمه عندها علم بالموضوع لانها لسلطان من يوم كانوا صغار ... وطبعا لانها ما كانت تسلم من مغايض خوانها لها ... ويوم فاتحها ابوها فالموضوع عطاها فرصه انها تفكر وتقرر ... والقرار الاخير لها طبعا ....

فاطمه قاعده في حجرتها اتفكر فالسالفه ... اللي فاتحها ابوها فيها ... تفكر في سلطان اللي بيكون ريلها ... ما &nbsp;تعرف شو تسوي وشو تقرر ... لانها ما تعرف عنه شي ... ودخل عليها أخوها أحمد بعد ما دق على الباب .... وعدلت يلستها ... وهي تعرف ان في خاطره شي .....
أحمد : اشحالج فطوم
فاطمه : الحمد لله بخير وعافيه
أحمد : شو خبرج ابويه عن عريس الغفله ... سليطين
فاطمه : هيه
أحمد : شو رديتي عليه
فاطمه : لا بعدي ما رديت ... قالي ابويه افكر ... انت شو رايك
أحمد : انا من رايي انه ما ينفع ... هذا صايع ما مخلي بنيه في بوظبي ما يعرفها ... ويا ليت على المعرفه بس .. شباب خبروني انه ايشلهن معاه بعد ..
فاطمه : أحمد لا تفتري على الريال ... مش من حقك تقول عنه جي حتى لو كنت اتكرهه
أحمد : تبي اتصدقي صدقي ... واذا ما تبي اتصدقي ... انتي الخسرانه
فاطمه : وانت شدراك ...
أحمد : يا حبيبتي .. انا اعرفه يداوم في بوظبي بعيد عن عيون عمي حمد وبعيد عن عيون الناس ... ويسوي سوايه وين محد يطلع علومه
فاطمه : ما ادري والله شو اقول ... بس امي وابوي يمدحونه
أحمد : امي وابوي شدراهم عن سواياه ... انا نصحتج وانتي قرري

وطلع احمد عن فاطمه وخلاها في حيرتها اتوافق والا ما توافق ... وهالكلام اللي يقوله احمد عن سلطان صحيح والا لا ... ويت في بالها فكره .. وهي تقول في نفسها ... ما شي غير وفا هي اللي بتييب لي العلوم .. حصوه ربيعتها وتاخذ معاها مساقات .. اكيد بطلع علوم سلطان من عندها ...
وفي اليوم الثاني راحت فاطمه عند وفا في حجرتها وخبرتها عن سالفة الخطبه ....

وفا : انزين تراكم مخطوبين لبعض ... يعني كيف بتوافقين والا بترفضين ... هو بكيفج
فاطمه : هذا كلام ابوي وعمي ... وانا محد شاورني ... يعني لي اني ارفض والا اوافق
وفا : وليش اتسوين مشاكل بين ابويه وعمي ....
فاطمه : والحين منو سوا مشاكل ... يمكن اوافق وحتى اذا رفضت .. المفروض محد يزعل
وفا : يا اختي خلج من المفروض ... اذا رفضتي اكيد بتستوي حساسيات من بين ابوي وعمي
فاطمه : لا تيلسين تتفلسفين عليه بهالكلام .... ما ناقصتنج
وفا : انزين ممكن اعرف ليش اترفضين
فاطمه : انا يايتنج علشان هالسالفه ...
وفا : يعني تبين مني شي
فاطمه : اللي ابيه منج طال عمرج .... تتخبري حصوه عن سلطان
وفا : شووو ؟؟؟ ... حصوه ... يالذكيه هذا خالها .. يعني اكيد بتمدحه
فاطمه : انتي سوي اللي عليج ... وخبريني ... وانا اعرف شطارتج يا وفا ولا ينخاف عليج في هالسوالف
وفا : الله يعينا ... الا ما قلتيلي كم بدفعي .. مقابل هالخدمه
فاطمه : حشى هذا وانا اختج تبي مقابل ... عوذ بالله</span>

والبقيه تأتي ....

اختكم ... عيوز خطيره &nbsp;<img src="http://oasis.bindubai.com/emoticons/biggrin.gif" border="0" valign="absmiddle" alt=':D'></font>

[ماوحشتك]

<font color='#000000'><span style='color:indigo'>هلا عيوز خطيره .. اشكرج على القصه .. بس احس الحوارات قصيره وايد
من بينهم .. .. ولاحظت انج تكتبين بالغه العربيه الفصحه و بالعاميه ..
&nbsp; &nbsp; &nbsp; &nbsp; &nbsp; يكون احس لو تكتبينها كله .. بالعاميه .. <img src="http://oasis.bindubai.com/emoticons/smile.gif" border="0" valign="absmiddle" alt=':)'>
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;وننتظر البقيه ..

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;والسموحه .. &nbsp;<img src="http://oasis.bindubai.com/emoticons/smile.gif" border="0" valign="absmiddle" alt=':)'></span></font>

[درة الشرق]

<font color='#000000'>تسلمين عيوووووووزي ما يحتاي اوصيج

لا تتاخرين علينا واااااااايد ترانا ننتظرج

درة الشرق</font>

[بن دبي]

<font color='#000000'><span style='color:royalblue'>ماوحشتك... شكرا على النصيح

وان شاء الله اغير للعاميه ... بس تراها بروحها تجلب عندي

من عامي لفصيح والعكس ... ما ادري كيف</span><img src="http://oasis.bindubai.com/emoticons/rock.gif" border="0" valign="absmiddle" alt='???'>

<span style='color:royalblue'>درة الشرق &nbsp;... هلا الغاليه

وسوري على التأخير ... شو اسوي بعد مشاغل الدنيا

وشكرا على التواصل</span><img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

[بن دبي]

<font color='#000000'>مرحبا جميعا ...

وسوري على التأخير .....

<span style='color:darkblue'>في بيت اليد واليوم هو الجمعه ... يت نوره من ابوظبي علشان اتسلم على اخوها سلطان ... وكانوا كلهم متجمعين فالصاله .. وبعد الغدا راح اليد حجرته علشان ايريح ... والباقين يلسوا ايسولفوا ...

راشد : اقول سعيد شو رايك نسير نلعب بولنج
سعيد : اوكي رشود ... ( سعيد اكبر عيال نوره وعمره 15 سنه )
يمعه : احم احم ... على وين ناوين الشباب
راشد : اظن انك سمعتني وانا اقول ... بنسير نلعب بولنج
يمعه : رشود تكلم بأدب ... وماشي سيره
راشد : خالي ... تعرف صالة البولنج قريبه ... بنسير انغير جو انا وسعيد ... ياي من بوظبي يعني ما يصير يقعد فالبيت ... لازم اطلعه
سعيد : هيه خالي خلنا نروح .... اعرفك طيوب
يمعه : لا طيوب ولا حبوب .... قلت ما شي سيره
راشد : يعني شو نسوي هني ...
يمعه : روح المزرعه وطالع البيدار شو يبي ... من يومين متصل ويدك محتشر
راشد : هيه حق الشغل برايني اطلع ... ويوم ابي اغير جو ... ممنوع الطلعه ... امحق عيشه
يمعه : شو مب عايبنك
راشد : لا عايبني ... افا عليك خالي منو قال ... ياللا سعيد خلنا انروح
سعيد : ياللا امايه انا بروح ويا رشود
نوره : زين الله يحفظكم بس لا تتأخرون ...
راشد : ان شاء الله خالوتي
وطلع راشد وسعيد وراحوا المزرعه ...
نوره : اشفيك يمعه على رشود ... مخلي دوبك من دوبه
يمعه : هذيلا ما يبالهم غير جي ... والا اذا حد خلاهم على كيفهم بيضيعوا وبيسون لنا مشاكل
نوره : حشى واقف له على الوحده ... بيعافك بعدين خف عليه
حصه : هي والله خالي ... عاد الا رشود فديته خدوم ويسوي أي شي تبونه منه
يمعه : هيه محامي الدفاع تراه اخوج اكيد بدافعي عنه
نوره : لا اله الا الله
يمعه : محمد رسول الله .... يالله انا بسير ... سمحولنا
سلطان : ها على وين يموع
يمعه : بسير عند الربع وبعدين بسير المزرعه ... بعزم رشود وسعود على طيور
سلطان : زين والله طلعت فيك الرمسه ... لو يدري رشود ان نوره كلمتك ... جان خلاها كل يوم تكلمك وتتوسط له عندك
يمعه : لا والله ... مب من رمسة نوره عزمته ... اباه ينتف ريش الطيور
سلطان : الله اكبر انت ما يفوتك شي ... مسكين رشود .. ما ادري كيف مستحملنك وياه
يمعه : قم سير معانا .... بنعشيك جبسه بطرانه
نوره : ومنو يطبخ لكم
حصه : الطباخ الشهير الشيف يمعه بن حمد بن علي
يمعه : هيه يلسي اطنزي ... انتي لو ذقتي طبخي بتاكلي صبوعج ... بس رأفتا مني ما بعزمج
حصه : وليش ما بتعزمني
يمعه : علشان ما تاكلي صبوعج
سلطان : عيل ما بنخلي هالعزيمه اتفوتنا
نوره : شو سلطان بتروح معاه ... الظاهر انه اغراك
سلطان : شو نسوي بعد السالفه فيها اكل

وطلع يمعه وسلطان راحوا المزرعه ... واول شي بيروحوا البر وبيصيدوا طيور وبعدين بيسيروا المزرعه وبيطبخون وطبعا ربع يمعه لازم متواجدين ومن بينهم ياسر وحمود عيال عمه محمد ويقعدوا فالمزرعه يسولفوا ويلعبوا بالدراجات ويتعشوا .....

الساعه تسع فالليل رجع سعيد مع راشد على اساس يرجع مع اهله بوظبي ، كانت علاقة سعيد في عيال خالته ام حميد قويه لانه متربي معاهم من يوم صغير وخصوصا حصه لانها هي اللي كانت وايد تهتم فيه ولان حصه علاقتها قويه بخالتها نوره ، اما علاقة سعيد براشد فكانت زينة وكانوا دايم مع بعض واغلب الاجازة يقضيها سعيد فالعين عند قوم يده ......
وبعد ما راحت نوره وعيالها ، طلعت مهره مع حصه وراحن حجرة حصه اما ميره فرجعت اتكمل دراستها واليد واليده راحوا حجرتهم اما راشد قعد يسولف مع امه ، وفي حجرة حصه كانن مهره وحصوه يسولفن ....

حصه : شوفي كيف البيت يكون هادي بعد ما تروح خالتي
مهره : شو قصدج يعني فكه منها يوم راحت
حصه ( تمسك مخده وتفرها على مهره ) : عنبو هالويه الحين منو قال جي ... اتعرفيني اموت في خالتي
مهره : شو تموتين هذي كلمه قليله ... والا هي ما عندها غير حصوه ... ما ادري شو مسويتلها سحر انتي
حصه : اعوذ بالله من الحساد ... شو غيرانه مني
مهره : الصراحه اغار
حصه : عاد خالتي عندها ذوق تعرف قدر الناس
مهره : شو قصدج يعني .... اني انا ما لي قدر ... اوكي الله ايسامحج
حصه : الله يسامح الجميع .... الا قوليلي شو اخبار ريموه
مهره : ريم بنت عمي محمد ما غيرها
حصه : لا تستهبلين ... يعني حد غيرها
مهره : زينه .... الا انتي شو رايج فيها
حصه : الصراحه ... ما ادري بس ما استلطفها وايد تهذرب لعلوعه ... وما تخلي شي ما تخبر به
مهره : هيه صح ... أي شي تعرفه اتخبربه ... حتى ما اامنها على اسراري
ويدخل راشد عليهن ....
راشد : ها فمنو تحشن فهالوقت ...
حصه : هلا رشود ما شي قاعدين انسولف
راشد : اممممم اتسولفن .... قصدج اتحشن ... هذي غيبه غيبه ... استغفر الله ما زين تتكلمن فالناس الحين ... ايقولكم المثل .. رقاد ولا طاري العباد ...
مهره : اونك الحين .... لا يكون ياي من عند ميروه
راشد : لا ياي من عند امي
مهره : زين عطتك حنان
راشد : هيه وخلصته بعد ... ما خليت لج شي
مهره : شو نسوي ما نروم تراك دلوعة الماما
حصه : مهروه .... اونج الحين يالغياره
راشد : كيفي انا وامي ... ولدها الوحيد الموجود عندها
مهره : زين يا كاكا .... شوي شوي على عمرك
راشد : مهروه يوزي عني والا تراني بكفخج
مهره : هيه تروم انت
حصه : مهره حبيبتي سيري نامي باجر عندج دراسه
مهره : يعني طرده ... اوكي من اللي ايي حجرتج
حصه : مب طرده ... بس ابي مصلحتج ... تصبحين على خير ...
راشد : واااااااااه طردوها ... يالله سيري انخمدي

وطلعت مهره ولا ردت على راشد اللي كان يحب يغايضها لو على اتفه سبب ... بس حب النقره من بينهم شي عادي كل يوم ... واذا مر يوم ما اتناقروا فيه بيكون شي غلط ....

********

في اليوم الثاني اللي هو يوم السبت ... وفي الجامعه راحت وفا الرباعيه تبي ترمس حصه لانها هي دايم تحصلها هناك ويوم دخلت للرباعيه شافت حصوه قاعده مع ربيعتها العاش ... ويت صوبهن وسلمت عليهن ... وقعدت معاهن تسولف ....
حصه : وينج وفا محد يشوفج مختفيه فهالجامعه
وفا : تعرفيني طالبه مجتهده ....
عايشه : يا سلام على الطالبه المجتهده ... قولي الا في الكوفي هاوس هي وشلتها ما اتي الرباعيه
حصه : اها ... يعني دايم فالكوفي ... انا اقول بنت عمي بعد ما زود الاجتهاد اللي عندها
وفا : يغربل عدوج يالعاش ... زين جي اتشوهين صورتي جدام بنت عمي
عايشه : يعني هي اللي ما تعرفج الحين
حصه : اعرفها يالعاش .... ما يحتاي اتخبريني عنها
وفا : زين بعد يوم اتعرفيني ....
عايشه : يالله عيل عن اذنكن انا بروح عندي محاضره
وفا : وين بعدنا قاعدين
عايشه : لا طال عمرج ورايه خط المخج
حصه : خيبه المخج ... الله يعينج ... بتحصلي السيكل موقف جدام الباب وانتي طالعه اخذيه بتوصلي بسرعه
عايشه : ويهالويه ... الهندي مالكم انا اركب على سيكل .. اتخيلي شكلي
وفا : ما فيها شي .... الا اقول شو عندج فالمخج
عايشه : عندي محاضرة أدب طفل
وفا : عند منو تاخذين أدب لايكون عند الظنحاني
عايشه : لا انا اخذه عند محمد موسى ... وبنت عمج الحبوبه تاخذه عند الظنحاني
حصه : هيه انا اخذ عند الظنحاني ... لا يكون بعد ما عايبنج
وفا : لا افا عليج ... بس اسأل ... يقولون
حصه ( وهي تقاطعها ) : وفا شو قلنا بطلي كلام عن الدكاتره ... انتي حمدي ربج يوم حد من هالدكاتره يستحمل لسانج
وفا : افا يا بنت عمي عاد اتقولي عني جي
حصه : والله من اللي اشوفه ... ما مخليه دكتور في حاله ... وكل دكاترة الجامعه يعرفوج
عايشه : يالله ابويه ما فيه اتأخر على الشيبه ... والا بيخليني موضوع محاضرته اليوم ... مع السلامه
حصه ووفا : مع السلامه
وفا : حليلها والله ... جدامها هالخط وفهالشمس
حصه : عادي فالاخر تراها بتوصل وهذي مب اول مره اتروح المخج
وفا : هيه صح ... تراج متعوده على الكراف
حصه : قولي اجتهاد
وفا : ما علينا من الاجتهاد الحين
حصه : اشوف فثمج رمسه
وفا : خطيره بنت عمي ... تعرفني وفاهمتني &nbsp;.... طال عمرج &nbsp;هذا وانا قاعده فالليل يتني فطوم الحبوبه اتعرفينها اختي ... الي هي بنت عمج
حصه ( وهي طالع وفا بنص عين ) : بترمسي والا شو يعني ... بالله عليج انا الحين ما اعرف فطوم قاعده اتخبريني عنها
وفا : انزين شوي شوي عليه يا يتنج السالفه .... الصراحه انتي شو رايج في خالج سلطان
حصه : ريال والنعم فيه
وفا : سمعوا هذي ... اونه ريال والنعم يعني هو حرمه تراني اعرفه ريال ... يالذكيه انا اقصد تصرفاته
حصه : اها تصرفاته .... شو عرفني عنه
وفا : وابويه انا ... جيه خالج هذا
حصه : انزين وخالي ... اصلا محد يشوفه كله في بوظبي وفالشهر ايي مره والا مرتين ... اتعرفينه ما يحب يختلط مع يدي ... ما يتواسا مع الشيبه
وفا : ليش ... شو بلاه عمي والنعم فيه
حصه : ما اعرف الصراحه وايد عن خالي سلطان ... قبل ما يسافر كان قليل ما نشوفه ... والحين يوم رجع من السفر قعد الخميس والجمعه والبارحه فالليل راح بوظبي
وفا : انزين انتي شو رايج فيه يعني
حصه : تبي الصراحه بالمقارنه مع خالي يموع هو شيخ وبعدين خالي سلطان فري وكله عنده عادي
وفا : اها زين
حصه : اطمني بترتاح فطوم معاه ... ان شاء الله ... بعدين ايسدها اني انا بعيش معاها في نفس البيت
وفا : اخاف الا تتعقد من هالسالفه ... الله يعينها عليج
حصه : ما عليج يالسباله

******

الساعه 12 ونص وجدام مدرسة خليفة بن زايد الثانويه ... كان راشد واقف مع ربعه ... يسولفون وكل واحد يبي يروح بيته وراشد راكب في سيارته ومعاه عبدالله ربيعه ... وفي نيسان وسط واقف عداله مال ربيعهم خالد .... وطبعا كلهم ما عندهم لياسن .....

خالد : رشود شو بلاه نيسانك ...
راشد : ما ادربيه من امس فيه هالصوت ... بوديه العصر الصناعيه ان شاء الله
خالد : عيل بشوفك هناك العصر
راشد : لا يكون تبي اطفر بالهندي ... تراه كرهك
خالد : لا بسير اركب هيدرز
راشد : هو ناقص نيسانك اتحط فيه ... بس بعده حمار ما يمشي الا حشره على الفاضي
خالد : حمار في عينك ... يالله سابقني بنشوف نيسانك اللي ما فيه هبه
راشد : اوكي بنشوف
عبدالله : رشود اذا بتتسابق ويا خالد انا بنزل
راشد : يالخواف ... ما بييك شي ... دريول طال عمرك ... وبعدين هذي مش اول مره
عبدالله : ومش كل مره تسلم الجره .... اعوذ بالله من بليس

بدأ السباق بين خالد وراشد وكان خالد في المقدمه في البدايه بس بعد ما تخطى الدوار كان راشد هو اللي سابق ... ويوم يا الدوار الثاني سبق راشد ... مر راشد بسرعه لانه كانت في شاحنه يايه من الصوب الثاني ... وكانت سيارة خالد ورا سيارة راشد ... وراشد في اخر لحظه طلع جدام ما تدخل الشاحنه في الدوار وسمع صوت قوي ... بس خالد ما طلع ... كان راشد يطالع في المنظره الجانبيه يريد يشوف نيسان خالد وراه &nbsp;بس ما شاف شي ... حس ان قلبه انقبض ويقول في خاطره يمكن دار على الدوار ..... والحين بيطلع ... والصوت .. شو الصوت اللي سمعته .... وفي هالوقت كان عبدالله يرمس راشد بس راشد كان في عالم ثاني .... وبعد شوي انتبه على صوت راشد وهو يريده ايوقف على جنب ..... ووقف راشد وهو ما عارف شو يسوي ....
عبدالله : راشد ... راشد ... شكل خالد دعم فالشاحنه
راشد : لا مش معقوله .... يمكن دار على الدوار ورد بطريجه ... ما يريدني اغلبه
عبدالله : خلنا نسير انطالع

ونزل راشد وعبدالله وراحو صوب الحادث ... كان النيسان منعدم والناس بدت تتجمع وبعضهم ايحاولون يطلعون خالد بس ما قدروا ايسوا شي وبعد شوي وصلت الشرطه والاسعاف وطلعوا خالد ... كان كله مغطاي بالدم وشلوه المستشفى .... كان راشد ايطالع والدمعه في عينه ... ايحس انه هو السبب ... وحاس بالندم .. بس شو ينفع الندم الحين ... المهم يعرف شو صار في خالد عساه ما مات .....

عبدالله : الله يعين .... يالله رشود انسير وخلني انا بسوق شكلك تعبان ولا بتروم اتسوق
راشد ساكت حاس عمره بيختنق والدمعه في عينه ... ما يقدر ينطق ... ما يقدر ايقول شي ... وطول الطريج وهو على هالحاله .... ووصل عبدالله بيت راشد .... كان يمعه راجع من الصلاه الظهر ويوم شاف عبدالله ايسوق النيسان استغرب .... ونزل عبدالله وسلم على يمعه ....

يمعه : شو بلاه رشود
عبدالله : تعبان شوي .... واحد من الربع سوا حادث
يمعه : منو اللي سوا حادث ....
عبدالله : خالد الكعبي ... اللي فالمسعودي
يمعه : هيه عرفته .... وعسى ما تعور
عبدالله : والله ما ادري .... شلوه المستشفى
يمعه : لا حول ولا قوة الا بالله ..... وشو السبب
هني عبدالله ما قدر ايقول ليمعه ان خالد كان يتسابق ويا راشد .... لانه اكيد راشد بيروح فيها ... عاد كله ولا خاله يمعه يدري ... بيذبحه لو يدري ....

عبدالله : كان مسرع على الدوار ودعم في شاحنه
يمعه : ها رشود شفت السرعه والخبال .... يوم اقولكم شوي شوي ما اييبكم

راشد ساكت ولا نطق بكلمه .... ومشى ودخل داخل البيت وراح حجرته على طول من غير ما يسلم حتى على امه اللي كانت قاعده فالصاله ... مر من جدامها ولا كأنه شافها ... وبعد شوي دخل يمعه ....

أم حميد : شو فيه رشود
يمعه : واحد من ربعه مسوي حادث
أم حميد : بسم الله وعسى ما تعور
يمعه : والله ما ادري ... الحين بتصل في اخوه وبشوف شو السالفه
أم حميد : من ولده هو ....
يمعه : ولد منصور بن سعيد الكعبي .... اللي فالمسعودي
أم حميد : هيه عرفتهم ... مسكينه امه والله ... الله يعينها

دخل راشد حجرته .... ما عارف شو يسوي .... حاس بضيقه فضيعه في صدره ... ايحس انه هو السبب ولو صار شي في خالد كيف بيسامح عمره ... ويلعن الساعه اللي وافق فيها انه يسابق خالد .... بس خالد هو اللي طلب السباق .... ودخل يمعه عليه ويا صوبه ....
يمعه : رشود ... لا تخاف ... ان شاء الله خير ... ولا بيصير غير اللي الله كاتبنه
راشد : خالي ... انت عرفت شي عنه
يمعه : اتصلت في اخوه سالم ... وقال انه بعده داخل العنايه ما يعرفون عنه شي ... بس الحمد لله انه ما راح فيها
راشد : الحمد لله على كل حال
يمعه : يالله عاد رشود .... ان شاء الله خير ... واتعض عاد عن الخبال
راشد : ان شاء الله خالي
حس راشد براحه شوي ... اطمن على خالد انه ما مات ....

***

الساعه اربع جدام الجامعه كان راشد يتريا حصه تطلع ونادى عليها عبدالسلام .... وتأخرت حصوه ما طلعت فقرر راشد انه يتصل في خاله يمعه يتخبره عن خالد ... لان سالم اخو خالد ربيع يمعه ....
راشد : الو .... السلام عليك
يمعه : وعليك السلام ..... ها رشود شعندك
راشد : بغيت اتخبرك عن خالد
يمعه : ما ادري توني مرمس سالم وايقول انه يته ضربه قويه على ريوله وظهره واحتمال انه ينشل ... ورضوض في كل جسمه وراسه كان وايد متعور ... بس الحين ايقول احسن
راشد : ينشل ... اعوذ بالله ... الله يعينه
يمعه : قلت احتمال ... انت وين الحين
راشد : جدام الجامعه بييب حصوه
يمعه : زين بس شوي شوي
راشد : اوكي .... مع السلامه

ركبت حصه السياره وسلمت على راشد واللي حست انه متغير ... مب راشد اللي تعرفه .. كان ساكت ولا ينطق بكلمه ... واتشوف الدمعه في عينه تبي تنزل ... بس يحاول انه يمسكه على قد ما يقدر ....

حصه : راشد حبيبي شو فيك
راشد : ............
حصه : رشود فديت عمرك خبرني شو بلاك
راشد : ما شي
حصه : يعني ما بتخبرني شو فيك .... هذي انا حصوه اختك اللي تحبها
راشد : حصوه الحين ما اقدر اقول شي .... انا مركز فالسواقه
حصه : اوكي على راحتك ( وهي تتكلم شوي شوي ... اونه مركز فالسواقه )

وصلوا للبيت وطول الطريق ولا نطق بكلمه .... نزل وراح حجرته وبعد ما غيرت حصوه ملابسها راحت له ... تبي تعرف شو فيه ....

حصه : راشد قولي شو فيك
راشد : ما شي ... واحد من الربع سوا حادث ...
حصه : بسم الله ... وشي ياه
راشد : فالمستشفى ويمكن اييه شلل
حصه : مسكين والله .... ثانويه عامه ... الله يعينه ويعين أهله
راشد : هي والله ... الله يعينهم
حصه : انزين ما رحت اتزوره وتطمن عليه ....
راشد : لا ما رحت ....
حصه : رشود شو السالفه ... انت شو بلاك ...
راشد : تبي الصراحه ... انا كنت السبب ...
حصه ( وهي فاجه عيونها ) : شووووو

خبر راشد حصه السالفه كلها .... كان يحب يفضفض لها لانها اقرب شخص له ... كانت تفهمه وتنصحه بطريقه ما تزعله ... وكان يحبها ويحترمها وهي نفس الشي .....

حصه : الحين منو قال أنك أنت السبب ... الله كاتب أنه يستوي جي .... ليش اتخلي عمرك الغلطان ... فكر شو الحكمه من اللي استوا .... وسبحان الله اكيد له حكمه في هالشي ....
راشد : حكمه &#33;&#33;&#33;
حصه : يمكن الله يريدك انت تتعض ولا تسوي جي .... &nbsp;والروح أمانه يا أخوي ... وبعدين سبحان الله &nbsp;يعني يت فيه هووه ولا يت فيك انت .. بعيد الشر عنك ... لانا احنا محتاجين لك ... الله رحم أمك المسكينه ...
راشد : ما أدري والله ....
حصه : الحين قوم وغير جو .... شكلك شين وانت زعلان
راشد : &nbsp;أن شاء الله ....

طلعت حصه عن راشد وبعد شوي &nbsp;طلع وراح عند ربيعه عبود .... وراحوا جبل حفيت لانه يحس براحه يوم يسير هالمكان ....

***

يوم الخميس رجع حميد في إجازه مدتها 10 أيام .... الساعه سبع ونص الصبح توصل الطايره في دبي وراح حمود ولد أبو ياسر ومعاه راشد علشان يستقبلوا حميد ... كانت علاقة راشد مع حمود غير ... حمود يعامل راشد باحترام ودوم يساعده اذا احتاج لاي شي .... وصل حميد وسلم عليهم ورجعوا للعين وطول الخط سوالف ... ويوم وصلوا البيت .... كان في استقباله حصوه وأمه ويدته ... اما اليد فسار صوب المزرعه ... ويمعه وسلطان ومهره وميره فبعدهم رقود ....

الأم : الحمد لله على السلامه
حميد ( وهو يحب امه على رأسها ) : الله يسلمج من الشر يالغاليه .... اشحالج يدوه ( وحبها على رأسها ) وسلم على حصوه ...
حصه : اشحالك حميد ... وشو العلوم ..
حميد : الحمد لله بخير دامكم بخير ...
حمود : اشحالج عمتي عساج الابخير ...
الأم : مرحبا حمود ... الحمد لله بخير وعافيه ... اشحالك وشحال اهلك عساهم بخير ..
حمود : كلهم بخير يسلمون عليكم ... وحمد لله على سلامة حميد
الأم : الله يسلمك ... اقرب اتريق ويا عيال عمك ... حصوه سيري يبي الريوق
حصه : أن شاء الله امايه ...
حميد : انا يبسير اسبح وغير وبييكم ... رشود هالله الله في حمود ...
راشد : أوكي حميد ... لا تخاف عليه ما بكله ..
حمود : شو تاكلني اصبر شوي الحين حصوه بتيب لك الريوق وكل لين ما تشبع ...

كان حمود طول هالوقفه وهالسلام حاط عيونه على حصه ... كان يحبها وحاط في باله انها له وبتكون زوجة المستقبل ... وحصه كانت حاسه بهالشي من نظراته لها ... ومن اهتمامه في اخوانه وارتباطه فيهم ... بس ما كانت تحس بأي ميول تجاهه .. لانها تشوفه مثل اخوانها ... يلسوا الشباب يتريقوا &nbsp;وبعدين راح حمود عنهم ... وتموا الاخوان ايسولفون وبعدين نزلت مهره وميره وقعدن معاهم ...

***

الظهر في بيت بوحمد كانت فطوم اتحاول اتقوم وفا من الرقاد .... تبي تتخبرها شو سوت مع حصوه وهي من أمس ما شافتها ....
فطوم : يالنقوحه قومي ... بسج من الرقاد ..
وفا : فطوم قلبي ويهج عني ... خليني اشبع رقاد
فطوم : عنبوه الحين الساعه وحده وبعدج راقده ... الله لو يدري عنج احمدوه
وفا : اووووووووف ... انزين الحين بقوم ...
فطوم : يالله بسرعه .... الا شو سويتي مع حصوه
وفا : اها قولي جي من الصبح .... تبين اتعرفين شو قالت حصوه عن خالها ...
فطوم : يالله قولي شو قالت لج ..
وفا : ما بخبرج ... انزين
فطوم : عن البياخه يالله قولي
وفا : مثل ما قلت لج ما بتقول شي عن خالها غير انها بتمدحه ... اتقول انه فري &nbsp;ودومه في بوظبي قليل ما يشوفوه في البيت ... اونه ما يتواسا مع الشيبه ..
فطوم : طبعا ما بيتواسا مع عمي حمد ... لان سلطان فري .. وعمي اتعرفينه متشدد
وفا : اقولج وافقي واتكلي على الله

وفي الليل يا ابوحمد وسأل فطوم عن رايها ... وخبرته انها موافقه دامهم ايشوفنه &nbsp;ريال زين ... أما أحمد يوم درى انها وافقت دخل عليها الحجره ...وبارك لها ولو انه مش راضي على هالزواج ...

****

في نفس هالليله الساعه عشر وصل ياسر لبيت عمه بوسلطان علشان ايسلم على حميد ... وهو كان متصل في حميد قبل ما يوصل البيت ومخبرنه انه بيي ايسلم عليه فالبيت ... وحميد قاله انه بيي بعد شوي ... دق تيلفون لراشد علشان يفتح له الباب .... وكان راشد قاعد مع حصه ومهره فالصاله ... وقام وفتح له الباب ...

راشد : هلا ... حي الله يسور
ياسر : اصغر عيالك انا اتقولي يسور
راشد : ما فيها شي ادلعك ... بس ليش ما دقيت جرس
ياسر : ما فيه على حشرت يدك بعد ... اتعرفه عمي بيقول ياي اصيعكم
راشد : اخ لو يدري انك هني ... بيعطيك محاضره غاويه .. الصراحه ما يتعوضن محاضراته عن الاخلاق والقيم ...
ياسر : خل المحاضرات لك انت .. انا سادني ابويه
راشد : لا والله ... انزين تعال بنقعد فالصاله
ياسر : محد هني
راشد : محد بس انا وحصوه ومهره قاعدين انطالع التلفزيون

يوم قال راشد ان حصه موجوده حس ياسر بأحساس غريب ... &nbsp;حس ان قلبه يدق بسرعه وان ريوله ما قادره تشله... ما مصدق انه بيشوف حصه ... حصه اللي ساكنه في قلبه وفي عقله من يوم هم صغار ... اخر مره شايفنها من سنه تقريبا ... يوم بوياسر وعياله راجعين من العمره في اجازة نص السنه اللي طافت ... آه يا حصه ما ادري شو شعورج ... ما ادري اذا تبادليني نفس الحب .... وقطع عليه راشد ... وهم داخلين للصاله ..

راشد : أي يسور شو بلاك ...
ياسر : ما بلاني شي ... السلام عليكم ... اشحالج حصه عساج بخير
حصه : الحمد لله بخير وعافيه ... ( وطلعت تييب عصير )
مهره : احم احم ترانا هني موجودين
ياسر : اشحالج مهره
مهره : بخير وعافيه ... اشحالك انت وشحال ريموه
ياسر : الحمد لله انا بخير وعافيه ... وريموه اتعرفين علومها واخبارها
مهره : اونها ثانويه عامه ... محد يشوفها ... وبعض من الناس ناسين اعمارهم
راشد : مهروه خلج في حالج انا ساكت عنج
ياسر : مالت على ريموه ما يخصها في شي ... ولا عندها غير هالتلفزيون .. حتى المذيعه اول ما تخابر تقول صباح الخير انسه ريم ..
مهره : ههههههههه ... ما عليه بخبرها عليك تراني
ياسر : خبريها ما عليه منها

ودخلت حصه وهي يايبه العصير ... وبعد شوي دخل عليهم حميد وقعد ايسولف معاهم ... ومن وصل حميد حصه ومهره طلعن على حجرهن ... علشان حميد منبه عليهن ما يقعدن مع عيال عمهن ... ويلسوا الشباب يسولفون ... وبعدين طلع ياسر عنهم وراح بيتهم ... كان كل اللي شاغل تفكير ياسر هو حصه ... ويتذكرها من يوم كانوا صغار وكيف كان حمود اخوه يضربها ولا يحبها وكان ياسر دوم ايدافع عنها ...</span></font>

[درة الشرق]

<font color='#000000'>تسلمين عيوزي

ننتظر الجزء الجاي على احر من الجمر

درة الشرق</font>