حد يساعده الله يخليكم ؟؟؟

[بوزايد]

السلام عليكم ورحمة الله وبركاته

اشحالكم


المهم بدخل في صلب الموضوع

اربيعي الروح بالروح بيعرس جريب وعنده مشكله صغيره

يبا مساعدتكم ومقترحاتكم


المهم هو عرسه بيكون في نفس ليلة يوم ميلاد حرمته

شوفوا الصدفه

انزين الحين الريال يبا يسويلها مفاجأه في العرس حق حرمته

شو رايكم يسوي

لانه مب عارف يسوي شي

وانا ما يا في بالي شي

يعني اصلا هو بيكون عرس يعني فرح واغاني ودنيا وكيك

فمحتار شو يسويلها

انتوا شو رايكم

اقتراحتكم ضروريه

[بوزايد]

الاعضاء الذين شاهدوا الموضوع/
وحي القلم , , نجمة دبي , , شوق القلوب , , حبوبه دبي , , المرعب , , صدى جوفي , , لعوبة2005 , , بوزايد , , قرموشة ,



محد يبا يساعده

[نجمة دبي]

اول شي الف مبروك وعقبال الجميع ان شاء الله

مادري اذا فكرتي بتعيبه او لا .. لكن بعد ما قريت الموضوع يت هالفكره في بالي

على نهاية العرس بعد ما نص المعازيم يروحون .. ويتمون اهل العروس والمعرس ..
وقبل ما ياخذ المعرس العروس ويروحون ..
الاضاءه تتسكر ..
المعرس يختفي .. لووول
الاضاءه ترجع
تستغرب العروس ان ريلها مب واقف وياها
المعرس يسير صوب باب القاعه .. وماسك كيكه عليها شموع
ويمشي صوبها لين فوق الكوشه
والباك راوند اغنيه happy birthday to you
تقدر تطلب من الفندق انهم ينزلون اوراق الورود من فوق ..
ويتقدم لها .. ويطلب منها تنفخ عالشموع .. ويلقمها قطعه صغيره .. ويبوسها على راسها

شو رايك ؟


نجــــــــ دبي ــــــــمة

[بوزايد]

نجمة دبي

والله استاست يوم شفت حد راد

اول شي قبل ما ارد عليج مشكوره انج رديتي

فكره حلوه وايد بس هو من النوع الخجول يعني ما اظن يسوي هالحركه

وثاني شي هو يبا يفاجأها جدامهم كلهم

بس انا بخبره بالفكره

واذا عندج افكار ثانيه خبرينا

يسلموو مره ثانيه

[نجمة دبي]

العفو اخويه ..
هذا عرسه وماشي خجل خخخخخخ
بفكر بشي يديد
ان شاء الله لي عوده :)


نجــــــــ دبي ـــــــــمة

[شمعة أمل]

شخصياَ .. أحس مب حلوه لو يسوي شي في القاعه نفسها .. مثلا اوكيه نحن نحتفل ب يوم ميلادنا وجي .. بس نحن صغار .. العيايز يعصبون يوم يجوفون هالشي

لازم تراعون الناس الى في القاعه .. عن لاياخذون فكره بايخه ولا شي جي

انا اجوف

انه احسن يسويلها شي بروحه بينه وبينها .. مثلا عقب العرس ييبلها كيكه وهديه ويحتفل وياها بروحهم ..


والسموحه

[بوزايد]

نجمة دبي

ننتظر عودتج



شمعة أمل


نقطه حلوه صح بس بعد كيكه وجي احسها عاديه امم هو يبا شي يديد

وثاني شي احسه يوم العرس تعب ع المعرس والعروس يعني اتخيلي بيقعد يرتب بعد ما يوصل البيت او الفندق

تسلمين شمعه ونتريا اذا عندج شي يديد

[الدمعة الحزينه]

بوزيوود

يوم ان تعب خلاص لايسوي شي


واذا لقيت شي بخبرك


سلام


الدمعة الحزينه

[بوزايد]

نونو انا مش قصدي جي يعني

بس ما ادري كيف افهمج

[ألم ترى]

بسم الله الرحمن الرحيم ..

هلا بو زايد ..

والله ودي اساعدك بس خبرتي محدوده فهاي السوالف ! ..

إن شاء الله الاعضاء يفيدونك لـ مرادك ..

قلت ارد ولو بدون فايده عن تاخذ عني فكره بأني ادش واشرد هههه ..

بالتوفيق له ولك إن شاء الله ..

[شوق القلوب]

السلام عليكم...

يحليله ربيعك... :) عسى ربي يكتبله السعاده و الهنا طووول العمر..

قوله عاد هالمره بنساعده.. بس في السنين اليايه بروووحه خل يبتكر .. تراه بيتوهق بمناسبتين في ليله وحده

..

فكره نجمه حلوه..

بدل لا هو يختفي .. يكون موجود بس تنطفي ليتات القاعه و يطلعولها كيكه يوم ميلادها..

..

او


مثلا هو يكون امجهـــز لها من قبل غرفتهم في الفندق او البيت ببالونات و شموع و كيك و من هالسوالف..

..

او

يكون متفق ويا الفندق على تجهيز قاعه صغيره .. يعني يطلع هو و العروس ( وهي ع بالها خلاص امروحين ).. و يدخلها في قاعه ثانيه فيها حفله صغيره .. و يكونون اهلها و ربيعاتها موجودين..

..

او


عقب ما يخلص العرس.. حتى لو متأخر في الليل..

يقولها عقب ما تبدل فستانها .. خلينا ننزل نتعشى في الفندق ( لو كانوا بيباتون هناك ).. ويكون متفق ويا المطعم بسبرايز صغير و هم يتريون الاكل.. ايبوله الكيكه و استاف المطعم ييلسون يغنولها .. ^_^

..

مممم.. ما ادري اذا طلعنالك بشي حلو :)

[بوزايد]

بسم الله الرحمن الرحيم ..

هلا بو زايد ..

والله ودي اساعدك بس خبرتي محدوده فهاي السوالف ! ..

إن شاء الله الاعضاء يفيدونك لـ مرادك ..

قلت ارد ولو بدون فايده عن تاخذ عني فكره بأني ادش واشرد هههه ..

بالتوفيق له ولك إن شاء الله ..

تسلم حبوب

اسعدني ردك

[ألم ترى]

بسم الله الرحمن الرحيم ..

افكار الأخت شوق القلوب جدآ طيبه ..

ماشاء الله عليها مخوخيه ف هالسوالف ..

بالتوفيق إن شاء الله ..

[بوزايد]

السلام عليكم...

يحليله ربيعك... :) عسى ربي يكتبله السعاده و الهنا طووول العمر..

قوله عاد هالمره بنساعده.. بس في السنين اليايه بروووحه خل يبتكر .. تراه بيتوهق بمناسبتين في ليله وحده

..

فكره نجمه حلوه..

بدل لا هو يختفي .. يكون موجود بس تنطفي ليتات القاعه و يطلعولها كيكه يوم ميلادها..

..

او


مثلا هو يكون امجهـــز لها من قبل غرفتهم في الفندق او البيت ببالونات و شموع و كيك و من هالسوالف..

..

او

يكون متفق ويا الفندق على تجهيز قاعه صغيره .. يعني يطلع هو و العروس ( وهي ع بالها خلاص امروحين ).. و يدخلها في قاعه ثانيه فيها حفله صغيره .. و يكونون اهلها و ربيعاتها موجودين..

..

او


عقب ما يخلص العرس.. حتى لو متأخر في الليل..

يقولها عقب ما تبدل فستانها .. خلينا ننزل نتعشى في الفندق ( لو كانوا بيباتون هناك ).. ويكون متفق ويا المطعم بسبرايز صغير و هم يتريون الاكل.. ايبوله الكيكه و استاف المطعم ييلسون يغنولها .. ^_^

..

مممم.. ما ادري اذا طلعنالك بشي حلو :)

تصدقي ما شفت ردج الا لما كتب محب الشيخين

السموحه والله


افكارج حلوه الصراحه

انه يتفق مع الفندق احسها اوكيه

تسلمين ع المشاركه شوق القلوب

الله يعينه صج

بس هو يقولي احسن عشان المرات اليايه اونه اييبلها بس هدية وحده

قلتله مينون بتاكلك ما تعرف الحريم انته دومهم

نتريا افكار يديده بعد


تسلم محب الشيخين ع التنبيه

[الجنيه]

مسا الخير ...

يا سلام مبرووووووووووووك الف الف مبروووووووووك والله يسعدهم ويطرح فيهم البركه وعقبالك بوزايد اسميني بحضر عرسك ما يخصك

الله يسلمك انا برأيي لازم يكون الاحتفال بهاي المناسبه بشكل خاص نظراً لرومانسيتها احم اسكتوا عني

يعني شوف بعد ما يصعدون غرفتهم يسوي لها حفله صغنونه ومفاجأه يعني بامكانه يتفق مع محل الورد يزينون له غرفه بنفس الفندق ويجهزون كل شي يعني كيك وسوالف وهديه طبعا ويكون الاحتفال بينهم بس لانه حفلة العرس للكل يعني ...


أو

يخلون كيكه العرس هي نفسها لعيد الميلاد ويطلب لها باقة ورد حلوه مرتبه يوصلونها لها ع الكوشه وهو يخلي عمره ما يدري بالسالفه وطبعا وياها بطاقه وبجذي هي بتتفاجأ وبتستانس وبتحمر وتخضر من الفرحه والله يهنيهم ان شاءالله