حد يساعده الله يخليكم ؟؟؟

[بوزايد]

مسا الخير ...

يا سلام مبرووووووووووووك الف الف مبروووووووووك والله يسعدهم ويطرح فيهم البركه وعقبالك بوزايد اسميني بحضر عرسك ما يخصك

الله يسلمك انا برأيي لازم يكون الاحتفال بهاي المناسبه بشكل خاص نظراً لرومانسيتها احم اسكتوا عني

يعني شوف بعد ما يصعدون غرفتهم يسوي لها حفله صغنونه ومفاجأه يعني بامكانه يتفق مع محل الورد يزينون له غرفه بنفس الفندق ويجهزون كل شي يعني كيك وسوالف وهديه طبعا ويكون الاحتفال بينهم بس لانه حفلة العرس للكل يعني ...


أو

يخلون كيكه العرس هي نفسها لعيد الميلاد ويطلب لها باقة ورد حلوه مرتبه يوصلونها لها ع الكوشه وهو يخلي عمره ما يدري بالسالفه وطبعا وياها بطاقه وبجذي هي بتتفاجأ وبتستانس وبتحمر وتخضر من الفرحه والله يهنيهم ان شاءالله

الجنية

بتحضري عرسي انتي متأكده

بنشوف


تصدقي فكرة الورد روعه

تسلمين ع المرور والفكره

[الجنيه]

وليش ما احضر ؟؟ فيها شي ؟؟ لالالا قول بعد ما تباني احضر لا اتخاف بييب عشايه ويايه يسد اني اشوفك معرس قد الدنيا عاد انا يدوه لا اتشيل همي

الله يرزقك ببنت الحلال الي تسعدك ان شاء الله

[بوزايد]

هههههههههه لا عادي العشاء موجود حضورج يكفي بس

[طرفشانه]

السلام عليكم
في البدايه اقول الف الف مبروك لربيعك يا بو زايد وعقبالك وعقبال العزابيه كلهم

بصراحه انا برايي انه يسير عند حد من هالشعرا ويقوله يكتب قصيده بمناسبه ميلاد حرمته

وعقب يتفق مع الفرقه يغنولها القصيده بس طبعا قبل لا يغنون الكلمات هو يكون مجهز القصيده بصوته يتشغل المسجل وتنعد القصيده في البدايه بصوته وعقب يغنونها للعروس

هذا يكون في قاعه العرس وعقب يوم بيظهرون من القاعه سايريين الغرفه هو يكون مزهب كل شي يعني يتفق مع الفندق على الكيك والورد وكل شي

وفي النهايه بيكون احتفل معاها مرتين مره مع هلها كلهم في القاعه والمره الثانيه بروحهم

[شوق القلوب]

السلام عليكم..

حــــلوه سالفه القصيـــــد..

الشاعر بيحصل له مجال اتيه الافكار لانه المناسبه مناسبتين..

..

يعني الحين بنعيد المشهد..

يوم يطفون ليتات القاعه .. و اتصخ الدنيا.. يحطون القصيد

لانه لو ما اسكتوا الفرقه و الناس هي ما بتنتبه لكلمات القصيد من الربشه..

..

[تنينه]

افكـار شـوق القلوب وااايد حـلووااه ,, وزيين والله شي شـباب جي يفكرون ومعبرين يوم الميلاد ويحاتون وحاله لول ,,

[شوق القلوب]

عيوووونج الحلوه يا تنتووووون.. ^_^

..

ما عليـــج منهم .. يشتطوون اول سنه.. و عقب

[بوزايد]

السلام عليكم
في البدايه اقول الف الف مبروك لربيعك يا بو زايد وعقبالك وعقبال العزابيه كلهم

بصراحه انا برايي انه يسير عند حد من هالشعرا ويقوله يكتب قصيده بمناسبه ميلاد حرمته

وعقب يتفق مع الفرقه يغنولها القصيده بس طبعا قبل لا يغنون الكلمات هو يكون مجهز القصيده بصوته يتشغل المسجل وتنعد القصيده في البدايه بصوته وعقب يغنونها للعروس

هذا يكون في قاعه العرس وعقب يوم بيظهرون من القاعه سايريين الغرفه هو يكون مزهب كل شي يعني يتفق مع الفندق على الكيك والورد وكل شي

وفي النهايه بيكون احتفل معاها مرتين مره مع هلها كلهم في القاعه والمره الثانيه بروحهم

فكرت الشعر والله حلوه

يباله


يسلمووو ع الفكره

[بوزايد]

افكـار شـوق القلوب وااايد حـلووااه ,, وزيين والله شي شـباب جي يفكرون ومعبرين يوم الميلاد ويحاتون وحاله لول ,,

لازم يفكر فيها ام عياله هذي




شوق القلوب

يمكن بعد

الله يوفقهم يا رب ويخليهم لبعض

[المزوحي]

ماعندي افكار

لكن مره في عرس من الاهل

كان يوم ميلاد المعرس ..

والحفلة عادية .. لكن وقت ماقاموا من على الكرسي ... واتجهوا صوب الكيك .. حطوا اغنية
عبدالمجيد غنوا لحبيبي ... وقصوا الكيكة في نفس الوقت

[بوزايد]

ماعندي افكار

لكن مره في عرس من الاهل

كان يوم ميلاد المعرس ..

والحفلة عادية .. لكن وقت ماقاموا من على الكرسي ... واتجهوا صوب الكيك .. حطوا اغنية
عبدالمجيد غنوا لحبيبي ... وقصوا الكيكة في نفس الوقت

بعده حلوه فكرت الاغاني مال عيد الميلاد

تسلم المزوحي ع المشاركه