ما آجمــل البحــر !! ولكٌــــن ؟

[أنامل قلب]

موضوع شيق ومهم .. خاصة كونه يمسنا كلنا شخصيا ..
والمجتمع والبلاد بشكل عام .. وكله مرتبط ببعضه ..

تسلمين اختي ريف الصبا .. وبادرة جد طيبة منج ..

.....

صراحة مكفين وموفين بالموضوع والردود ..
لكن حبيت أضيف نقطة صغيرونه .. ونسمعها وايد امبينا ..

إن الانسان الحين قام يلغي شخصيته المستقلة بالتفكير .. والرأي ..
على اساس مبدأ غريب .. ودال على جهل ..
فمثلا .. نسمع من فلانـ / ـة وعلانـ / ـة .. لمن توصلهم كلمة طيبة
بخصوص هالموضوع " أو غيره " .. نلقا رد مباشر وبكل بساطة >>>
" الحين كل الناس يسوون هالشغلات .. وكذا وكذا من الأمور ..
ياي علاي آنا يعني تقولي ليش ولو .. وسو .. ؟!؟!
وبعدين كاهم كلهم يقطون .. يعني مابيفرق وايد .. وما بأثر بشي " ؟!؟!؟!

متناسين إن اصلاح مبدأ بالمجتمع يبدأ من فرد ..
وإن موضوع مثل هذا يسيء لذات الشخص نفسه .. قبل لا يأثر عالمظهر الخارجي للبلاد ..
أو إن يكون له اي آثار سلبية صحيا ؟!؟!؟!

ولا نقول إلا الله يهدينا جميعا ويثبتنا يارب ..
كما لا نملك إلا أن نبدأ بانفسنا .. ثم من حولنا ..

....

ويزاج الرحمن كل خير اختي ريف الصبا عالطرح الصافي ..
انتي .. وكل من ساهم برد قيم مما رأيت ..

^_^ ..

والسموحه عالقصور ..

كل الود .. اختج أنامل قلب ..

..

[الجنيه]

السلام عليكم ورحمة الله وبركاته

النظافه من الايمان ,,, الصراحه عيب علينا نحن المسلمين قبل كل شي النظافه شي وايد مهم لنا وخصوصا نحن انصلي وانجابل ربنا بنظافه كيف نعيز انظف المكان الي حولنا ؟؟؟؟

شفت مواقف وايده من هالنوع وتحسفت ع حالنا صدق يعني ايي الياهل يفر الوسخ ع الارض والام تمشي حذاه مااتكلف ع خاطرها اتقوله فره في الزباله ( وانتوا بكرامه ) اذا كل حد بدا يوجه اهل بيته والي حوله ما بيتم وسخ مثل الي شفناه ...
البلديه كثر الله خيرها ما قصرت موفره حاويات القمامه ع بعد كل كمن خطوه لكن العيب في الي يشوف هالحاويه ويتجاهل وجودها ...

الله المستعان

[فنجان قهوة]

هلا هلا
ريف الصبا عاد سامحيني ما اروم اكتب وايد
لان عندي مذاكرة و حليلي ما سويت شيء لين الحين
المهم بخصوص الحمريه .. و الله هالبحر مافي حد من اهل البلاد الى و له فيه ذكريات .. يامه لعبنا و يامه ركضنا و يامه اكلنه السمج بطيخ لول ( انا كنت اسير عند الحصه و افتت البطيخ و اسويه عصيت عشان السمج ايون و ايلس اطالعهم و هم ياكلون بطيخ ) و يامه شربنه ملحه و نحن نسبح
يعني استوه مثل الدم في اليسد هذا المكان
و المنظر الي راويتيني اياه وايد ظايقني .. انا من فترة ما اسير بحر الحمريه الله يغربل هالبواخر و المراكب.. نحن لازم نبدابانفسنا و ما نخلي الكشرة و رانه.. مب بس في البحر حتى في الكفتيريا (نغزه يا ريف الصبا)

مع تحياتي

[قــبقــوبـه]

.. الجـــديده ..

ترا أنــا هـ الشــي الي يقهــررني انه البقعـه قبل ما يطيــحونها نظيفـه وغاويــه
لكــن من يسيــرون عنهــا تغــدي وصخـــه ..
والبــلديه ما تقصــر درامـات الزبـاله فكـل مكــان بس عــاد منـو الي بيسيــر وبيحـط الوصـخ فـ الزبـاله ..
حتـى فـ المنـاطق السكنيـه تحصليـن الزبـاله مفـروره حذال الـدرام والمشـكله انه الـدرام فاضـي !!

شكــراً عـ التــواجد عـزيزتي ..
أسعـدتني مشــاركتج ..

.. ما يهــزك رييــح ..

الأكثــريه هم الي ما يحــافظون على النظـافه ..
بـس اذا كـل واحد منـا بـدى ينصــح الي فـ محيطه ان شــاء الله بتـرد بلادنـا هيه الاوليــه ..
شكـراً عـ التــواجد ..

[سفير الخيال]

هذا تنكتب له مخالفة وتسفير للزباله وهو المكان اللي ياي منه

المعذره!!

بس صدق شي يقهر

[قــبقــوبـه]

.. تنيـــنه ..

حـــرام وادي سيــجي بعــد نفــس الشــي أنا أعشــق هـ المــكان ..
تعــرفين شـو المشـكله عـزيزتي تنيـنه انه كـل شـخص يـرمي بـ المســؤوليـه عـلى الآخــرين ..
يعنــي أبســط شـي ممكن يسـويه أي شخـص منــا انه يشـل الـوصخ ويفـره فـ الزبـاله حتـى لو ما كـان هـوه الي فــارنه صح انه مب كـل النـاس يفـكرون فحقيقـة انه هاي بـلادهـم واذا هم ما حـافظوا عـ نظـافتهــا منـو عيـل الي بيــحافظ عليـها الأجـانب تـراها مب بـلادهم شعنـه بيحـافظون على نـظافتها .. !!


صــدقج لازم كـل شخـص يبــدا بنفســه وثـم يتـوسع عسـب يشـمل النـاس المحيــطين بـه ..
والآبــاء تقـع عليــهم مسـؤوليه كبـرى لانه هـم الي يقـدرون يبــنون حب النـظافه فـ عيالهـم..

شكــراً عـزيزتي تنيـــنه عـ المشــاركه الطيبــه ..
أسعــدني تــواجدج ..

[قــبقــوبـه]

.. هـــزايم ..

يحلييييــله أخـــووج أكييـد إتحــطم نفسيــا من المنـظر الي شــافه فـ الخـور ..
اتصــدقين انه نحـن عنـدنا فـ الجــامعه والي المفـروض انه الي يــداومون فيــها يكـونون بنـات جامعيـات مثقفـات
اذا حـدرتي المـدرجات الـدراسيه عقـب السـاعه وحـده بتحصــلين الزبــاله منـطره فـ كل مــكان ..
صــدق شــي يــرفع الضغط ..

شكــراً عـزيزتي عـ المشــاركه ..
ماقصــرتي ..

.. الشـــووق ..

تــرا أي شخــص اذا اتعــود عـ الوصــاخه خلاص اتحصـلينه لا إراديــا ينـطر الــوصخ ..
حتـى لو الزبــاله حذالــه بيـفر الوصــخ حذالـها ..
وانا اوافقــج الـراي انه لازم الـدوله تفـرض غــراماات عـلى هالفئــه من النــاس ..

شكــراً عـ التثبيــت ..

شكــراً عـ التــواجد شــوووقـنا ..
الله يحيييــج ..

.. دانــة حتــا ..

الا محــزن انه المــكان الي من يــوم كنتـي صغيــره تلعبيــن فيـه تشــوفينه بهالمنـظر ..
شكــراً عزيـزتي عـ التــواجد ..

وياا مرررررحبــا الســـااع ..

[ولد الحكومة]

النظافه من الايمان ،،،

الصراحه أحنا منو يونا هالهنود والبنغاليه وغيرهم وسخوا كل مكان ؟؟؟ يعني ابسط مثال (( البان )) روح اي مكان مثل الروله بالشارقه ولا سوق نايف وغيرهم الواساخه بكل مكان

والسموووحه .

[قــبقــوبـه]

.. أنـــامل قــلب ..

المشــكله مشكــلة أولويــات ومبــادئ انه أولـوياتنا انعـكست ومبـادئنا اتغيـرت ..
يعـني شـو الأفضـل اني أفـر الـوصخ عسـب ماا اتعـب عمــريه واسيــر الين الـزباله ولا افـره فـ الشـارع ومحـد بيفتـكر ترا كـل النـاس يسـوون نفـس الشــي ..
اذا بنتـم نقــارن انفسـنا بالآخــرين وهـذا الي حـاصل الحيـنه ما بنتـميز بشـي ولا بـنحقق شـي بحيـاتنا ..
يعنـي مثلاً فـ الشـارع شخـص يـتري فصفـه وشخـص يظهـر ورا الخـط الاصفـر ويجاوز عنـه ويـوقف عند راس الـدوار ويـزاحم السيـاير الي واقفـه بس عسـب يدخـل امبيـنهم ..
الشـخص الي واقـف فـ الصف عنـده مبـدئ انه ما بيخـالف القـوانين بـس عسـب يـوصل قبـل بخمـس دقـايق والشخـص الثـاني ماعنـده مبـادئ متمسـك بها فما عنـده خــلاف ..

نفــس الشـي ينـطبق على حالـة رمي المخلفـات ..

شكــراً عـزيزتي أنــامل عـ التــواصل ..


.. الجـــنيه ..

وعلييــكم السـلام ورحمة الله وبــركاته ..

البـــلديه مب مقصــره وما خلـت درام زبـاله الا وحـطته بس عـاد منـو الي بيفــر فيــه ..
كــل إنســان يمشـي عـ تربيتــه واذا اهـله ماا عــلموه حب النـظافه مااظـن بيلـتزم بشـي ..


شكــراً عـ الــرد ..
وياا مررحبــا بج ..

.. فنيـــان قهــووه ..

واافــدييت الدحيييــحه ..
هيه والله صــدقج هـ البحــر الي كنا دووم انسيــره يوم كنــا صغــار وهوه معــروف انه انظـف بحــر هالصــووب ..
الله يعيييــنا عـ اليــااي ..

شكــراً عـ التــواجد غنـــاتي ..

[قــبقــوبـه]

.. سفيـــر الخيـــال ..

الا شــي يقــهرر ..


.. قـــايد الــرييم ..

صــح انه البنغــاليه ما قصــروا فبــلادنا يفـرفـرون زبالتهـم فـكل مكــان ..
بـس بعـد عيــال البـلاد هم سبب رئيســي لهالشــي ..

شكــراً ع التــواجد أخــوويه ..

[الشوق]

ينزل من التثبيت فقد اخذ كفايته نت التثبيت
ريف الصبا
رائعه ودمتي للواحات ولنا ..
شكرا

[قــبقــوبـه]

بغيـــت أعـرضلكم شكـل المــكان عقـب التعــديلات ..






استــوى نــظيييف ..

[قــبقــوبـه]

شـــكراً الشــووق ما قصــرتي ..
:)

[المنصوري]

المشكلــة الأكبــر من مشكــلة رمي النـــاس الزوّار للنفــايـــات
هي مشكلــة الشركــات والمسؤسات الكبيــرة اللي ترمي نفاياتها السامــة في البحــر ,,

اكبر دليل شاطئ الراحــة اللي قاعـــة ( مجــاري )

قلم واعد نتمنــى اشووووف تميــزه باستمــراار

استمري على هذا الخطى

شكراً

[الحاضر الغايب]

اختير ضمن المواضيع المميزة

بالتوفيق

والسموحه ...