شـعباوي

[تنينه]

السلام عليكم والرحـمه ,,



ديـربي الـعاصمـه البـاسـمه ينتـهي بـفوز نـادي الشـعب على شقيقه الشـرجااوي بـهدفين مقابل واحـد ,,

شـهدت المباره حـضور جمـاهيري جـميل مـن كلا الطـرفيـن

أحـرز الهـدف الأول للشعب في الدقيقه الـ 17 علي السامرا مـن الشـوط الأول ,,

وفـي الدقيقه الـ 44 تـدارك الـشارجـه الوضـع وأحـرز هـدف التعادل رسول خـطيبي,,

لـينتهي الــشوط الأول بالتعادل الإيجابي بين الفريقين 1 / 1


ومـع بداية الشوط الثـاني وبـين هـجوم وتـسلل ودفاع أحـرز علي السامرا هـدف الفوز الهدف الثـاني للشعب وفي الدقائـق الأخـيره نـال على البطاقه الصفراء ومن ثـم الحمراء


وينتهي الديربي بـفوز الشعب 2/1 ,,


شرجاوي الله مـب كاتب انـك اتفجر الملعب وانقول لكلكووش لا تتهور واتشل موترك على تايرين وخخخ


ووالسموحه

تنييينه

[الحاضر الغايب]

كلكلوش ما بقى فيه صوت اظني

الف مبروك شعباوي :)

شكرا تنينه على الخبر

[تنينه]

هههههه حليله لول حـتى انا اقوول جـي بعد ,, كلكليشن يبون صـوتك في الدوره حـاسب عليه

العفو ياخويه الحاضر وتسلم ع التـواجد ولأول مـره في إحدى مواضيعي لول

[بوزايد]

يستاهل الشعب ع اللعب

[تنينه]

هـيه الصـراحه أدوا ويستاهلـون ,, دفـاع الشارجـه كان وايد ضـعيف وكنا نتمنى دخول طارق مـصبح وخط وسط الشارجه كان مفتقد العنبري =( ,,

يسلمو بو زايد ع التواجد =)

[ألم ترى]

بسم الله الرحمن الرحيم ..

هههه الضاهر بو شهاب هو اللي بيفجر الواحات اليوم ! ..

مبروك لـ الشعب وهاردلك لـ الشارجه ..

شكرآ ع الطرح ..

[الدلووووعة]

مبرووك للشعباويه

عاد اليوم هل الواحات كلها معزومة فأي مطعم يبونه على احساب كلكلوش ( جان يتوهق ^_^)

[مــهــابه]

مبرووكيـــــــــــــــــــــــــــــــــــــــــــ ــــن

[عيماني وكلي فخر]

شعبـــــــــــاوي

حيوووووه حيوووووووه

السلام عليكم والرحمة

تــوني رااد من المســيره >> مع أني مب شعبااوي بس دااز بويهي خخخ

الصراااحة المباراة كانت ممتعة

والجمهوور كان غفير والملعب كان full

زين أني حصلت المكان >>ييت قبل مايدخلون الشعباوية الهدف الاول لهم

والف مبرووووك للشعـــبااااوية

وهاردلك للشرجـــاااوية

وتسلمين أختي تنينه ع الطرح

:)

[كـلـكـلـووش]

هيه والله صدقك يا بوشهاب .. ما فيي صووووت بالمره .. الله يعين اللي وياي في الدورة باجر وخخخ

اسميني ناقزت و خشعت الموتر في المسيره تخشيييع هههه

الصراحة اللعيبه ما قصرو و بذلو مجهوووود جدا جميل و ياني مسج من شرجاوي بعد المباراة يقول فيه ( مبروكيييين .. تستاهلووون .. يلعن الحاله .. خخخخخ )

اسميها الشارجه اليوم تلونت باللون الاحمر و الازرق .. الكل داش ويانا المسيرة .. وصلاوي و لا جزراوي و لا أهلاوي .. حتى بعض الشرجاويه داشين ويانا > اسميها نذاله خخخخ ..

يمكن تكون هذي اكبر مسيرة للشعب بعد مسيرة المباراة النهائيه يوم تأهلنا .. الحمدلله سامره خلص عليهم و ياب لنا الديربي ..

يالله من الفرحه مب عارف شو اكتب .. لا لا مب من الفرحه .. ما فيي صوت عسب جي خخخخ > شو يخصه !

أهم من هذا كله و حتى من فوزنا على الشارجه انه ولله الحمد اقتربنا من الصادرة .. بفارق نقطتين اظن عن المتصدر

المباراة كانت حماس و الحماس زاد بعد المباراة .. و لين الحين توصلني مسجات بس ما بحطيها حفاظا على المشاعر الشرجاويه

بس اهم شي ان نحن ما نوقف عند هالحد .. اهم شي ان الانتصارات تتوالى .. و ما يكتفون عند الفوز ع الشارجه ..

و شكر خاص للمدرب اللي حفر اسمه في قلوب الشعباويه .. شكر خاص للمدرب اللي اثبت ان كفؤ بالاستمرار مع فريق الشعب .. شكر خاص للمدرب القدير يوسف الزواوي ..

همسه اخيره : اتمنى ان الشارجه يطور مستواه .. هبوط مستواه بهالشكل مزعلنا كلنا كـ شعباويه .. و نتمنى لهم التوفيج ..

خلاص ما فيي صوت زياده خخخخ

ســـلام

[شرجاوي]

و بعد يلعن ابو الحاله خخخخخخخخخخ .. معليه ... عندنا دور ثاني كاس الاتحاد خخخخخخخخخخ ... اليوم ما كنت فايج اسوي شي بموتري ف قلت لهم اخسروا خخخخخخخخخ .. نجيتك من الجيك خخخ

[فركوشه]

:(

وانا اقول لما ظهرت برع سمعت ولد الجيران محتشر ويقول كليناهم.. كليناهم..

[عيماني وكلي فخر]

كلكلوووش

الف مبرووك يااخوي

أنا كنت شعبــااوي ويااكم>> بس الحمدالله ماضربت جيك

[شرجاوي]

خخخخخخخخخخخخخخخخ

[تنينه]

شـو يعني جـيك