ساعدوا الثعلب الرمادي في العودة إلى الوطن!!!

[الثعلب الرمادي]

السلام عليكم ...

أفكر أرجع الإمارات و في عندي تاريخين محتملين التاريخ الأول 12/22 و الثاني 2007/1/22 المشكلة الحين إني ما أبغي أرجع أيام عيد الأضحى فمب عارف حتى الحين أي تاريخ من التاريخين يتصادف مع عيد الأضحى ...

12/22 مدة الإجازة عشرة أيام و هذا شي سيء و لازم أرجع بسرعة من الإجازة لأن في امتحانات و لو تأخرت بسبب مشاكل في الحجوزات أو غيره فبواجه مشاكل كبيرة.

2007/1/22 الإجازة لمدة شهر و هي إجازة نصف سنوية يعني الواحد بيكون مرتاح فيها لأن مافي امتحانات بعدها.

التوقيتين في نظري مالهم أي أهمية و طول الإجازة أو قصرها في نظري شي متساوي المهم عندي هو التوقيت إللي ما يتصادف مع عيد الأضحى ...

يمكن حد يسأل ليش ما تبغي ترجع في عيد الأضحى و تستانس مع أهلك و تروح مصلى العيد و تذبح الأضحية بنفسك في البيت و بتكون وايد فرحان (هيه صح وايد بكون فرحان ) و الجو بيكون اوكيه و بتستمتع صح في الإجازة ... Well my friend

أنا ما أريد أرجع في إجازة تتصادف مع عيد الأضحى لأن أغلب الوقت في عيد الأضحى بيكون ضايع و في نفس الوقت بتكون في أجازة تمنعي إني أسوي وايد أشياء مهمة تعرفون في العيد الواحد يتشتت تركيزه و أنا أكثر واحد يتشتت تركيزه في العيد

أتطلع لمساعدتكم و تجاوبكم مع الموضوع ...

الثعلب الرمادي

[شرجاوي]

شهر احسن من 10 ايام

[ولد الحكومة]

وعليكم السلام ،،
والله انا اشوووف الاجازة شهر أحلى ... بس مب عارف شو اقولك ؟؟؟ هاي يبالها واحد يحسبها صح ، ويخبرك التوقيت الصحيح في هالتاريخ 12/22 بيصادف عيد الاضحى بس مب عارف بالضبط.
والسموووحه شيخي الكريم

[قــبقــوبـه]

12/22 >>> هالتـــاريخ بيصــادف عيـد الاضحــى مب متأكــده أي يــوم هوه يــوم العييــد ..
بس أعتقـــد من 20 اليين 30 / 12 بيــكون العييـد ..

وبعــد شهـرر أحســن من 10 أيـــام :)

[نور الإيمان]

عيد الأضحى بيكون في 31-12

[الثعلب الرمادي]

عيد الأضحى بيكون في 31-12

امممممم أختي نور الإيمان تقصدين 2006/12/31 ليلة رأس السنة تقريبا ... في النهاية أعتقد إني بترك إجازة العشرة أيام لإجازة شهر كامل ... الحين اللي فهمته من كلام الأعضاء أن التاريخ من بداية 2007/1/22 ما بيتصادف مع أي عيد أو أي إجازات يعني بتكون الحياة مثل أي يوم عادي؟

أخواني و أخواتي شكرا لمشاركتكم و لتجاوبكم السريع مع الموضوع ...

أخوكم الثعلب الرمادي

[أمواج]

2007/1/22 الإجازة لمدة شهر و هي إجازة نصف سنوية يعني الواحد بيكون مرتاح فيها لأن مافي امتحانات بعدها.

إجــازه لمـده شهـر من دون امتحانات ولا إجــازه لمـده عشر ايام مع عيد اضحـى مع امتحانات

[الثعلب الرمادي]

هذي أول مرة أسافر فيها للخارج و بصراحة مرت فترة طويلة و صرت أحس بالملل من ألمانيا و ودي أرجع العين بسرعة ... فعلا حظي ممتاز إجازة شهر كامل و بدون عيد أضحى (خلهم يتوهقون بالأضحية) ... يوم أرجع العين الحياة بتكون أجمل و بكون فرحان و بشوف أهلي و باخذ لي لفة في العين ...

العين إلى الأبد


الطريق إلى مدينة العين

[أمواج]

الثعــلب الرمــادي
مب جنـه هالطريــق عقــب الشويب ؟
ولا خبرتي فالعين مب لين هنـاك . .؟
المفرووض الحين اعرف كل شي فيــها

[بوزايد]

شهر حبيبي احسن لك

والله يردك بالسلامه

بس انا برجع 15 - 12 ان شاء الله

ومم اعتقد اجازتي شهر ما ادري 3 اسابيع

بس تعال انته كل 6 شهور ترجع شو

[ألم ترى]

بسم الله الرحمن الرحيم ..

هلا اخوي ..

انا من رأيي انك تاخذ اجازه شهر اخير من 10 ايام مثل ما تفضلوا الأخوان ! ..

ربي يهنيك ويسعدك ف الدارين ..

[الجديدة]

إجازة شهر أفضل لك من عشر أيام
اشي الثاني بتكون مع اجازات المدارس و العيال
و الجو زين معانا فراح تكون مع الأهل طول الوقت

بالتوفيق لك
ان شاء الله ترجع البلاد سالم

[الجنيه]

العيد بيصادف تاريخ 30-12-2006 يعني افضل شي انك تاخذ اجازه الشهر عشان اتحس فيها فعلا وربي يوفقك ويردك لديارك سالم

[الثعلب الرمادي]

أمواج ...

بصراحة انا مثلج مادري اذا كان بعد الشويب او لا لكن اللي عرفه ان هذا هو الطريق الى العين نادر ما احفظ اسماء الاماكن كل اللي يهمني هو المدينة ومدينتي العين احسن من اي مكان في هذا العالم.

بوزايد ...

انا عالق في هذا البلد الكئيب منذ تاريخ 2006/1/1 و ليس مسموح لاي طالب بالعودة الا مرة واحدة في السنة و لو كنت استطيع العودة كل ستة اشهر لكانت الحياة اجمل بكثير لكن اي الاهمية لقد فعلت الكثير و لا زال هناك الكثير و الكثير من الامور للقيام بها.

ألم ترى, الجديدة, الجنيه ...

كل الشكر لكم اخواني و اخواتي لتجاوبكم مع الموضوع.

الثعلب الرمادي

[شوق القلوب]

الســـــــــــلام عليــــــــــــــكم...

..

الله يعيـــنك يا الرقيــــب... و ترجع بالسلامه لدارك و لاهـــلك...

العيــــــــن.. و كل ذره رمــــل فيها تتـــرياك..

^_^

.
.