بو زايد سببك الثاني ما اقنعني الصراحه
شو يعني تبتعد عن مشاكل اهلك
نحن هب حريم عشان نيلس نقول فلانه قالت وما قالت
ولا انا بنيلس عند الحريم نتسمع رمستهن
الريال طبيعي انه من يعرس يطلع يعيش في بيت ثاني
بس على الاقل حس بواجبك اتجاه اهلك
ربوك عشان يوم تكبر تقول انك تبا تبتعد عن مشاكلهم
ونعم الرجوله يا بخت امك فيك والله
وبعدين اذا في شئ ما يعيبك عن اهلك سير قولهم لا تقولون جذي و لا ترمسون ولا تسوون
هب تقول انا بطلع وعشان السبب الفلاني
انا عني الوالدة الي من النوع الي ما تحب حد يدخل في بيتها
يعني من نعرس نطلع برع البيت, مالها خص فينا
بس انا بما اني اخر العنقود بيلس عند امايا تبا و الا ما تبا يالس انا وحرمتيا وعيالي
وانا الصراحه اشجع انه العايله تكون ساكنه في حوش واحد ( يعني كذا بيت في حوش واحد) و اليدة و اليد يكونون موجودين
لانه يكون فيهم ريحه من الماضي وتجربات نحن ما مرينا فيها
فبينفعونا و بيفدونا في حياتنا
وانا احس انا البيت الي في ناس كبار في السن في بركه وانا شخصيا احس بالراحه فيه
وبعدين الواحد ملزوم ببر والدينه
رد مع اقتباس
مواقع النشر (المفضلة)