تجتـــاح شوارع الامارات بجنون

[عيون الليل]

بسم الله الرحمن الرحيـــم

اتمنى ما يكون الموضوع مكرر وإنما هو تكملـــة لموضوع اخويـــه أسهر معـي ليلــــه



بالفعـــل تجتـاح الـRANGE ROVER SPORT HST حالياً شوارع دبـي والامارات بجنون. . . وانلاحظ انه عددها قام يزيد يوم بعد يوم . . . يعني مثل أول ما نزل السبورت . . .

السيـاره فيها تغيرات بسيطه ما تحتـاج انه الواحد ايغير سيارته بكبرها لكــن شو انسوي البطره وما اتسوي

السياره سعرها مثل ما سألت عنها 360 الف درهم إماراتي . . . والتغيرات الي شفتها بسيطه شوفوها بنفسكم ف الصوره



انا جربت السياره بنفسي وعاديه اللهم الشكل الخارجي

وفي ناس قامت اتغير الكت واتسويه HST تقريباً بـ 40 الف درهم . . .

أبا انبـه هاييلا الناس بشي واحد واللي انا نفسي الحمدلله مقتنعه فيـه . . . أنه الشخص ما يمشي ورا المظاهر . . وانته يا فلان يوم بتغيـر الكت وبتخليه HST وانته الي عندك اصلاً HSE بتكون تجذب ع نفسك مب ع الناس
وهذا الكلام قلته لوحده الحين طالبه السبورت الـ HSE بس بتسويه السوبر جارج كت . . لكن الله ايهديها ما اقتنعت . . وبالاصل الـ HSE تليق ع الحرمه أكثر . . .

الله ايعافيــهم . . .

والسـموحه منك اخويـه اسـهر معـي ليلــه لكن هذا كان تكمله من بعد أذنك والسعر موجود لكل من يسأل عن سعرها

:)

[المزوحي]

مرحبتين كبااااار

أول ماظهرت الرنج انس اس اي انتشرت وخلااااااااف سبورت انتشرت دبل

والحيت مثل ماذكرتي .. هااي فيها تغيرات طفيفه مثل الغزوز ..

ترى الرنج بيدخل القبر ويااااااااااك

[ذنـيـنـي]

انا اقول شبلاها واحة السيارات منوره اليوم

بس يا عيون الليل الواحد يوم بياخذ HSE من الوكاله و بيحصل عليه خصم حلو و كت السوبر جراج بسعر حلو,,
ليش ما يركبه؟

شكل السيارة بيكون احلى, ولا شو رايج؟

بالنسبة لكلامج عن البنات, صح كلامج, الـ HSE احس انه يناسب البنات اكثر, السوبر جارج شكله دفش شوي

[ولد الحكومة]

تسلمين اختي عالموضوع ... بخصوص الرنج سبورت 2007 ما اتغير بالكامل اللهم اشياء بسيطه وعاديه .. يعني إالي عنده موديل 2006 ما يحتاي ايغيره لانه نفس الشيء .

والسموحه عالمداخلة

[عيون الليل]

المزوحـي

الناس ما اعرف بلاها على المظاهر مب بس الرنج . . يعني ايغيرون سياييرهم بطريقه جنونيه والبنوك ما اتقصر . . أعرف ناس توهم ما كملوا 6 شهور من خذوا السوبر جارج ساروا وخذوا الـ HST

الله ايهديهم بس .... وشكراً على مرورك

ذنينــي

كلامك صحيح .. .. لكن الناس تآخذ مش لانها معجبه ف السياره وف السوبر جارج.. .. الناس تآخذ عشان تتباها وعشان ايقولون فلان أو فلانه عنده جي وجي .. .. أنا برأي انه ما ايركب شي وسيارته شي ثاني لانه جي بيقص ع نفسه مب ع الناس

مشكور يا اخويه ... ودوووووم امنوره بوجودك

قايد الريم

هلا اخويـه . . حتى لو فيها تغييرات ما اعتقد انه انا وحده من هاييلا الي ممكن ايغيرون عشان شي بسيط . . القناعه كنز لا يفنى .. والانسان لازم يكون قنوع باللي عنده ..

مشكور يا اخويه على مرورك الطيــب . . ^_^

[إسهر معي ليله]

مشكوووووره عالموضوع،،

هيه صدقتي وايد انتشرت وبسرررعه،،، بس من بعيد اللي يشوفها
يقول انها Hse .. لأنه الشبك رمادي،، او انها سوبرجاج عاديه
بس صابغين القطع السود... يعني سعر غالي على كت مب اي
حد يلاحظه،،

اما من ناحية تغيير السيارة من Hse لـ سوبرجاج اشوفها احسن
لأنه السوبرجاج شبكها فضي ويعطي شكل احلى ورنقاتها بعد تكون
بالضبط على البودي.. يعني مت تكون ع داخل

يمكن مثل ما قلتي يجذب ع نفسه.. وحلاته الواحد ياخذ شي ويتم
وكاله ما يغيّر فيه.. بس فيه ناس تحب تهتم بالمظهر اكثر بغض
النظر عن قوة السياره وفخامتها

مشكورة مرة ثانيه،، والسمووحه

[عيون الليل]

إسهر معي ليلـه

مثل ما قلت يا اخويه . . سعر مرتفع على تغيرات ما تتلاحظ وايد . .
وحلات الشي مثل ما هو . . عشان الواحد يمشي ف الشارع بثقه

مشكور أخويه ع ردك الكريم