قول شو بتسوي؟

[عيون الليل]

بسم الله الرحمن الرحيـم

إشحـــالكم .. عســاكم الا بخيـر

موقف معيـن خطـر على بـالي . . وحبيت أعرف ردود أفعالكم لو أنتوا مريـتوا فيـه ف يـوم شو بتسوون؟



لو في يوم أعجبت فـي وحده وحبيت تتقرب منـها . . . وفجأه عرفت أنه صديقك معجب فيـها كذلك وهذا صديقك الروح بالروح يعني ما ودك اتزعلـه ف شـي . . . وهو ما ايعرف انك انته معجـب بهذه الانسـانه . . . قول لي شو بتسوي وشو بتكون ردة فعـلك وأتذكر انه هذا صديقك المخلص ورفيق دربك وفي نفس الوقت انته حبيت هالانسـانه ومعجب فيها وفي أخلاقها وممكن هي اتكون فتاة احلامك وحاب انك اتكون علاقة جادة معاها " يعني تباها أتكون زوجه لك "

ترا ممكن العضوات ايشاركونا والمشاركه مب مقتصره على الاعضاء . . . حطي مكانج مكان هذا الشخص مافيها شي بس شاركينا برايج

أنا فـي انتظــار ردودكم . . .

والسموحــه

[الشوق]

عادي اتخبر صديقك انك معجب فيها ..
وانك اتفكر ترتبط بيها ...

[عيون الليل]

ما ايهمك لو خسرت هذا الصديق! . . الي ممكن اتكون الصداقه الي بينكم قديمه جداً

مادري هذا رايج ووجهة نظرج .. ..

[ألم ترى]

بسم الله الرحمن الرحيم ..

هلا بأختي القاطعه !

إذا كنت ف هالموقف بيستوي ويهه جي ..

بفاتح رفيجي ف الموضوع ولو اني ادري بأنه يحبها ..

عاد هاك الوقت عادي اتخلى عنها لجل رفيجي وحبيبي ! ..

احس اني مستحيل ادخل ف هالمواقف من جي ما رديت برد شافي ..

بحفظ الله ..

[المزوحي]

بخبره عن مشاعري .. يمكن هو يآثرني على نفسه

بما إنه صديقي الروح بالروح .. همم يعني يتمنى لي السعادة

عااااااد الله يعين شو بيصير عقب ماخبره

[قــبقــوبـه]

مـــووقف غريييــب !!!!
اممممم انا بحــط عمـرري مكــانه عــادي صــح يؤيؤيؤيؤ

المفــروض انه يصــارحه ويخبـره عن الي فخــاطره ..
عســب يتفــادى المواقف المحــرجه الي ممكــن اتصيـر امبينهــم ..
بــس انا اشــوف انه ولا واحـد منهم ياخــذها ويتــموون رربع علـى طــوول ..

مجــرد رأي ..

[قرموشة]

مـوقـف صــعب !
بس ممكـن انــه ..
يعرف شعور ربييعــه ومـدى تمسـكه بالبنت .. وعلييه انه يعررف اذا ما كـان ربيعه ينوي يبنـي معــاهــا علاقـه جديـه تنتهي بالزوااج أو لعـب يهــال ..
واذا شــاف انـه صااج في كـلامـه .. في هـاي الحـالـه يتمنـى لربيعـه الخـير ..
واذا ربيعــه ما كـاان جـدي .. أو مجرد كـلام يعنـي .. فـ عليـه انـه يفاتحـه بالامـر ويخـبره عـن مدى جديتـه .. والخ مـن السـواالف ..




أحـس انـي قلت كـلام مبهـم لوول ..

محـد يااخـذهــا P:

[طير الحب]

أهم شيء رأي هالإنسانة هي بتختار من وأكيد مهم الطرف الآخر يتفهم

[ريم العين]

بحط مكاني فمكان هالشخص

واللي بسويه هو
اول شي اتامد انه يحبها بجد مب مال مصخره وافضله على نفسي
بيلس وياه وبناقشه فالموضوع وبصارح له اللي بخاطري وهو نفس الشي
بس فالاخير بخليه هو اللي يكمل ويايه

رد بسيييط لاني مستحيل يستويلي هالموقف ^_^

[ريم العين]

وهي صح لازم تكون البنت محترمه نفسها يعني مب بنت مال سوالف الشباب ^_^

[الجنيه]

مم موقف صعب جداً ولا يحسد عليه الاثنين ’’’


برأيي لو كنت في هالموقف أول بتأكد من صدق مشاعر صديقي تجاه هالبنت وان كانت نواياه سليمه مثل ما ذكر البعض فبفضل اني ادفن الي بقلبي وما اخليه يعرف عنه لنه مب حلوه لا في حقه ولا في حقي اذا صار مبينهم نصيب وتزوجوا *__*

أما اذا كان ربيعي لوتي وراعي سوالف بنات وتسالي بوقفه عند حده لو هو ربيعي الروح بالروح بس بنات الناس مب لعبه ومب اي بنات هاي الي انا مخطط اتكون شريكة حياتي اذا الله راد واكيد هو بيتفهم هالشي وعنده بنات الدنيا كلها يسوي الي يباه بس بعيد عنها

[الشوق]

اخوي
يمكن اربيعك معجب بيها فقط م كاعجاب .. يعني ما حط في باله الارتباط ..
كلمه وشووف اذا نيته صافيه يتقدم
وااذا ماله نيه كلمه ... وشوف شو رايه في الموضوع
اذا صدق يحبك ..ويحترمك ويقدرك
بيتفهم وضعك ..
واذا علشان بنت تخسرون صداقتكم
ما يرزى عليك اتفاتحه بالموضوع
لانك اصلا ما تعرف راي البنت من اساسه

[صدى جوفي]

الـسـلام عليكم ،،

مـا فيهـا شي .. يخطبـوهـا اثنينــاتهم وهي اللي بتنقي ..


بـس لو هـو يفكـر يخطبهـا لازم يخبر ربيعـه لأن الموقف حـسّاس شوي ،،

والسموحـة ..(:

[الجديدة]

هذا الموضوع صار لواحد من الاهل تقريبا
الاخ كان يريد بنت و عينه عليها عشان يتزوجها من كثرة ما عرف عنها
بس كان ولد عمها في الطريق و يصير ربيعه الروح بالروح
عاد الولد ما عرف وش يسوي
خاصة انه سمع ان الولد ما ييريدها
راح كلم رفيجه و قاله انت ما راح تتزوج
قال بتزوج الحين احضر البيت ، سأله: من وين؟
قال البنات كثير بس عاد لا تستعجل
قال و بنت عمك عشان يتاكد انه يريدها و لا لا
قال ما دام تعرف اني اريد بنت عمي ليش تسال ؟
ساعتها ترك الولد الموضوع و قال الله يبارك له بهذه الزوجة
ما حب يخسر صديقه عشان بنت
لان الصديق ما يتعوض و يقدر يدور على بنت ثانية

هذا من وجهة نظري
و السموحة

[مجموعة إنسان]

هههههههه
ليش ربيعي ما يضحي بس انا بضحي
ههههههههههههه


انا عندي حكمة ..
اللي خلقها خلق غيرها
وفداه البنية