الله المستعان .. المصايب كل ماياها تزيــــد

عافانا الله مادري متى بيتوبون هاييلا ، أونهم عاد رياييل خسهم الله والله يا إني ما أعتبرهم نص رياييل أونه يرمس البنات وهو معرّس

والله محد يقهرني غير هالمطاوعة قوم بوعين زايغه
أمسات كنت سايرة الجمعية ويا اميه وابويه وكان ويهي غادي جذه وعاقدة حيّاتي لأني صايمه و أذن وأنا بعدني ما فطرت
المهم كنت واقفه و أحس إنه حد يطالعني ويوم صديت ، إلا وهالمطوّع يطالعني من فوق لين تحت وفاج عينه غير ضفدع
صديت عنه وحسيت إنه بعده يطالع ، غيرت مكاني وتم ورايه
جان أسير عند أميه ، واقول لها : ما أحيد عمري امسويه شي غلط ولا أحيد عمري لابسه شي يلفت الإنتباه بس واحد هنه شكله يبا ينصفع
والله لو ما قلت جذه ما كان بينجلع من مكانه

الله لا يبلينا برياييل من هالنوعيه ، لو الرياييل اللي بيسترون علينا من هالنوعيه شو تم بعد يوم الساتر دامر

أنا أخس عنك يالمزوحي والله ما أثق في أي إنسان من اللي حولي إلا بصعوووووبــــــــــــه
وفي نظري إنه : "أغلب الشباب يرمسون البنات بالتلفونات" ===> مب الكل لكن الأغلبيه العظمى ...