الـقـدرة عـلـى الـتـمـثـيـل

**طير الحب** · 18-12-06 ||, 03:20 PM

مرحبا...

على فكرة دايما استخدم هالأسلوب مع الباعه يوم ما يعيبني السعر وخصوصا في سوق الذهب...بس ما فهمت كيف نمثل الفرح...احس الفرح ما يحتاج تمثيل.

بس مب كل انواع الكذب جائز شرعا..

شكرا خنفروش عالمساحه الجميله التي منحتنا أياها لنكتشف ذواتنا

**خنفروش** · 04-01-07 ||, 07:06 PM

المشاركة الأصلية كتبت بواسطة طير الحب

بس ما فهمت كيف نمثل الفرح...احس الفرح ما يحتاج تمثيل.
.
.
بس مب كل انواع الكذب جائز شرعا..
.
.
شكرا خنفروش عالمساحه الجميله التي منحتنا أياها لنكتشف ذواتنا

طــيـــر الــحــــب

مرحباااا ملاااايييييين ام عبادي

كيف نمثل الفرح...احس الفرح ما يحتاج تمثيل.

كلامج صحيح 100 % هذا لما يكون الفرح خاص في الشخص نفسه

بس ابغيج تتخيلين أن الفرح فرح شخص ثاني يهمج أمره أو يهمه أنج تفرحين له

و مثل هالموقف إذا ماصار لج يمكن صار لغيرج في حضورج أو عالأقل مر عليج

مب رايم أفرح

(( لما يكون في غصه في هالفرح - يعني فرح مخلوط بـ ألم )) مثلا واحد ابوه راجع من السفر للعلاج لكن في طرف من أطراف الأب مبتور

لكنه بخير يختلط اهنه الفرح بالألم وهذا يصير في الحوادث وايد ..

فرحان عشانك

(( الفرح لفرح الآخرين )) يمكن تكون أنت في مشكلة في ضيج و يجي ربيعك أخوك فرحان أو يتصل بك شخص فرحان فأنت رد فعلك يكون

|| والله مبرووك والله تستاهل كل خير و أخيرا ً تحقق لك مناك ||

عباراتك كلها عبارات الفرح و يمكن تصبغ الموقف بالحماس || ها شو الخطوة الثاليه على وين ناوي ان شاء الله ||

بعض الاشخاص عندهم القدرة على الخروج من حالة نفسية لحالة أخرى
البعض يخرج و لكنه يجد صعوبة
و في من الناس من مايقدر يخرج من موقف للثاني

(( وهذا يمكن يتورط لما يكون مع أشخاص ما يقبلون منه هالشيء أو ما يفهمون حالته أو في وظيفة تتطلب تركيز أكثر ... ))

(( وقصة المرأة الي مات ولدها في عصر الرسول عليه الصلاة و السلام - وقال لها إنما الصبر عند الصدمة الأولى - تعليم و إرشاد وهدي نبوي الصبر حالة نفسية و الحزن حالة نفسية

و المطلوب منا ان نخلي هالحالة تسيطر على الثانيه الصبر على الحزن .. يمكن نمثلها فالبدايه لين ما اتصير متأصله في أنفسنا ))

فرحان لك

.. (( لما أكون أنا فرحان أكثر من صاحب الفرح نفسه )) مثلا الأب و الأم لما ينجح حد من اعيالهم أو يتخرج من الجامعه أو يعرس

بس مب كل انواع الكذب جائز شرعا.. طبعا و بلا شك لأن الأصل في الكذب أنه حرام ً و أنا ذكرت موقف من المواقف الي فيها يجوز الكذب و نبهت لهالشي (( افا عليج بس ))

الشكر موصول لكم طير الحب و جميع الأعضاء الي ساهموا و بيساهمون في الموضوع

ما نستغني

**فنجان قهوة** · 05-01-07 ||, 12:27 AM

خنفروش
عجيب السؤال
و الاعجب هي الاجابات
شكرا على الطرح
ما اعرف من وين هالاجابات بس شيء عجيب

**ظبية** · 08-01-07 ||, 04:13 PM

تسلم اخووووووووويه عهالموضوع الراااااااااائعه بمضمووووووووونه واسلووووووووووووووووووبك :)

التمثيل موجود في كل مكان . .

احياناً يطر الانسان انه يلجأ له مثلاً إذا ما بغى يبين شو اللي فخاطره . .

وحتى وجودنا ويا الاهل يكون غير و وجودنا ويا ناس اول مره نشوفهم بعد غير . .

مثلاً عندكم سالفة الملجه كل طرف يحاول يبين للثاني احسن مواصفاته ويخبي عيوبه بس بعد العرس كل شي يظهر وكل من الطرفين يتقبل الثاني بحلااه او بعيوبه . .

^_^

**خنفروش** · 10-01-07 ||, 01:01 PM

مرحبااا ملااااييييين ظـبـيـة

العفو الشيخه

نورتي الموضوع

و الصراحه ردج كفى و وفى

و ما عليه زود

لا تحرمينا

**حبوبه دبي** · 11-01-07 ||, 11:06 PM

همممم

سـاعات الواحد يلـجـأ لهالاسلـوب اذا الموقف محـرج أو لاخفاء ما في خاطره

افتقدنــا خربشــاتك يـا خنفرووشنـا

**خنفروش** · 14-01-07 ||, 09:05 AM

حـبــوبـــة دبـــــي

هلاااا و مليووون غلاااا

الصراحه أنا افتقدت ردودج في مواضيعي قلت يمكن زعلانه

(( اتسوينها تزعلين و ما اتخبريني

))

و بزيدج بعد أحيانا الواحد يلجأ لهالأسلوب لتضخيم مافي خاطره
أو كان الموقف فيه ثناء و مدح
(( أو مجامله ))
أو تفاخر على الآخرين

شاكر لج تواصلج و تواجدج

ما نستغني

شكراً لكل من وصل بالقراءة إلى هنا

**عايش وهم** · 15-01-07 ||, 07:23 AM

السلام عليكم

هالموضوع تراه مشااااااااكل .. شكلنا بنعطي خنفروش مخالفه فكرية بسبب احتكار الردود المميزة .

الردود عندك تنبض

**خنفروش** · 17-01-07 ||, 11:18 AM

عايش وهم

و عليكم السلام و الرحمه

اولا ً اشكر مرورك الكريم (( أنا أستاهل تراني خخخخخخخخخخ ))

ياخي قول ما شاء الله على الاعضاء المميزين وردودهم المميزة

بـ الردود النابضة الموضوع عايش

**طير الحب** · 18-01-07 ||, 02:00 AM

فعلا...نملك القدرة على تمثيل الفرح...وقد فعلتها ...او بالأحرى سُرقت فرحتي ذات يوم في يوم من اهم الأيام...واصتنعت الفرح لأني اكره الإنكسار..

أوقات تجبرنا ذواتنا على التمثيل...ليس من باب القدرة على التمثيل ...ولكن من اجل ان لا ينكسر ما هو أكبر في حياتنا وانفسنا.

دام نبضك وقلمك اخي في الله