دقيقه من وقتكم !

[فركوشه]

حشى عسكر مب اعضاء..

[فركوشه]

حبيت ارد مره ثانيه..

يوم الاداره يبون الموقوفين يردون بس انهم يغيرون نكاتهم ومايقولون انا فلان الفلاني..شو رايكم بعد

ايسوون عمليه تجميل ويغيرون من شكلهم عشان اذا شافهم واحد من الاعضاء ما بيقول انهم هذييلاا

الموقوفين في واحات بن دبي..

[المزوحي]

كل واحد منكم يشوف الموضوع من صوبه هو .... يعني لو انا شفت شي وقلت لك إياه .. بتقولون تبغي تم وإذا مب عايبنكم تقدر تطلع

كل واحد فينا ساهم في الواحة ... وإذا كل واحد ظهر .. يعني الواحات بتتغير .. إلا إذا دخلوا اعضاء يداد
وتحطوا لهم قوانين صارمة ..

يعني انتوا يوم حطيتوا القوانين والاعضاء تمشي عليها حصلتوا فايدة من هالشي ...
فمن جيه اقوول كل فرد فينا يشوف الشي غير .. عطوهم فرصة يعبرون .. على الاقل لو في هالموضوع
" دقيقة من وقتكم " وقتها بتعرفون كل واحد شو في خاطرة .. بدال ماننزل مواضيع غيرها نتحرطك او نشتكي وغيره ..


مب معقولة الكل نفس الشي تفكيرة ...

انا يوم ريم ريم قالت ليش وقفتوا أحلى منصوري ... ماعرف شو اللي صار .. ماقدر اهجم على المراقبين .. ولا احط عليه ..
بس تكلمت عن عمري وقلت إني ماشفت منه شي ضرني ولاغثني بكلمه ... والحق ينقال ..

[لمّــاح]

الســلام عليـكم ..

قوانين الواحات تغيرت كثيراً، مش في آخر فترة، من أول ما اشتركت و انا اشوف التغييرات هاذي و السبب واضح و هو التطور و تغير الاعضاء الي فيها و تماشياً مع الضروف و الأوضاع ..

أولاً بخصوص أحلى منصوري، هو أخ عزيز ( برع الواحات ) اما في الواحات فهو عضو حاله من حــالي و بما انه خالف القانون الي حطته الإدارة فهذا شي راجعلهم و طبعاً الإدارة عندها أسبابها الخاصة لتوقيف اشتراكه ..

ثانياً بخصوص القوانين، انا شخصياً ( انا بتكلم عن تجربتي الشخصية و عن رايي الشخصي و ما أمثل حد او انوب عن شخص ثاني في الرمسة ) احس ان بعض القوانين صارمة و مالها داعي و السبب هو لني اشوف هالاشيا من وجهة نضري الخاصة أما الي حط القوانين فهو يشوفها قوانين جيدة و تخدم المصلحة العامة للواحات و بما إني عضو، و مب إداري، ف يا إني اكيّف عمري مع هالقوانين، أو مثل مايقولون ابعد عن الشر و غنيـله ( وهذا الي أسويه انا ويسوونه غيري يمكن )

ثالثاً بخصوص اسلوب الإدارة .. بدون ذكر اسامي، انا عانيت من الأمرين، اسلوب جداً جداً جداً راقي و جميل في التعامل يخليني ساعات انسى المشكلة الي بيني و بينهم، و اسلـــوب جداً جداً جداً ( وجداً بعد ) قبيح في التعامل أدى الى اهتزاز علاقتي بالإداري هذا حتى برع الواحات و هالإداري هذا بصراحه ( من وجهة نضر شخصية ) ولو انه كفء و انسان ممتاز لكن اسلوبه المنفر يخلي الناس ينفرون من الواحات ف اتمنى انهم يراجع نفسه .. و الحل بسيط، إبعد عن الشر و غنيله

كيف نبعد عن الشر و نغنيله ؟؟ كل واحد و شطارته و بمشاركاته لكن بشرط ما ينسحب لأن الانسحاب دليل على الضعف و بصراحه ما اتوقع لو كل الاعضاء كتبو في هذا الموضوع انهم بينسحبون يعني بيقدرون يضغطون على الإدارة .. وبصراحه لو انا كنت ماسك زمام الامور و شفت مجموعة اعضاء تهددني بالانسحاب اذا ما لبيت مطالبهم، أول كلمة بقولها لهم هي: مع السلامة .. !

خلكم واقعيين و حلو مشاكلكم بفرض وجودكم مش بالانسحاب ..

و اذا في قوانين مب عايبتنكم، قللو مشاركاتكم في الواحة الي ماتعيبكم ..
و اذا في إداريين مب عايبينكم، لاتحتكون فيهم و صدقوني انهم مابيحتكون فيكم و بتنسون وجودهم حتى في الواحات !!

[أمطار]

. . .السلام عليكم ورحمة الله وبركاته. . .

وجمعة مباركة حبايبي ..
قريتوا سورة الكهف اليوم؟!


.
.
.
.


حلو..

.
.
.
.
.
.

قولوا لا إله إلا الله .. محمد رسول الله ..

.
.
.
.
.

شطـّــااار ..
وجزاكم الله خيـــر . . .!

الحينه طردتوا ابليس وفججتوا روسكم ..


حبايبي ..
أحلى منصوري .. وبكل صراحة من أقرب الأعضاء وأعزّهم وأكثر واحد يخطر في باليه يوم حد يطري الواحات . . .
ويمكن أكون أحتشرت أكثر عنكم يوم كانوا يوقفونه ((بس خلف الكواليس .. بالرسايل الخاصة)) ..
ولكن .. خلونا نكون حقانيين شوي ..

لولا قوانين الواحات ..
ولولا الألتزام وجدّية الأهداف في السموّ والرقي بالواحات اللي لمسته في قرارات الإدارة ..
ما كنت بتم فيها لين الحين!

كل قانون يطلع يكون بعد مشاورات وبعد ما يتعدّل ألف مرة ..
بتقولون اشدراها!؟
لأني أعرف عايش وهم وأعرف بن دبي.. ما بيرضون بشي يقلل من مستواكم أنتو قبل الواحات . . .!

أنتو الحينه محتشرين على سالفة هالقانون اللي ينص على انه العضو يقدر يشارك بنك نيم ثاني بس ما يصرح ع العام انه نفس العضو الموقوف ..
وأستغرب انكم مستهجنينه من قبل ما تتفكرون فيه . . .

أنتو تقولون اننا خسرنا أعضاء كان لهم دور كبير وواضح في رقي الواحات .. هيه نعم .. كان لهم دور كبير مستحيل حد ينكره ..
وهل فكرتوا ليش انكم اهتميتوا بهالأعضاء من الأساس؟!
بسبب ابداعهم وفكرهم .. مش لأنه فلان بن علان
فـ الإدارة عطتهم فرصة .. يقدرون يبنون لهم نفس الشخصية بس بشكل أفضل ..
ومع الوقت.. بتتعودون عليهم من أول ويديد وبتحبونهم . . .
لأنهم نفس الأشخاص ..


وإذا هالقرار بيفتح مجال لهالأعضاء بالمشاركة من أول ويديد ..
فـ أنا أول المشجعين لـ هالقرار ..
ما تعرفون .. يمكن يوقفوني وأرد أشارك بنك نيم ثاني ..!!



فـ رجااااءاً .. فكروا بإيجابية بدال ما تستوون أخس عن اليهال والواحد يمد بوزه شبرين!!
وصدقوني إني أكثر وحده فيكم زعلانه على توقيف أحلى منصوري ..



نفتح صفحة يديدة؟!

عذراً .. أحلى منصوري

عذراً .. عايش وهم و بن دبي

عذراً .. محب الشيخين

عذراً .. قرموشة و ريم ريم

عذراً .. منكم جميعا ً . . .!!

..

[لمّــاح]

امطار كفيتي و وفيتي ..

بختصار ،، اثتبو وجودكم و بتكون لكم آذان صاغية ( داخل و خارج الواحات )، مب بالزعل بتنحل المشاكل ..
و للعلم عايش وهم و بن دبي من الي طريتهم فوق

اسلوب جداً جداً جداً راقي و جميل في التعامل يخليني ساعات انسى المشكلة الي بيني و بينهم

لاتخسرون اسلوبهم الحلو هذا بكلمة مب حلوه تزعلهم

[شمعة أمل]

و اذا في قوانين مب عايبتنكم، قللو مشاركاتكم في الواحة الي ماتعيبكم ..
و اذا في إداريين مب عايبينكم، لاتحتكون فيهم و صدقوني انهم مابيحتكون فيكم و بتنسون وجودهم حتى في الواحات !!

[نور الإيمان]

احم ..

بسم الله الرحمن الرحيم

شحالكم يا جماعة الخير؟؟

الله يسلمكم و يعافيكم .. يوم اني قريت الموضوع كله و مع الردود .. تذكرت نفسي و حياتي بالمدرسة اللي اشتغل فيها حاليا ...

الله يسلمكم ادارتنا جدا صارمة .. و لها قوانين تعور الراس .. و لكن الحياة تكتيك و سياسة ... ما نتعرض للإدارة عسب ما يتعرضون لنا بكلمة او تصرف يخلينا نثور ... و في موضوع ريم ريم عن احلى منصوري .. قد نبهتها ان الكلام محسوب .. و بالأخص ان تجاوزت حدود اللباقة .. يعني كان فيه شد اعصاب و غضب ..

اتذكر احدى زميلات العمل عندي بالمدرسة كانت كل دقيقة و التالي تتشكى و تعارض الإدارة و ترفع صوتها عليهم .. لدرجة انهم كتبوا عنها تقرير و طبعا تعرضت للإهانة من قبل المديرة و الوكيلة ... رغم انها تعيين يديد حالها حالي .. و كان من المفروض ان تفكر 10 مرات قبل لا تجادل الإدارة و ان جادلتهم لازم يكون ها بعد ما تهدأ اعصابها و تجهز نفسها للحوار و بطريقة ذكية شوي ..

اما بالنسبة للقوانين .. ما ادري .. انا عارضتها اول ما وطأت قدماي ارض الواحات .. و لكن اكيد هناك حكمة من هالقوانين .. و دام انه المنتدى مب يديد .. فأكيد الأخوان عاصروا انواع مختلفة من البشر و اعتمادا على هالشي حطوا هالقوانين .. و في كل الأحوال السلاسة مطلوبة ولا شورايكم؟؟

الإنتاج بيكون افضل ان كان هناك في مودة بين الإدارة و الأعضاء مب خوف و حالة توتر فأتمنى ان تكون هنالك هدنة >>> شو السالفة؟؟

و مثل ما يقول المثل خلكم كول

[شوق القلوب]

الســلام عليــكم...

مــاشاء الله .. الجماعه كفوا و وفــوا..

و كل قانون ما انكــتب الا بعد موقف او مشكله و الاداره بغت تتجنبه من يديد .

..

اداره واحات بن دبي جداً راقيه في التعامل لو حصلت انسان يحترم و يناقش بهدوء وبدون تجاوزات لحدود الادب.

كلهم اشخاص كبار في سنهم و في تفكيرهم و نظرتهم ، و تظل الواحات مكان ترفيهي لنا كلنا بس هم تعبوا نفسهم و اعطوها جلّ اوقاتهم عشان تطلع لنا بهالصوره .. و هذا كله لمنو..؟؟ مب لنا نحن ..؟؟

بن دبي و عايش وهم

عمرهم ما قصروا بشي ولو بنشكرهم من اليوم لباجر ما بنكفيهم

.
.

وانا اشهد انه هالقوانيـــن... ابعدت عنا الكثيــــــــــر من الشر .. ولو انه الاعضاء ما كانوا يشوفونه

.
.

واذا اي حد في خاطره شي على الاداره .. برساله لعايش وهم و باسلوب راقي بينحل كل شي .. و بيتوضح كل شي.. و ما بيوصل لاخر الرد الا وهو مرتاح و راضي :)

.
.

الادراه

ربي يعطيكم العافيه :)

[الدلووووعة]

تسلم اخويه محب الشيخين وخذ راحتك ^_^

[ألم ترى]

بسم الله الرحمن الرحيم ..

اثلجت صدري ردود وافحمتني ردود وللأسف ! ..

لي عوده لـ الغلق ربما ولكن بخبر يفرحكم بعون الله ربما ..

اسجل اعجابي ب الحكمه واللباقه والكلمة الطيبه اللي انذكرت هنه ولا عزاء لـ غيرها ..

دمتم بحفظ الله ..