بغـرض النصيحـة..

[صدى جوفي]

الـسـلام عليكم ورحـمـة الله وبركـاته ،،

بـدافع الـتـجـربـة والمـغـامرة أو بالأحرى التقليد قـام المـنسي ####### بتشغيل

بلـوتوثـه.. ولأن من مشتقـات اسمـه ن س ي >>> نسـاه -البلوتوث- شغـّال

وبدافع حب الاستطلاع وروح الأخـوة والتنقيب عـن الشخصيات ،، تـقوم ’’الأخت ‘‘ بالتقــاط الرقم ...

وبـعد كم يوم جــاء الاتصال >> تو النــاس

- ألو
- نعم
- كيف الحـال ............ (مقدمـة روتينيـة يعني)

أنت كنت فـالمـكان الفلاني .. راعي السيارة الفـلانيـة .. صاحب النكـ الفـلاني ..
أنــا بعد راعيـة السيارة الفـلانيـة - تحيد- (تــعارف )

ســوالف .............. الخ ( لين اهنــا طبيعي جــداً)

* النصح* .. أنت تصـلي .. تقــرا قــرآن
توعــيه لـصلاة الفجر ..
تنـصحـه..
تــذكــره بــالله دايمــاً(شــادة حيلهـا معــاه جزاهـا الله خير)

لكن
خلت الدنــيا من محــارمهـا عسب تنصح ولـد النـاس وتتكـلم معاه؟؟!
,,شو الغرض من هـالنصح والمغـالطات بهـا المكالمــات واردة ؟
,, هـالمعمعـة كلهـا لوجـه الله والا لـحـاجـة في نفسهـا ..
^
^
مجــرد تســاؤلات تجـوب مخيلتي

~ تعـرضت لـ موقف مشابـه وتحـب تشــاركنـا فيه ~
هنــا آراءاتــكم تهمنــا
ولكـم جـزيل الشكر

© صدى جوفي @ واحات بن دبي

[وحي القلم]

لا تظلمينها يا صدى جوفي

قصدها شريف >>> واضح

.
.

ما أقدر أصدق انه الى تسويه هالبنيه لوجه الله مثل ما قلتي

لانه أصلا علاقتهم غلط

و الشي الى أساسه ما انبنى صح .. فأكيد أنه بيكون غلط

(( الله يهديهم ))

و مشكوره يا صدى جوفي

..

[غموض الامنيات]

الله يعدي الجميع .


طيب حتي لو كانت نيتها سليمة الا ما بيي يوم وتختفي النصيحة . ويحل

مكانها شي . ثاني . والشيطان شاطر في هذا السوالف .. يعني .

هي مشكورة على النصيحة بس .. ما اعتقد انها بتنفع .


مجرد راي .. واختلاف الراي لا يفسد للقضية ود ..


ومشكورة لاهنتي ..؟؟؟؟

[نور الإيمان]

اي نصيحة اي خربطان ..

إي بين انه لعب عيال مثل ما يقولون .. ذولي اللي يتسترون تحت مسمى الدين و التطوع .. آل شو بالأول انصحك تصلي الفجر و تقوم القيام و تتهجد و عقبها نتواعد عسب نحفظ القرآن !!! سبحانك ربي .. شر البلية ما يضحك .. يوم انه كل واحد منهم يقص عالثاني .. المثل يقول كل الطرق تؤدي إلى روما .. و هم داخلين هالمسلك .. استغفر الله العظيم من كل ذنب عظيم ..

[صدى جوفي]

هـلا وغـلا بالنور والسرور

يـاليت لو لـعب يهـال .. مسويـة فيهـا داعيـة

بـعد مو حلوة اتكـون محور سوالفهم - سخافات وملهيات - خلنـا بالعبـادات والسوالف الهـادفـة .. ومـا

خفي أعظـم


لـ مرورج من هنـا

صدى

[شمعة أمل]

صدق شي بنات جي يسون؟! .. توني أدري O_o

نحن عايشين في الأرض ولا المريخ؟ =s


الله يهديهم..

[صدى جوفي]

شمعـة الواحـات
منورة الصفحـة بوجـودج

الـسـالفـة صدقيـة 100% ..

تم شي مـا سووه البنـات .. الله يهديهم ويهدينـا


لـوجـودج هنـا

صدى

[بوسلطان]

لا حول ولا قوة إلا بالله

رغـــــم طيــبـــتهــا و نيــــتــهــا الصــالــحــه و هــدفــهــا الســامــي

و لـكـن !!

للـــكـــل شــي شــروط و أحـكــام تختلــف بخــتــلاف الزمان و المكان

* وما بــنــي على با طـل فـهــو با طـل *

وربــنا يـــــــهـــــدي الجـــمـــيـع

إن شــــــــاء الله

أخوكـي بوسلطان

[صدى جوفي]

يا هلا ومرحب

مثل مـا تفضلت بوسـلطـان لكـل شي شروط وأحكـام .. ولو الغرض نصيحـة .. تقدر تنصح بدون مــا تدخل معمعـات ثــانيـة .. والــنصيحـة مــا تؤخذ من هكـذا ناس ..

ومــا بني على باطل فهـو بــاطل

سلمت ع التواجد الطيب

[ألم ترى]

بسم الله الرحمن الرحيم ..

أي نصيحة هاااي ! ..

ذكرتيني بشيخ كانت بنت ادق ع تلفونه ف نص الليل ..

اول مره لبس التلفون ..

ثاني مره قال منو هذا مأذني ..

ثالث مره رد ع التلفون ولا تطلع بنت ! ..

قالها شو تبين ؟ ..

قالت ابي اتعرف ..

قالها وانتي تعرفيني اصلآ ؟ ..

قالت لا والله ابس متضايجه ويالسه ادق اي رقم ! ..

ف الشيخ عرف إن الفراغ وضعف الإيمان يلعب دور ف نفس البنت وإذا شاخرها بتحاول مع واحد ثاني ..

المهم الشيخ نصحها وذكرها بالله سبحانه وقاله انتي تصلين ؟ ..

فقالت لا وربي ما اصلي ..

قالها صلي واذكري الله وبعدين اوزني اللي تسوينه ..

انتهت المكالمه

يوم

اربع ايام

اسبوع

10 ايام

اسبوعين

اتصلت البنت والشيخ ما عرفها ..

ألو السلا عليكم ..

وعليكم السلام منو وياي ؟ ..

البنت انا فلانه اللي اتصلت اخر الليل ..

خير إن شاء الله شو تبين ؟ ..

فقالت والله ياشيخ اني عرفت طريق الصواب من كلماتك لي ! ..

رد عليها الشيخ الحمدلله رب العالمين والله جعلني سبب لـ هدايتك ..

انتهى والله اعلم ..

هالقصة انا ماذكرتها لجل الواحد يتساهل ف هالأمور ولكن يت ع بالي فقلت اقولها ..

دمتم بحفظ الله ..

[مجموعة إنسان]

انا بقولكم سالفة واااحد يقول انه مدين ..\
هذا اتعرف على وحده وطلع معاها اونه يبي يخطبها ( زين اخطب واملج عقب اطلع ) الريال يبي يعرفها اكثر ..
المهم ركبت معاااه وهو معطيلها ظهره (اونه يستحي )
والريال حاط ايده على الجير ويت البنت وحطت ايدها
تعرفووون شو سوى



.
.
.
.
.

شل ايييده وقال استغفر الله ..




الين هي راكبه معاااك والشيطان ثالثكم ..!!!!!!!!!!!!!!

[تنينه]

لـهـذه الفئه من الـناس تـكون النصيحه بـغرص الوصـول لـمبتغاه ومـا يصبو إليـه



الله يهدينا ويهدي الجميع يارب


جـميله كلماتـج غاليتي صـدى


دمتي بـود

تنينه

[قرموشة]

انا بقولكم سالفة واااحد يقول انه مدين ..\
هذا اتعرف على وحده وطلع معاها اونه يبي يخطبها ( زين اخطب واملج عقب اطلع ) الريال يبي يعرفها اكثر ..
المهم ركبت معاااه وهو معطيلها ظهره (اونه يستحي )
والريال حاط ايده على الجير ويت البنت وحطت ايدها
تعرفووون شو سوى

شل ايييده وقال استغفر الله ..

الين هي راكبه معاااك والشيطان ثالثكم ..!!!!!!!!!!!!!!

ههههههههههههههههههههههههه هههههه حـلواااااااااااااااااه

ركـبت مـعــاه وخـلصــت .. الحـيــن ياي وتقول استغفر الله !

[خنفروش]

اقص ايد الاسطوري لو كان غرضها شريف و اقص ريله و ايده بعد لو الشاب فهم ان غرضها شريف

[بن شداد]

السلام عليكم ورحمته الله وبركاته
خنفروش مستوي جزار ممكن