وين نسير بالعيد ؟

[المزوحي]

السلام عليكم

كل عام وانتوا بخير

وبمناسبة العيد عندنا إجازة .. واللي يشتغلون في البنوك ودهم يذبحونا لانه باجر بيداومون ..

وأكيد القطاع الخاص كذلك ..

لكن بالنسبة لنا بالاحد ... وقلنا خلنا نطلع رحلة ... الرحلة مب شرط نخيم

ولكن نظهر برع دبي .. يعني في دولة الامارات

فكرنا ... بالفجيرة ... لي ميرديان العقة



وإذا ماحصلنا حجز .. نشوف لنا مكان غيره .. شو اقتراحكم

[راعي الزعـامه]

سير الفندق اللي فقمه جبل حفيت
الجو حلو هناك

[المزوحي]

بعد شورك حلو

[شمعة أمل]

حلوه العقه

ولا سير .. المها .. ولا باب الشمس

[المزوحي]

لا همم فكرت باب الشمس

لكن احس منتجع صحراوي مابيكون حلو وااايد

بنشوف العقة وإلا جبل حفيت

يالله هل من مزيد !

[قــبقــوبـه]

امممممم بمـــا انه نحــن ماا نطيــح بوظبــي الا فالسنــه مره ويمكــن بعــد ولا مــرره ..
فـأنــا أرشــح نــادي ضبــاط بـوظبي خصــه للي عندهــم يهــال صــدق بيستــمتعـوون هنـــاااك ..
لانـــه كــل شـــي عنــدهم ..

وهــااي صــوره لجــزء من النــادي ..



..
.

[المزوحي]

ريف الصبا

همم فكرة حلوة .. هيه عندنا هيال

قبل رمضان الرضيعة سارت وودت عيالها ... تقول اليهال انبسطوا ...

بنحط النادي من ضمن العقة .. وجبل حفيت ..

[قــبقــوبـه]

لاا عييـــل اضمـــن لك مليـون بالميــه انه اليــهال بيستــانسون ..
وخصــه انه فيــه مسبــح وملعــب كــره وسينمــا لليهـــال ..
وتحــس بــه مكــان عائــلي أكثـــر منـه شبــابي ..
حتــى الشبــاب بيــستانسـون فيه لانـه فيــه ملعــب لكــرة القـدم والســله والطايــره وبـولينغ وبليــارد ..

جنــي مدحتــه واايــــد يــؤ يـؤ يـؤ ..
ان شــاء الله بيعيبــكم ..

[المزوحي]

والله الزين يمدحونه

شكله فل هالايام عسب العيد

اووه نسيت اقول إنه اتصلت اليوم العقة ماشي حجز لين السبت

شكلهم يستهبلووون ...

وجبل حفيت الفندق حلو لكن اليهال بيضيجووون ...

همم شو رايكم غنتوت بتنفع ؟

[غرشوب]

سير البحرين يومين.. غير جو بعيد عن الزحمة

[المزوحي]

غرشوب لو عن نفسي بسير روحي لكن الاهل يبوون يسيرون

والله بخبركم سرنا الفجيرة .. هه وصلنا العقة ودخلنا الفندق ماعندهم غرفة فاضية

الخلق حاجزين من اسبوعين وأكثر .. قلنا بنسير ساندي بيتش ونفس الشي .. سرنا الهيلتون كذلك

ماشي مكان .. سرنا بريتز موتيل ماعندهم غرفة فاضية .. سرنا شي جيه اسمه بلازا ماعندهم

سرنا فندق السيجي .. حصلنا غرفة وحده بس ... ماقدرنا نيلس

قلنا دامه غنه شالين اغراضنا خلنا نبات لو في ام القيوين ونرد باجر على الفجيرة .. اتصلنا 5 فنادق

لا شاليه ولا فندق فاضي ... راس الخيمة نفس الشي

آخر ش اتصلنا العين ( امبزره ) باجر بتفضى حجرتين ...

بس نحن الحين ردينا .. وانا مابسير الصراحة .. راسي عورني ..

[الجنيه]

يا حسرتي ناس اتفكر بالاجازه وناس ما مداها تستانس بالاجازه ...

خبرنا ع شو استقريت ... عشان اتغصص أكثر


الله يهنيكم وان شاءالله تستانسون وعقبالنا ان شاءالله قولو آمين

[المزوحي]

لالا لاتتغصصين .. ترانا خلاص .. سرنا اليوم وماحصلنا حجز بالمره

ابركي عيل زحمة دبي

[مزن هتان]

أهــلاً
المزوحي اليوم احنا رادين من العين
كنا قاعدين بالمبزره نحن حاجزين قبل ارمضان
شو الزحمه
عندك روتانا والا هليتون العين
ومثل ما قلت ميركيور اللي بحفيت
وعندك بالفجيره اولشانيك مادري شـ سمه الي عالكرنيش
وين الشوكه الذهبيه
وعن غنتوت ماحس ابها للعوايل
اكو شاليهات ابـ حتا سامعه عنها

[شمعة أمل]

يتني فكره عجيبه .. صدق بتستانس

لازم تستكشف .. وتجوف منو من ربعك ولا ربع حد تعرفه ولا شي جيه .. عنده يخت
بعدييين
استأجر اليخت لكم يوم
وسيير
عند أم القيوين عند القرم
والصبح سير بهالطراط الصغير
ولا
الجتسكيي
عند سوق السمج مالهم *ترا مايستوي تصيد صوب القرم*

صدق بتستانس D=