العيـــــد .... وانتو؟!

[عمة العيم]

كل عام وانتوا بخير

ييت ادخنكم



و طبعاً لازم اضيفكم

هممم منو يبا ياكل خاشوقه وحده بس تكفي من الدخون



و طبعاً طاولة البنات هكذا تصبح في كل مناسبه مثل العيد




و عيييييييييييييدكم سعييييييييييييييد و مبااااااااااارك

و عليك سعيد عليك مبارك لا اله الا الله


(^_^)

[شمعة أمل]

مشكووور المزوحي عالعيديه

وباقي الأعضاء .. وين عيديتي؟




الصبح
ابويه يقرا الجريده وانا اتريا خواتي يخلصون





سايرين بيت يدوتييي





كل الريايل فجأه دشو داخل البيت عشان يسلمون على يدوه جان نندس في صالة عموتي الصغيره
عندها دريول يوديها المدرسه .. وكل عيد يشترلها حلاوه هديه كيووت





دانه .. بنت الدكتور

[أمواج]

.
.


هالمخــلووق بيذبحنــي
كــله يعاند
مادري على منو طــالع هالولــد
انا ابغي اركب جدام وهو مب راضي حتى حد ييـلس وياااه
لووووول
أكثر شي ضحكنــي كندووره وجوتي
مادري وين يبــا
فدييته انا
.
.

[بنت ناس و عرب]

بنت اميــ :

بداية العيد




و جان يخلص العيد عندها

[المزوحي]

يارب ما اغواهم الصغارية .. يارب تحفظهم ....

شمعة امل لنا عودة

[نجمة دبي]

السلام عليكم

عيدكم مبارك وعساكم من العايدين يارب

حلاوة العيد .. شي ضروري





وكل عام وانتوا بخير وصحه وعافيه


نجــــــ دبي ــــــمة

[شمعة أمل]

عالغدا
سرنا نتغدا في مينا السلام .. ثاني مره اسير هالمطعم ... وايد يعيبني اكلهم .. خفيف عالمعده
مادري ليش
بس أول مادخلنا الفندق كل الى في اللوبي صدو صوبنا يطالعونا



يوم خلصنا لحقت ورانا هالحرمه عشان المدير يبا يسلم على ابويه




طبعا بعدين رديت البيت ورقدت .. وعقب ابويه رااح يحليله بيرد عقب كم يوم

عقب وصلنا تليفوون انه شي عيايز اجانب بيون بيتنا يبون يعرفون كيف العيد وجييييييي.. وبما انه نحن مانستقبل ناس *فهموها بالطريقه الصح مب الغلط وتقولون عني دفشه* قلنا يله شو ورانا يمكن يسلمون على ايدنا

يحليييلهم والله كتكوووتات وصدق مايعرفوون شييييييييي

اونه اول مادخلوو انتو شو تسون في العيد مادري شو .. قلتلها اول شي تعقون نعالكم برع يحليلها طلعت برع تعق نعالها جان اقوللها لالالا ردي دخليي لو خليتي نعالج برع الجلب بتاكله بعدين كيف نسلم والخ

تخبلوو عدهن العود .. ودخناهم وتخبلو على ريحته يقولون يفتح النفس .. وحبوو الجاهي .. وعيبهم القهوه وقالولنا نراويهم كيف شكله ف يبنالهم قهوه

بس تعرفون شو احلى شي
كل شوي يقولولي انتي وايد حلوه وكندورتج وايد حلوه وذهبج وايد حلو .. وكانو يرمسون عن شي وانا ضد كلهم .. ووحده قالتلي تعجبينييي عندج آرائئج ... وانا مستااانسه في خاطري اقوللها تعالي كل يوم بيتنا وقوليلي هالرمسه وييييه .. وايد صدقت عمري بس تعرفون شي .. للحين ماعرف شو اساميهم

[المزوحي]

ماشاء الله كله زين .. ونحن ننتظر المزيد

[قصايد غلا]

أول يوم العيـــد كل شي فيه كان أخضر و وردي وبيج

http://s2.supload.com/image.php?get=...1024024521.jpg

حتى عباتي فيها أخضر و وردي وبيج وشنطتي بعد
http://s2.supload.com/image.php?get=...1024024521.jpg

http://s2.supload.com/image.php?get=...1024025121.jpg

http://s2.supload.com/image.php?get=...1024025121.jpg



فديـــــــــــــت هالولد يوم يكون هادي ، بس قلت له حماني اوقف بصوّرك جان يتم متيبّس لين قلت له خلاص تعال شوف عمرك لوووول

http://s2.supload.com/image.php?get=...1024033027.jpg


شواخي من محبي التصوير لووول وتتحرا عمرها إليسا ولا هيفا وهبي ===> وايد متأثره بلبسها

شو رايكم في شنطتها ؟ ، أنا اشتريت لها إياها يوم ما لقوا لها شنطه ===> حلو ذوقي

http://s2.supload.com/image.php?get=...1024033027.jpg

هاي شويخ الخبله لوووول ، صورتها يوم سرنا نتعشا في المطعم البارحه في الليل

http://s2.supload.com/image.php?get=...1024033457.jpg

وعواش اختها تكره التصوير بس صورتها غصبا عنها خخخخخخ

http://s2.supload.com/image.php?get=...1024033457.jpg

شواخي وايد متفاعله ومندمجه في الأكل ، صورتها وهي تاكل قطعة تكه صارقتنها من أكلي

http://s2.supload.com/image.php?get=...1024033717.jpg

وخلّصت جولتنا في الليل وردينا بيوتنا لووول

واليوم إن شا الله بصور وبحط الصور ، لي عودة بعد الحواطه

ببااااا ااااي أحين بنظهر وبنودي اليهال يلعبون وبصورهم ...

[المزوحي]

قصايد غلا الصورة معبرة عن طلعتكم أمس

وبنشوف صور اليوم

[شمعة أمل]

اليهال كتاااكيييييت مشاء الله عليييييهم

انا اليوم وايد مشغوووله >_< وباجر بعد

لازم اسير تقريبا تقريبا 10 بيوت
وباجر عندي عزيمه
واليوم الى عقبه بعد

[المزوحي]

صوري عزايمج وإلا بيروغونج يعني

[لمّــاح]

مرحبا ..

حلو الموضوع و حاب اشارك ..

هنيه في أول يوم العيد، ذا ماركت كافية ( حياة قراند ) ..

متعودين نحن في كل عــيد لازم نتيمع ( أفراد الشلة كلها ) .. نحن ماشاءالله شلتنا واااايد كبيره و ضارين نتيمع كل عيد، انشوف بعض لأنه معظمنا انشغل بسبب الدراسة او الدوام ف مثل عادة الحين كل عيد لازم، بس هالعيد شويّه كنا تقريبا النص، النص الثاني مشغول و بعضهم مسافرين ( علاج و دراسة ) ..




و هاي الله يسلمكم دودة يديده من انتاجنا

عاشه، بنت عمتيه، ربت قبل العيد و أول يوم العيد سرت ازورها و شفت البنت ..

[قــبقــوبـه]

يااااا لبـــي ع البنـــوته ..
الله يحفـــظها ..

[المزوحي]

مبروكين لماح .. على الصغيرونه ..