شــو رايك بـــ هالحركة ؟

[المزوحي]

مادري يسوى وإلا لاااا وإلا شو نسميه هذا ؟؟

مستعيلين تبوون تعرفون عن شو اتكلم

بس اصبروا طال عمركم ....

الله يسلمكم .. لاحظت إنه في شباب شو يسوووون ؟؟

مايملكون موتر ... تقولون المزوحي يمزح وانا جاااااااااد وصدقتوا

كيف انته جاد والفرد عنده في هالزمن بدل الموتر 2 و 3

انا ماقلت لكم اصبروا ...

شوفوا ...

ماعنده موتر ملك ... لكن شو يسوي يسير لمكتب تأجير السيارات

وياخذ موتر في خاطره .. وعلى سبيل المثال خلنا نقول اكس فايف





وإيجار الاكس فايف مش 100 درهم ولكن ... 800 اكثر او اقل على حسب موديل الموتر

وإن خذت الموتر اكثر عن يوم او اسبوع لك خصم غييير وإذا شهر يعطونك سعر حلو

بس تعتقد يصرفك تسوي هالحركة

هيه ... ليش لا ... دام إني ما باخذ قرض من البنك ولا بدفع ضراب حق البلدية ..

ولا تسجيل الموتر وهالخرابيط ..

بس كيف تستأجر موتر ولو تدفع .. يعني لاسمح الله صار شي ...

ولا يهمك كل مره آخذ موتر في خاطري ومرات اخلي حد يوصلني .. يمر عليّه .. المهم

جيه انا مستانس ..


ويالله عاد لو تدفع كل مره 800 وأكثر .. وتجرب كل مواتر العالم



وإلا

[المزوحي]

يمكن انته تاخذ ميني كوبر وإلا تاخذ تويوتا يارس





بس انا شو اقول

اقول لو تحسب 30 يوم في 12 شهر قوول = 360 يوم

وخلنا نقول يوميا تدفع 800*360 بيظهر لك 288.000

يعني سعر موتر ...

بس إذا بتسوي هالحركة لا تستأجر كل يوم ... بس ماتحسون مذلة .. يوم تبغي شي تتصل حق حد

حتى التاكسي مذلة

[مايهزك ريح]

على فكره المزوحي .. في واحد يداوم ويانا مأجر سياره ميتسوبيشي لانسر .. وكل شهر يغير اللون ..
ويقولك اوفر لي عن اني اشتري موتر .. على الأقل يوم يسافر ( وهو من النوع اللي يسافر وايد ) يرد الموتر على المكتب .. وجيه يشوف عمره ايوفر التأمين والتسجيل وتصليح السياره

[المزوحي]

مايهزك ريح .. هذا واحد منهم يعني ..
بس في حد يقولك لاااااا .. مهما كان يستوي شي بالموتر او حادث لاسمح الله
بتستوي قضية
لكن تعااال كيف يغير لون الموتر بكيفه هو ؟؟

[مايهزك ريح]

كل شهر يرد الموتر ..وياخذ نفسه ( متسوبيشي لانسر ) بس لون ثاني .. مره ياينا بفضي ومره احمر .. مادري المره اليايه شو بيكون اللون

[المزوحي]

يسوي دعايا على اللانسر
بس الصراحة اللانسر أحلى عن الكورولا ( راي شخصي )

[مايهزك ريح]

بس مشكلتها ..ممله ..تاخذ فترة طويله لين تتسارع مب مثل الكورولا .. الكورولا على الأقل فيها حياه ..
هاي اتدوس ما اتدوس انته مكانك

[ولد الحكومة]

الصراحه أخوي الموزوجي موضوعك وايد حلوووو ...
عسالفة تأجير المواتر الفخمه ، اتحصل اغلب الي يأجرون المواتر الفخمه هم البنات ، ويقول المثل : البوووز عااااالي والجيب خاااالي


والسمواحه عالمداخلة

[المزوحي]

لا .. قايد الريم .. لا وانته الصادق .. الشاب يوم يبغي يواعد ينقع له من هالمواتر
شو بيصير عليه

بعيد عن سوالف المواعد

بس اقولك صدق في شباب ماعندهم موتر بس يسوون هالحركه عسب مايخلون موتر بخاطرهم

[قصايد غلا]

هههههههههههههههه والله يالمزوحي موضوعك عجيــــــــــــب

ضحكت من خاطري لأني أول مرة أسمع إنه فيه ناس بهالذكاء ===> سبحان الله كيف متخلفيـــ ـــن

صدق اللي قال : "اتديّن واتزيّن" ...

[المزوحي]

قصايد غلا

مرات اللي ماعنده هو اللي يبدل موتره ...

[عيون الليل]

أووووه من زماااااااان هالحركه . . .

حتى ما اتلاحظون أنه أغلب مكاتب ايجار السيارات . . ماعندهم غيير السياايير الفخمه . . ما قاموا أيأجرون الكورولا وهالسوالف . . لانه الناس قامت تمشي ع المظاهر . . لكن يالمزوحي . . سيارات الإيجار معروووووفه . . يعني لو واعد ف السياره البنيه بتعرف انها إيجار " إذا ما كانت غبيه "
لـــوول

[المزوحي]

روحج قلتي إذا ماكانت ( غبيه )

احيد ربيعي مأجر الحوت يوم العيد .. لكن مب حق المواعد

لأنه عند موتر يديد .. والدوام عطوه موتر ... قال موتري كله موقف .. وانا اسير بموتر الدوام

دوامه الصبح والعصر .. فصدق يستثمر فلوس الموتر احسن ..

ومن جيه حتى لو إيجار الحوت 2000 عااادي مع إنه تي اقل ... ولا صرفية موتره اللي باعه