السلام عليكم ورحمة الله وبركاتة
مشكوووور اخوي المقاتل ع الموضووووووع..بس منو هالايام يتذكرني
.. من زمان مب داخل .. معظم الاعضاء متغيرين لووول
إن شاء الله خيير .. إذا الله راد بتكووون لي عوووده قويه يوم إن شاء الله بحس عمري قادر.. وخصوصا إذا رجعت البلاد .. اتعرف الواحد متغرب .. ولازم يشد الحيل .. والدراسه مثل ما يقولون ما اتخلص لووول
الواحات احسها غير .. صارلي تقريبا اربع سنوات وشوي فيها .. ما احب اشترك في منتديات .. بس هالمنتدى الوحيد اللي كنت اشارك فيه .. بس في منتدى واحد سجلت فيه من كثر ما اذووني بالايميلات.. اللهم يطرشون لي مواضيعهم ع ايميلي .. واقعد اقرا المواضيع اللي بس اتشد انتبهاهي .. ولا عمري شاركت فيه
و في منتدى كووورة .. معني مدمن عليه .. وكل وم ادخل اقرا الاخبار .. بس ما اشتركت فيه طوول .. احس كل مواضيع استفزازية عن الكره ..بس ما شاء الله في شباب مبدعين بمعنى الكلمة .. انا بس مطلع اقرا الاخبار ولا اعور راسي .. والموقع نفسه في لنك لمنتدى .. بعد نفس الشي ما ادخل
في شباب وايدين يفتوحون منتديات و ربعي ايقولون لي تعال ادخل و بنعطيك منصب .. اقلهم يصير خير .. و اسويلهم طاف لوول
فإذا رجعت إن شاء الله برجع للواحات .. بس للأسف كانو ما شاء الله وايدين مبدعين في الواحات .. بس لأسباب شخصيه او إداريه (طبعا تستوي مشاكل) يطلعون أو ينطردون من المنتدى .. و على أيامي كانت اتمر ايام المنتدى ايكون فيها راكد .. ما في اي حركه .. حتى كنت اطرح مواضيع .. ومن النادر كنت ألاقي إلا الردود القليله .. إن شاء الله إذا رجعت ما ألاقي هالاشياء موجوده .. و إن شاء الله فيهم الخير اللي في المنتدى وألاقي إبداعات.. و انا شخصيا مب من الاشخاص اللي يبدعون بالعكس من الاشخاص اللي يستمتعوون بقراءة المواضيع المتميزة .. وإن شاء الله اشارك بمواضيع الواحد يستفيد منها .. فالأخير احنا أخوة من بلاد وحده .. و إن شاء الله كلنا نستفيد وانفيد .. و نبتعد عن الحساسيات والمشاكل اللي مالها داعي أبداً .. وكل شي ينحل بالتفاهم
ومشكووور اخوي بو حسن ع المووووضع و إن شاء الله اردها لك.. وترفع راس أهلك
والسموووحه
والسلام عليكم ورحمة الله وبركاته
أخوكم الخط الساخن
رد مع اقتباس
مواقع النشر (المفضلة)