سلمووون

[ذنـيـنـي]

السلام عليكم

انا بصراحه من محبين سمج السلمون

"السلمون المدخن"

لأنه نكهته وايد لذيذه و موووووووول ما فيه سهج و ريحه

لكني ما اروم اكله الا في المطاعم

المطلوب منكم

الي يعرف اي وصفه فيها سلمون, يسوي فيني خير و يعرضها لي

[الدلووووعة]

اكيد انا مابفيدك فشي ^_^

لني ماحب السمج وماعرف اي شي عنه وعن الاكلات اللي فيها السمج^_^

ان شاءالله محبين السمج بيفيدونك^_^

[ذنـيـنـي]

الدلووووعة

تسلمين على مرورج
في انتظار البقية

[المزوحي]

انا قلت بشوف لك في النت لو حصلت

السلمون بالليمون والبصل



المقادير

• 4 ستيك سلمون متوسطة.
• 2 بصل مقطع شرائح رفيعة.
• ملعقة صغيرة زيت الزيتون.
• نصف ملعقة صغيرة كزبرة.
• ربع كوب عصير ليمون.
• 2 ليمون مقطع شرائح رفيعة.
• ملح وفلفل حسب الزغبة.


الطريقة

1. نسخن الفرن 220 درجة. 2. نقلي البصل لمدة 10 دقائق في زيت الزيتون. 3. ثم نضيف عصير الليمون والكزبرة مع الملح والفلفل. 4. نضع الخليط في صينية الفرن ثم نصف فوقه السلمون المملح ونغطيه بشرائح الليمون ونتركه لمدة 12 دقيقة حسب سماكة السلمون. ننزع الليمون ونقدم السلمون مع البصل

[المزوحي]

السلمون المشوي على الطريقة الايطالية


المقادير:


- 800 غ فيليه السلمون.
- 100 غ جزر.
- 100 غ فاصوليا فرنسيّة.
- 100 غ بروكولي.
- 100 غ بازيلا.
- 100 غ كراث اندلسي.

,,,

طريقة التحضير:

- ُتشوى فيليه السلمون مع زيت الزيتون، الملح والبهار.
- ُتسلق الخضار و ُتقلّى مع الكراث الاندلسي.
- ُُتقدّم فيليه السلمون فوق الخضار.
- ُتقدّم مع صلصة بيارنيز.

صحتين على قلبك

[شمعة أمل]

عنا وااااايد وصفات في بيتنا .. دوم يسوونه
بدور الوصفات وبحاول اكتبهم

[ذنـيـنـي]

المزوحي

الوصفة الاولى شكلها فنانه

بس الثانيه


فاصوليا فرنسيّة !!
كراث اندلسي !!
صلصة بيارنيز !!

من وين اييبهم؟
=========

شمعة أمل

في انتظارج

[المزوحي]

ذنيني الوصفة الثانية ممكن تحذف هالأمووور

على العموم إن حصلت شي بحطه لك

[ذنـيـنـي]

من كمن يوم اخترعت سندويج سلمون

يبت السلمون و سويته شرات الدياي بالمايونيز

حطيت وياه مايونيز و جبن كرافت و بصل اخضر و عصرت عليه لوميه
و رشيت عليه شوي تباسكو

و ضربتهم كلهم في الخلاط

في انتظار البقيه

[قلوب دبي]

عجيب الصراحه ..

انا بعد من محبي السلمون P:

عليك بالعافية ^_^

[تحفه]

اكثر شي يعيبني هو المحار و احب القباقيب بس اتخيس وايد لازم اكلهم يوم ماعندي مشاوير لان ريحته تلزق في الاصابع وماتخوز لول ..

[طير الحب]

والله ذنيني أنت عجيب شكلك تحب تطبخ...ما جربت السلمون وايد...طعمه مثل التونا ولا الهامور...عشان أفكر أجرب تراني من محبي السي فود

[ذنـيـنـي]

قلوب دبي

شي مطعم في امرتس مول متخصص في السلمون,, بتحصله ورا سكي دبي,,

خل قوم جيليز و ما ادري منو على ايدك اليمين و كمل سيده , عقب لف يمين

وايد يمدحونه الي يحبون السلمون
يبالك تجربه

[ذنـيـنـي]

طير الحب

انا بيني و بين المطبخ و التأليف عشق لول

شكلي آخر شي بفتح مطعم خخخخخ

[شمعة أمل]

هالشهر وايد طبخو سلمون في بيتنا >_< دووم اتذكر موضوعك لكن انسى اطلب الوصفه!

حصلت موقع فيه كله وصفات السلمون المدخن ..

http://www.justsmokedsalmon.com/recipes.htm