شوتســـون أول يوم العيــد..؟

[شمعة أمل]

بوظبي
انتي اول انسانه اعرفها تنش الظهر يوم العيد

محب الشيخين
يعني بيتكم البيت الأساسي حلوووووووو

هواجيس مشتاق
يعني ماعند روتييين سنوي؟

الشحيه
حلووو .. عندكم أهل من إمارات ثانيه ..
ياليت لو جيي عندنا
احس كشخه

المزوحي
حلوووووووووووووووووووو
كيف ماتتعشا في العيد انا مادري .. الأكل في العيد احلى شي


الرحيل
=s
شو السالفه


الدلووعه
هلا والله
لول بعدج تشوفين توم اند جيري .. كيووووووووووووووووووووووو ووت
حلووو اول يوم عيد عنكم



شهووده الأمووره
نتريا التكمله

[شهوووودة الأمورة]

كل عاااااااااااااااام وانتو بخيير مقدماااا. . أبا عيديتي احم احم عاادي استقبل عيديه أنا قبل العيد بكمن يووم .. لاا تستحوون طرشووا

مممم عيبني موضوعج شمعة أمل حبيته خلااص

ممممم نحن قبل العيد واللي هو ليلة العيد نكون أنا واختي وامي سهراانين نسوي السويت وغيره .. يعني تقريبا مرات نخلص شغلنا ع السااعه 3 او 4 يعني جي .. وطبعا انا خلااص اكوون قفلت في هالساعات فأرقد الييييييين الساعة 6 او مراات 7 .. وفي هالوقت الكل يكوون وااعي
وانا الوحييده أكوون وااعية متأخره ...

ممممم بعدها ع طوول انزل اشووف شو يسوون بالمطبخ .. اهم شي .. يحطوون الفوااله وشوي أسااعدهم ..

بعد ما يخلصوون صلاااه .. اسلم ع باباتي واخواني وامي واختي ويدي ( دوووووم يوم أسلم ع يدي ييلس يصييح يغمضني ) .. عااد يوم اسلم أكووون متشقشقه ضحك اوني استحي خخخخخخخ

( ترى هنييه للحين مب كااشخه .. اكشخ ع الساعه 9 او 10 )

اتصل لربااعتي او اطرش مسجاااااااااات وجي ..

الحيين حااان وقت التكششخ .. تقريبا ياخذلي وقت ع ما اتعدل خخخخ يمكن ساعه او ساعه ونص او يمكن اكثر


وما نطلع من البيت إلا العصر .. ونرووح بيت عمتي .. خالي وجي يعني بشكل عاام الأهل

ونرد البيت 9 او 10..

وبسسسسسسسسسس .. فييه اشيا ما كتبتها .. برد اكتب رد ثااني بعد اذنج شمعة امل

[المزوحي]

شمعة أمل

نكون ملقطين من كل بيت

[شمعة أمل]

المزوحي
هيييه صح نسيت لوول
عاد انا
اخس شي عندي يوم حد اييلسني على طاوله ويحطون اكل في صحني >_< لاني ماحب اكل اي شي p=

[أمواج]

.
.
وايــد متشجعــه لهــالعيـد لانه بيستوي شي في هاليوم
لوول

بمــا أن بيتــنا عداله مصــلى العيــد فـ من يخـلصون العرب صـلاة
يمــرون عليــنا على طووول
أهــلنا واللي مب اهلــنا بعد
أحــلى شي إنه حوي بيتنـا ينتــرس واتلخــبط اقول ســلمت على منوو انا وعلى منو ماســلمت
و على الضحــى نسيــر دبي وطبعــا غصــبن عنــي اسيــر

وســاعات اشــرد من البيت عشــان ماسير لوول
خــالف تعــرف ، ماحب الحــواطه ابغيهم كــلهم اييون بيتنــا ويسلمون علي اما انا ماروم اسير عند حد

،
اما اليوم الثــاني فبيتنـا ، فــ نتيمـع فبيت يدتي وبالنادر انا اسيــر

.
.

انــا اجـازتي يومين بس وباقي الايــــام دراسـه طبعــا

[شهوووودة الأمورة]

هههههههههههه حلوة هااي نتريا التكمله حسستيني كأني أكتب قصه

شوفي شمعة امل اللي كتبته فووق.. هذا ع أياام قبل لاا اختي تعرس.. هالسنه بكووون هذا أول عييد يمر علينا بدوون اختي.. بالأول اهييه تسااعدني او بالأحرى انا اسااعدها نسوي حلوياات .. اما هالعيييد عاااااااااااد الله يعييني .. محطيه فباالي اسوي..
كيكة الرمل.. وآيسكريم نسكافيه بالبسكوييت ( ما بعطيكم الطريقه ).. ووو بعد قلت بسوي ورق عنب بس امي قالت لأ لاا تسويين .. مع انه كل عييد نسوي .. بس مادري ليش امي غيرت راايها .. مممممم والله محتااره شو بسوي .. وييييييييييينج يا ختي كنتي شااله شويه عني هممم العيييد .. مممممممممم بفكر بعد شو بسوي ..

المووووووووووهييييييييييي ييييم .. هالعيد احسبه غييير .. لأنه كل شي انا بسويه بدوون اختي ..

يعني مممم محطيه فباالي اني ما بسهر في ليلة العييد .. عسب انش الفير.. واخلص شغلي اللي هو احط الفوااله وادخن ابوي واخوااني والبيت طبعااا..

وهييه صح هالعييد يدي مش موجوود عدنا بالعاااده كل عييد يدي يكوون هالعييد احسبه مب حلوو ..

بعدها اسبح اختي الصغييره فدييتها ( احس جني امها) واكششخهاا.. وبعدها ارووح اشووف امي اذا تبا شي ما شياات قبل لاا اتكشخخ خخخخخخخ.. قلت لج قبل اطوول يوم اتكشخ..

مممممممممم مادري شو ياالسه اخربط احس اني اكتب قصه حيااتي

هذا اللي كتبته انا جي متخيلته عااد ما يندره شو بيصير بالواقع

[الـيـاه]

سلاااااام


*عيدكم مبارك مقدما ً* ومشكـوره الغاليـه شمعة أمل على الموضوع ..


شو أسوي أول يوم عيد ؟

طبعا ً أنش من وقت على الساعـه 7 ونص واتم في الحجره اسبح واتكشخ وحالتي حالـه
بعدين اسويلهم تلفون ايبولي الدخون ( لان مابا اطلع قبل ما اتدخن ) ..

اتي البشكاره واسلم عليها
وعقب ما اتدخن واخلص كل شي اظهر ابوس ابويه وامي واخذ عيديتي عسب ماينسون عقب وانا انسى


*وبما ان بيتنا البيت الرئيسي لان ابويه هو العم العود*
*وبعد امي ثاني اكبر عمه حق عيال خوالي*

ومايكون بس للاهل بعد ربع ابويه وامي ايون واللي يشتغلون عند ابويه ومعارفنا و ناس وااااايد

فـ بيتنا أول يوم حفله + خمسين ألف ياهل ويا خمسين ألف حرمه وبشكاره + أمية ألف ريال !!!! فـ نظطر انه مانظهر أول يوم
لان السلام مايخلص لين فليل

( والعيديه تشتغل هههه )

و ولا مره في حياتي سرت اسلم على حد فالعيد لان كل حد ايي بيتنا نحن

وها يكون أول يوم
وثاني وثالث يوم تبدا الطلعات والغدا او العشا برع وجي وبسسس


.
.
.

[شمعة أمل]

شهووده الأمووره
الله يعينج لازم تطبخين يوم العيد .. ويوم تسوين ايس كريم نسيكافيه بالبسكووت .. لاتنسين اطرشينه بيتنا .. تراني عاشقة الآيس كريم


الياه
انا يوم كنت صغيره كنت اتحرى يوم بكبر عيديتي تزيد لانه الأصفار تزيد << المقصد انه الصفر يزيد بدال الخمس خمسين p=
بس
طلعت غلطانه
محد استوى يعطيني عيديه بتحصليني اسلم على عشرين شخص واحصل عيديه من شخصين
حليلي أكسر الخاطر صح؟
انتييييييي اكبر عنييييي معناته لازم تعطيني عيدييييييه


خيال الحب
كسووووووووول


فركووشه
حلووو.. ان شاء الله تسانسووون




للعلم
نسيت أخبركم
ترا كل الى ردو في موضوعي أكبر عني معناته يوم العيد لازم تعطوني عيديه

[خيال الحب]

احس اني متعايز اكتـــب شو اسوي يوم العيد خخخخ


بكتب خلااااااف

>>>برب<<<<

[فركوشه]

على قولتج البيت العود او الاساسي لازم يقعدون اول يوم عيد فالبيت.. والين المغرب.. يا نتم قاعدين.. او نحوط فالسناتر.. :)

[شهوووودة الأمورة]

هيييييييييييه صح نسيييييييت اقوول.. نحن اذا بنتيمع في البيت العوود اللي هو بيت يدتي يكوون اليوم الثااني .. لأنها في الشارجه.. أما اول يووم بس زيارات عائليه .. او مراات نتيمع في بيت خالي وتكوون يدتي موجوده عدهم فيكوون بيت خالي البيت العوود ..


شمعة امل أنا طلبت العيديه قبلج لاا تحاولين تتهربين .. ابا العيديه يعني اباهاااااااااا..

وع ساالفة الآيسكرييم .. أفاااا عليييج مرررررره ما طلبتي .. بيوصلج .. (:

تدرين أحس اني اليوم حلمانه فيج .. بس نسييت شو حلمت

[قصايد غلا]

مباركــ"ن" عيدج شمعة

اممممممم أول يوم العيد كلهم ينشون الفير عشان أبويه واخويه يسيرون يصلّون واميه تنش وياهم عشان تدخن ومادري شو تسوي بعد

على الساعه 7 أو 8 تي أميه توعّيني ، وعقب ما اييون أبويه واخويه من الصلاه أخويـــه ايي شرا الصاروخ يطيــــــــر يدوّر الشبريه وبسسس

وابويه اييونه يراننا ويسلمون عليه ومرات اييونه قوم عمي (طبعا هذا يوم كنا في بيتنا القبلي ، لكن السنه مادري كيف بيوّنا قوم عمي ولا يراننا الكئيبين ويا فريجهم هذا الكئيــــــــــــــ ــــــــــــب )

طبعا أنا في هالوقت أكون يالسه أتزهّب و أكشخ ، وعقب أتريق
من تستوي الساعه 12 ظهرنا من البيت ، نمر نسلّم على يدّوه (أم ابويه) وعقب نسير بيت عموه لأن بيت عموه كل حـــــــــــد اييــّه ونستانس على اليمعه

وعقب بيت عموه نسير بيت خالوه (لأنها أكبر وحده وكل خالاتي ايّن عنده) ونتم ليـــن في الليل وأكون تعبــااااااااااااانـــه وفيّه رقااااااااااد وفي نفس الوقت مستانسه لأنه ثاني العيد واللي عقبه = أيام الحواطه والوناااااااسسسسسسسسسسسسس ه ...

[بحر الموده]

السلام عليكم ورحمة الله وبركاته

** كل عام والامه الاسلاميه بصحه وسلامه العيد وقبل العيد بيوم محلا ريحة الحناء تفوح فى كل

البيوت والكل سعيد وفرحان وينتظر هذا اليوم الحبيب والغالى على كل مسلم ومسلمه نحس بالراحه

النفسيه .. انا عن نفسى ارقد من وقت وانش من وقت قبل صلاة الفجر نسوى كمر مندى قصدى نسبح

ومن ثم سرنا صلينا الفجر ورجعنا نكبر رايحين المصلى.. ارجع البيت ابارك حق الاهل وعقب اروح ميلس الرياييل ويا اخوانى والكل يتبادل التهانى والتبريكات .

ارجع اروح بيت اليده ونجتمع هناك لين الساعه العاشره صباحاً ويتيمعون كلهم وانا عن نفسى احب

اولاً زيارة صلة الرحم اليد والعمه والعم عقب نبدى بالاتصالات لى ماتخلص ماشاء الله ..ومن غير المسجات لى تحرق التيلفون حراق يكيكيكي منها المحليه والدوليه ^_~

المهم نوصل ونرجع مره ثانيه الى بيت اليد ونصلى الظهر بعدين نجتمع والغداء ترى طايح اسمينا يوم العيد كل ماتروح بيت طاحوبك اذا ماكليت بيقطعونك تقطيع كل وكل ههههههههههههههههه

زين نعرج على اليوم الثانى اطلع من الصبح اسير صوب الفجيره وخورفكان ودبا احس المكان الصحيح

لقضاء العائلة احلى الاوقاااات هناك .. اليوم الثالث البحر ورانا خيط وقرقووور وليخ ...

اليوم الرابع فى ختام حديثى ان شاء الله مسافر عمان والسموحه على الاطاله

** شمعة امل مشكووره خيتو كل الشكر على هذا الموضوع الطيب

وكل عــــــــــــام وانتم بخير وعســـــــــــــــــاكم من العايــــدين والســـــالميــــن^_^

[مجموعة إنسان]

ليلة العيد ..
طبعا ماعندي حلاق وماعرف شو ..
أنا اتحلق قبل العيد بيومين او ثلاث .. ما احب الزحمه .. وبعدها أسير دبي (طبعا اكون في راس الخيمه) لأن أهلنا كلهم هناك ، فليلة العيد نقعد في المقهى لييييييييين الساعة 12 او 1 وكلن يرجع لبيته ..
طبعا الكنادير الخدامة اجهزهم لأن نحن لو علينا بنلبس ثياب بعض ..
أرقد وطبعا ما اييني رقااد ( قبل كنا نقعد انا وابوي واخواني وعمي لييييييين الفجر سوالف وضحك بس الحين مسافر استراليا ) يدخل ابوي يقعدنا للصلاة كلنا نقعد ونسبح والوالدة الله يحفظها اتبخرنا وادلعنا شوي وناكل لقمة قبل مانسير المسيد ..
بعد مانطلع اسلم على ابوي وامي (لأن امي تيي معاني المسيد ) ويدتي (أم امي ) وعيال عمي ..
نحن نسبقهم على بيتنا اللي هو البيت العود لأن ابوي أكبر واحد في العائلة ( مب شيبه لا تخافون عمره 45 ) وفي البيت نتريا خوالي وخالاتي وعماتي وعيال عمي نتريق ونطلع مع ابوي نسلم على الشواب ..
تقريباً ليييين الساعة 10 او 11 .. بعدها انا اشرد واسير اسلم على ربعي اللي متيمعين كلهم في ميلس واحد من ربعنا نقعد سوالف ونخطط على الرحلة ..
انا اشرد واسير المقهى (طبعاً خلص العيد خلااص ) وهناك اخواني وعيال عمي قاعدين .. لين حزة الغدا .. نسير نتغدا في بيتنا .. وبعدها ربعني يمرروون علي ونسير دبا نخيم ل4 ايام .. نتونس هناك ونرجع ...


بس هذا العيييييد..
من الصبح لين الساعة 12 ..

[بوزايد]

السلام عليكم ورحمة الله وبركاته


عيدكم مبارك


وكل عام وانتو بخير



اممم انا غير عن الكل في العيد

انا من 6 سنوات وهذا الروتين عندي

اول ايام العيد انش الساعه 8 واداوم دوام عادي

لانه اصلا ما عندنا عيد

بس هالعيد بيكون اجازه عندنا


يعني رقاد


وان شاء الله هالعيد يكون آخر عيد هنيه

ان شاء الله العيد الياي في الامارات

يا رب بس