هههههههه كلولوووووووووووووشششششششششششش ..وايد ضحكني الي يا في الحلقه والي ضحكني اكثر الموضوع ..

تدري يوم علماء السعوديه حرمو سواقة المراه ..
يو ناس وحاججوهم وقالولهم ( إنزين هي تسوق احسن ولا إن سايق غريب يوصلها )
جان يقولون .. لا هذا ولا ذاك .. (قرن في بيوتكن احسن)

( مادري اذا فهمت شو اقصد )

من رايي الشخصي ان ( رياضة )الكره .. مب لازم يكون الاهتمام فيها حكر على الشباب
ودخول الحريم للـ نوادي الرياضيه من "دون حركات أرعى" شي جميل ( ولكن بدايته بتكون صعبه ) لأن شي طبيعي مجتمعنا يستهجن كل جديد ..

على فكره .. حتا يوم بابا زايد شجع على دخول الحريم لميدان العمل ( كان في وايد معارضين ) وكلهم يتحاججون ( بهالحجج ) الله قال وقرن في بيوتكن .. طيب انتوا ماتعرفون ان الله حرم يلسة القهاوي؟!

واذا كان على حرام وحلال ..

فهو مثل ماهو حلال على الشباب .. حلال على الحريم

وخلو عنكم سوالف عيب ومنقود .. مافي شي أخر العرب غير تمسكهم بعاداتهم وتقاليدهم اكثر من دينهم ..

بس اذا ييتو على رايي الشخصي .. ( فانتوا تعرفون شو رايي عن الكوره )
واشوفها مضيعه للوقت

واما عن مقاطعة برنامج الجماهير .. فإذا الشباب قاطعوه .. البنات مابيقصرون Xp

والسموحه