هي ...ونظراتهم..

[سبيجة]

السلام عليكم


أخوية الرحيل... كل الشكر على مرورك وتعقيبك ...

كلامك صحيح ,,, الدنيا مب شرات قبل والناس تفكيرها اتغير .. وصرنا نتقبل أشياء اجدادنا مستحيل مجرد تفكير إنه يفكرون فيها .... ومع ذلك التفكير الغلط متأصل في عقول البعض .. الله يستر

الله يحفظك ويخليك لأهلك إن شاء الله



أخويه ألم ترى ... مسكينة البنية دائماً يسىء فهمها

شاكرة لك ردك في الموضوع



حيالله المزوحي .... تبا الصدق ... شخصياً إذا شفت ريال في شرات المحلات اللي طريتها ...استغرب ... طبعاً إذا ما كان ويا حرمته .... تدري لأنه هالمكان من الأساس مقتصر على الحريم ...مب شرات الأماكن اللي ذكرتها مثل المحطات أو الوكاله ... اتمنى تكون الفكره وصلت ...


شاكره مرورك للمرة الثانيه ..

اختي الغاليه ... صدى جوفي ...

كلامج على عيني وراسي ... بس احياناً ممكن تكون البنيه ما عندها أي شخص ممكن يرافقها لهالأماكن وتضطر تسير روحها ...فماله داعي إنه لازم كل اللي يشوفها يفكر إنها وحده مب زينه ... عسب جيه تواجدت في هالمكان ...

هلا وغلا فيج


السموحه

[سفير الخيال]

هيه والله يا خنفروش صـــدقت

الموضوع لها جوانب كثيره و اعتقد إن الجانب اللي تكلمت عنه إختي سبيجه هو جانب المرأه المحتشمه فعلا ومظهرا وهيه كذلك مضطره للخروج لإنهاء بعض المستلزمات التي عجز عن آدائها أبوها أو زوجها أو أخوها...

موضوع مثري,, واستمتعت كثيرا بقراءة جميع الآراء

شكرا سبوووج على هذي الفرصه