هي ...ونظراتهم..

[صدى جوفي]

الـسـلام عليكم ،،

هـذيلا -الأخوان- مستوحـدين بالبنـية فـيعق الرمسـة علّ وعسى يحصل مراده ،، كـأنهم مب شايفين خير

وبعد البنـات غلطـانات يسيرون أرواحهن .. عالأقل عندهـا حد أخوهـا أمهـا ، ما شي أختهـا مب

أرواحهن يسيرن - والمفروض يكون عندهـا محارمهـا فـ مكان مختلط وبعدين الدنيـا مالها أمـان....

الأخوان والأهل المفروض يقضون هـالأمور عن البنيـة - تجنبـا لتحرشات أصحاب النفوس الضعيفـة-

.................هلا بسبيـجـة من يديد )

صدى

[مخاوية الامل]

السلام عليكم ورحمـة الله وبركــاته.. ،

ختيــه سبيجـة ..،

ع قولـة المثل .. :: اللي مايعــرفك مايثمنــك ::
الريايــيل بيقولون كل شــي ..،
بس البنت المحترمــة .. ، تسوي اقنـــور ..،
واللي تسمعه يدخل من هنيـه ويطلع من هنــااك .. ،
ع قولــة حامد زيد .. :: أحسن دوا للي يحاول يستفزك تحقـره ::
وأنا عندي مبــدأ ..،
أميــه ..، أبويه ..، خوانيــه..، راضين باللي أسويه ..،
خلااص محد له خص فيــه غيــرهم ..،
وإذا تعرضت لهالمواقف ..، مثل ماقلتلج أكبــر اقنوور ..،
وفديتج عادي الرياييل يدخلون أماكن خاصــة للحــريم ..،
بتيــ ع الوكالات ومحطاات البترول .. ! هب مالهم ومانكتب إنه هالمكان للشباب فقـط .. !
كل الناس عندها سياايــير ..،
وكل الناس تبى تعبي بترول ..،
عشـان خاطر اللي مايستحون ع ويهم نوقف الدنــيا . !
ايهبــي والله ..،
الحمدلله الواحد يوم إنه راضـي عن نفســه وواثق إ نه هب قاعد يسوي شي غلط مايهمــه شو يقولون ولا مايقولون ..،
كلام الناس امــره مايخلص ..،
والواحد لو بيلس يحاتي الناس شو بتقول عنه .. ! حياته مابتعدي ع خيــر .. !

اسمحيليه فديتج لو طولت عليج .،
نرفزني الموضوع .. !

[تنينه]

الـسلام علـيكم والرحـمه


سـبووجـه أهـنه يا هلاا والله ويا مـرحبا بسبوجتنا وبحروفها وكلماتـها وموضوعـها الجميل بـكبره ,,

حـصـه فـرحت جداً بسيارتها الجديـده وظـهرت بها لـكي تتمشى بها وبها ألا وهي السياره السياره كانت جديده ولـم (تلحق ) أن تـضع عـليه المخفي ,, بمجرد خروجـها للشارع والنظرات تلاحـقها والرؤوس تـكاد تـخرج من السياره والبـعض الآخـر آلـمه رأسـه من إلصاقه بـ(جامة السياره ) وبدأت الأستنتاجات تـظهر : ويــن تـبى هـاي مسويـه عـرض لعمرها ، طـاع هـاي صدق مـب مصدقه عندها الموتر العلاني ، ولا جوف ولا طاعوا وفي النهايه الكلمتين بمعني أنـظروا يعني LOOK

مـها وصديقتـها وحـصـه كـلهن أنـظلمـن كل الظلم بالحـكم عـليهن وما قـيل عـنهن مـن أنـاس نـظرتـهم جداً قـاصره ,,ولـكن في النـهايـه يكون ويرجـع السبب لمجتمعـنا نـحن وما تـربى عليـه الفرد وشـاب عليـه ,,

تعلـمين عـزيزتي يحضرني الآن جمله جميلـه قالها ابن رشـد قبل قـرون وانا أراها الآن متمثله في مجتمعنا ونـظرة البـعض أو الأكثريه من العقليات ::

يقول ابن رشد: (إن معيشتنا الاجتماعية الحاضرة لا تدعنا ننظر ما في النساء من القوى الكامنة، فهي عندنا كأنها لم تُخلق إلا للولادة، وإرضاع الأطفال، ولذلك تُفني هذه العبودية كل ما فيها من القوة على الأعمال العظيمة. وهذا هو السبب في عدم وجود نساء رفيعات الشأن عندنا. فضلاً عن ذلك فإن حياتهن أشبه بحيات النبات وهن عالة على رجالهن. لذلك كان الفقر عظيماً في مدننا لأن دور النساء فيها مضاعف لعدد الرجال وهن عاجزات عن كسب رزقهن الضروري)

لقد راى ابن رشد ما لدى المرأة من قوة قادرة لو استخدمت بطريقة معاصرة، أنْ تُغيِّر الكثير، ليس فقط في النظرة حولها كامرأة، وإنما أيضاً في دورها الفاعل في البناء الاجتماعي ,, خـروج المـرأه وقضائـها لحاجتها سـواء كان في السـوق أو الوكاله أو المـحطه تـكون من الضروريـات إن لـم يـكن لديها أخ أو أب أو زوج ولـم يكونوا مـتواجدون فـ ماذا تفعـل ، تـضع يدها عـلى خدها وتـجلس ,,

وإن كانت تـلك الأمـاكن في نـظر البعض غير مألوفه للنـساء فـ بإحتشامها واحترامـها تستـطيع فـرض نفسها واحترامـهم لـها وإن واجـهت بعض العقول المتحجره فـالحل الوحـيد ان تتـجنبـهم ولا تـعرهم أي انتبـاه فـهي أعـز وأرقـى ان تـرد على تفاهاتـهم وكلامـهم اللي ( ما يـخلص ) ,,


يسلموو حبووبتنا ع الطـرح الجميل

[مايهزك ريح]

اعوذ بالله من هالأشكال ونظراتهم ..
انزين انا واحد عندي اكثر من اخت كل وحده عندها موتر ..
وكل وحده تبا تغسل موترها مثلا .. في نفس اليوم اللي هو دايما ايكون بداية الأسبوع ..
اقطع عمري يعني ..
اودي ثلاث مواتر وموتري وياهم شجايل .. اكيد بقولهم امشوا ورايه .. ويلا بنسير ..
بالنسبة للتشييكات .. انا دوامي لين العصر .. وهي يالسة في البيت .. اقدر اقولها .. ودي السياره الوكالة.. واتفاهمي وياهم قوليلهم شو المشكلة لأنها بكل بساطه هي تعرف شو في موترها من مشاكل ..
وبقولها ..انا ياينج في الدرب.. وباخذها من الوكاله ..
شو بيستوي يعني .. بطيح الدنيا..

وفي شي بالنسبة للمرور .. يوم انا اسير ما خلص ابسرعه .. لأنه الأولويه للبنات ..
ثانيا الصبح ايكون المرور نوعا ما خالي .. فأقدر أقول لأختي سيري سوي الفحص .. وهاتي الأوراق عشان ما فيه على الطابور.. ويوم ايي العصر ..أخذ ورقة الفحص .. واكمل لها باقي الأوراق .. ( التأمين + التسجيل ) عشان على الأقل ما اظــطر اشل الموتر من البيت واوديه .. ويايه اخلص التسجيل واسير وين ما ابا ..

حمدالله .. انا خواتي متفاهم وياهم ويعرفون انا كيف افكر .. ودايما اخطط للشيء قبل لا اسويه ..
لأنه فعلا كم بودي وكم بييب .. انا واحد .. اخوي الثاني متزوج وعنده اعيال و مشغول .. وانا الفاضي .. وكل الشغل عليه ..
فلازم نتعاون .. ولا ما بقدر اسوي كل شي بروحي ..

اتمنى اني اكون وصلت المعلومة .. ومشكورة اختي سبيجة على الموضوع ..

[سبيجة]

السلام عليكم


عذراً للتأخير في الرد ....تجهيزات العيد قائمه على قدم وساق

اخويه ..المزوحي

اتفق وياك ....وايد بنات معتمدين على عمارهن وشالات مسؤولية بيوت ... بس المشكله النظرة ما تغيرت ...أو يمكن تغيرت بس بنسبة ضئيلة جداً للأسف.. وإلا صدقني جان ما سمعنا كلامي يضايجنا ونحنا نخلص أشغالنا ...


شاكرة لك مرورك وردك اخويه ...


أخويه ..هواجيس مشتاق (غاوي اسمك ما شاء الله)


عاد تحضر مباريات هاي وايد عوده علينا ...أنا في التلفزيون ما أحب اشوف مباريات ...
ولو كان ريلها مسافر وما عندها اخوان ,,,, ولو إخوانها مشغولين ...وفي أشياء بسيطه وممكن إنه الحرمه تخلصها بكل سهوله ..ولو ما تعرضت لمضايقات ... والله يا أخويه في مره من المرات في الوكاله ...إنه الموجودين كلهم تموا يتطالعوني انا وخالتي ... جنه مسوين شيء كبير جداً ولين طلعنا وركبنا السيارة وعيونهم علينا يمكن عسب ما كنا في دبي ...احس إمارة دبي هالسوالف فيها أخف ...عن غيرها ... الله يعين


شاكره تحمسك اخويه ..


الغاليه ... شمعة أمل

شو بتقولين عاد غير تخلف وتفكير وايد رجعي خصوصاً إنه البنت المحترمه نفسها تقدر تفرض احترامها على الكل ... بس مع ذلك في نظرات ما ترحم ...


تسلمين حبيبتي على الرد


الغالية ..قرموشه

عليكم السلام ورحمة الله وبركاته...

ممكن إنه هالتفكير ينوجد في عقلية شبابنا والسبب التربية والعادات والتقاليد ... بس في هالوقت بالذات البنات في كل مكان ...ممكن تكون زميلة في العمل ... في أي مكان يراجعة الشاب مثل بنك أو دائرة... غلط كبير إنه هالنظرة تستمر ...


تسلمين حبوبه على الرد..


الغاليه...بوظبي

الإخوان .. أو الأهل ..ممكن يعطون لبنتهم ثقة كبيرة ... بس النظرة اللي تتعرض لها البنت من الشباب اللي في مجتمعها ... تخليها تتسائل عن سبب شكهم في أخلاقها ...


والحمدلله ثقة الأهل واحترامهم لعيالهم شيء كبير ولازم نكون قد هالثقة ...


تسلمين غناتي على الرد ..


لي عودة مع باقي الردود إن شاء الله .....وكل عام والجميع بألف خير ....

[الجنيه]

السلام عليكم ورحمة الله وبركاته وعيدكم مبارك وعساكم من العايدين والسالمين ان شاءالله ...

الصراحه موضوع جداً قوي وجذبني بصوره خاصه لانه يمسني نوعا ما ,,, انا بتكلم بكل صراحه نحن ست بنات وراس مالي اخوين واحد من ذوي الاحتياجات الخاصه والثاني الحمدلله بصحته وعافيته بس انا بعمري ما اتكلت عليه بشي يخصني لانه دايما يأجل الى ما لا نهايه انزين انا محتايه شي كم بصبر واترياه يقضي لي اياه ؟؟ دام اني اقدر اخلص اشغالي روحي ما فيها شي ,,

بالنسبه لغسيل الموتر يعني انا اغسل موتري في الشيشه باستمرار بس الي اسويه اني اخليهم يغسلون الموتر من برع بس ومن غير ما انزل عشان اتفادى اي موقف بايخ ممكن يصير لي من ذوي النفوس المريضه ... وعادي مره رحت افصل كندوه حق اخوي عشر دقايق وانا طالعه ما انطبقت السما ع الأرض عادي ما فيها شي بس سمعت تعليق من واحد مختل عقليا اونه يقول لربيعه هاي اكيد يايه اتفصل حق ربيعها ما رديت عليه غير بـ الله يسامحه لا همني رايه او الي قاله اذا هو مريض انا ما الومه ..

الصراحه وايد شباب يرمسون ويقولون انا وانا بس لو اتون اتشوفون الحقيقه تنصدمون يمكن شباب المنتدى محد فيهم يعترف بوجود مثل هالصفات او بعض هالصفات فيه لانه ما يبي يشوه صورته بس نحن عايشين في مجتمع وعندنا اهل وصداقات وانعرف كل بيت شو يصير فيه وايدين من الشباب ما يخصصون لو ساعه من وقتهم للأهلهم عشان يقضون اشغالهم او حتى يشوفون طلباتهم وفي منهم الي يأجل باستمرار ومن دون ما يسوي الي يبونه منه اوكي في مثل هالحاله البنت شو اتسوي ؟؟؟ اذا هي اتسوق وعندها موترها اتروح اتخلص اشغالها واشغال اهلها ؟؟ والا تتريا حضرت جناب الاخ يوم يتفيج هذا اذا تفيج وما طنش ؟؟؟؟

أنا أقول العيب مب في البنت العيب في تفكير الشباب ونظرتهم للبنت ,,,

[سبيجة]

السلام عليكم


أخوية الرحيل... كل الشكر على مرورك وتعقيبك ...

كلامك صحيح ,,, الدنيا مب شرات قبل والناس تفكيرها اتغير .. وصرنا نتقبل أشياء اجدادنا مستحيل مجرد تفكير إنه يفكرون فيها .... ومع ذلك التفكير الغلط متأصل في عقول البعض .. الله يستر

الله يحفظك ويخليك لأهلك إن شاء الله



أخويه ألم ترى ... مسكينة البنية دائماً يسىء فهمها

شاكرة لك ردك في الموضوع



حيالله المزوحي .... تبا الصدق ... شخصياً إذا شفت ريال في شرات المحلات اللي طريتها ...استغرب ... طبعاً إذا ما كان ويا حرمته .... تدري لأنه هالمكان من الأساس مقتصر على الحريم ...مب شرات الأماكن اللي ذكرتها مثل المحطات أو الوكاله ... اتمنى تكون الفكره وصلت ...


شاكره مرورك للمرة الثانيه ..

اختي الغاليه ... صدى جوفي ...

كلامج على عيني وراسي ... بس احياناً ممكن تكون البنيه ما عندها أي شخص ممكن يرافقها لهالأماكن وتضطر تسير روحها ...فماله داعي إنه لازم كل اللي يشوفها يفكر إنها وحده مب زينه ... عسب جيه تواجدت في هالمكان ...

هلا وغلا فيج


السموحه