قبل كل شي حبيت اشكرج على هالموضوع...

خاصة هالايام ومن فتره تقريبا نلاحظ انه كثير بنات يسوقون سيايير

وبنات كثير يتعلمون..موب نفس قبل..يعني لو ترد 4 سنوات تحس بالفرق عن قبل والحين..

اصابع ايدك موب نفس الشي..والناس بعد موب كلها نفس الشي..

في شباب ماخذين فكره انه البنت اذا راحت تخلص شغلها بالسياره يعني هالبنت موب زينه..

او البنت اللي تسوق يعني هذي ما عندها اهل..لا بالعكس..

خلنا نكون صريحين يعني..انت اللي قاعد تقول انه هالبنت موب زينه يعني معقوله

محد من اهللك من البنات يسوقون سيايير.....؟؟؟

الحين تغيرت الدنيا..وكل واحد يعتمد ع نفسه اذا انت اول شي مابتتفيج لاهلك..

يعني انت بروحك وراك مشاوير قد شعر راسك..ماظنتي انك تقدر تكفي وتوفي..

انا عن نفسي يوم اشوف وحده تخلص شغلها بروحها موب اني اذمها او انه احط في بالي شي ثاني
يعني شي عادي..

بس مثلا في اماكن ما اقدر اخلي اهلي يروحونها..ولازم انا اسوي هالشي غصبا عني..

مثلا انه اودي السياره التشيك..او انه اغسل السياره..مستحيل انه اخلي حد من اهلي يروح هالاماكن

حتى لو ان شاء الله انا كنت مسافر..لانه احس هالاماكن ماتليق للبنت انه تتواجد فيه..

يعني علشان ربعي شي وقت وعلشان اهلي مافي وقت..

شو بخسر لو خصصت يوم لا اهلي اقضي الاشياء اللي هم يبونها..

بس تعرفون شو اللي صاير الحين بالشوارع وشو شغلة الشباب اذا شافوا هالاشياء


السموحه ع الاطاله