باركولي ..

[مايهزك ريح]

باركولي ختمت القرآن اليوم ..الحمدلله اللي الله قدرني وختمته .. وبغلني رمضان وصمته ..

وانتوا شو اخباركم .. ووين وصلتوا .. أي جزء ..ومنوا ختم ..
وايد مستانس ..كل مرة اختم في أخر لحظه بس هالمره قدرت اني اختم يوم 27 من رمضان ..


وبالمناسبة ..
حبيت اكون اول من يعايد عليكم .. واقولكم
" كل عام وانتوا ابخير .. والله يعيده علينا ان شاء الله جميعا " ..

[الدلووووعة]

مبرووووووووك

انا كنت ناويه اختمة مرتين
بس شو اسوي مارمت

بس ختمته مره وحده

وانت بصحة وسلامة اخويه

[طير الغرام]

مبروووك أخويه
وصدق الواحد يوم يختم فـ هالأيام يحس بفرحه غييير (( مادري ليش يوم أختم القرآن واقرا دعاء الختم ادمع لا إرادي من الفرحه ))

والحمدالله انا ختمته يوم السبت وبديت بالختمه الثانيه والحينه وصلت الجزء الـ 20
وإن شاءالله الله يقدرني ع إني أختمه مره ثانيه

والله يعوده علينا وعليكم كل سنه وكل حوول ^_^

[سبيجة]

السلام عليكم


ألف مبروك أخويه ....


أنا عاد ختمت مرتين ...والحين أجاهد حق الثالثه ... إذا الله راد ..عاد تعرف ناس تداوم وأنا في إجازه هذا أحلى شيء في رمضان هالسنه ..



وكل عام وأعضاء الواحات بألف خير إن شاء الله



السموحه

[شمعة أمل]

مبــــــــــــــــــــــروك ..
انا بعدني ماختمت الختمه الأولى .. اوني بختم القرآن مرتين هالرمضان .. بس ماستوى=s

وعيدك مبارك .. وكل عام وانته بخير ..

[الـيـاه]

مبروووووووووك خويـه ..
والله يجعله في ميزان حسناتك

انا وللاسف ختمته مره وحده وكان يوم الأحـد ..

وعيدك مبارك مقدما ً

[هزاايم]

بالبركه

http://anasheed.fanateq.com/audio/rm/744.rm

لووول يقولك ايا زين الحياة لما نختمه نعرف تجويده واحكاامه ورسمه

انا ختمت ختميتن وبإذن الله الثالثه بالطريج موصله جزء 21

وعساك من العايدين والغانمين
وكل عام وإنت بالخير

[قرموشة]

مـبروك مـبـروووك .. =)
انـا ختمـتــه مـره ..
والحـين وصـلت الجـزء 26 وان شا ءالله أخـتمــه بالسبت .. قولوا آمـيــن ..

[الشحية]

مبروووووووووووووك =)

[مايهزك ريح]

مرحبا اختي الدلوعة ..
الله يبارك في حياتج .. انا كنت ناوي اختم اكثر عن مره بس ما استوى .. دوام وحاله .. وستين شغله على راسي .. بس الحمدلله ختمت قبل عشان بكون مشغول آخر الأيام ..

[المزوحي]

مبروك على ختم القرآن ... الله يبلغك بالجنة يارب ...

عيدك مبارك ماهزك ريح وانا بعدني ما ختمت القرآن ..

[مايهزك ريح]

الله يبارك في حياتج ..اختي طير الغرام .. صدق احساس ما ينوصف يوم الواحد يختم القرآن..
والله اييسرلج ان شاء الله وتختمينه مره ثانيه يا رب ..
انا يوم اوصل سورة يوسف واقراها لازم اتأثر وعيوني تغرق .. وبعد يوم اقرا سورة الواقعه يوم اوصل للآيه اللي فيها .. "والسابقون السابقون اولئك المقربون في جنات النعيم ثلة من الأولين وقليل من الآخرين ".. اتم...مغتبن واقول في خاطري يا ترى بكون من هالقليلين .. ولا ما بكون منهم -اللي يدخلون الجنه - ..

[مايهزك ريح]

اختي سبيجة .. ما شاء الله عليج .. ان شاء الله تختمين المرة الثالثة يا رب .. وزين انج ما خذه اجازه ..
للأسف انا ماعندي رصيد اجازات ..

والله يعوده علينا يا رب..

[مايهزك ريح]

عساج من عوادة العيد .... اختي شمعة أمل .. يالله .. ان شاء الله يتسير لج وتختمين قبل لا يخلص رمضان ..

[مايهزك ريح]

عساج من العايدين والسالمين اختي الياه .. ومبروك عليج الختمة .. والله يجعلج ..بكل حرف من حروفه حسنه يا رب ..