نصيب الفقراء

[ألم ترى]

بسم الله الرحمن الرحيم ..

ب الفعل موضوع جدآ مهم وخاص ف بعض الامور الواحد يتساهل فيها ..

اللي يدخل تلفونه لـ الحمام وانتو بكرامه وطبعآ ف التلفوت اشياء حرام الواحد يدخلها هالأماكن ..

في من الناس يشتغلون ف الشرطه او اي مكان يجبرك انك تحطي اسمك ع صدرك ..

لكن الجماعه داخلين طالعين لـ الحمام والأسم معلق وخاص إذا كان الأسم عبدالله ألخ ! ..

يزاج الله خير اختي ع الطرح مع اني اميل لو يكون ف الواحة المفتوحة ..

بحفظ الله ..

[طير الحب]

بوعبدالرحمن...الموضوع موضوعك أنقله وين ما تبا اهم شيء يكون له صدى في نفوسهم...

وبالنسبة للموبايل معاك حق انا موبايلي كان ريلي منزل لي القران كله بداخله فكنت اخاف ادخله الحمام وانتوا بكرامه بس ساعات نتساهل بدون قصد منا ..بنغسل يدنا والموبايل في اذننا وساعات بالمراكز بدون حاسية ننسى ما ندخله...الصراحه انا شنطتي المفروض ما اخذها معاي المراكز لاني احب في بوكبي يكون معاي كتيب اذكار وهالشيء الله يغفر لنا على زلاتنا

[شمعة أمل]

وايد عيبني موضوعج تسلمين

من ناحية الفقراء .. ماظني في ناس هالأيام يوم مايبون اغراضهم يفرونه بس جي في الزباله .. من ناحية الملابس والأثاث .. لانه مهما كان هالأشيا غاليه ويقدرون يعطونها لأي حد..واذا في ناس مايعرفون يعطون منو هالاغراض .. ترا شي جمعيات خيريه مايقصرون .. بيوزعون الأشيا عالناس.. وشي هالخيام الزرق عالشوارع في رمضان الى تاخذ أشيا


ومن ناحية الأسم
انا بخبركم شي ربيعتي خبرتني .. بس ماعرف اذا صح ولا لا .. بس انا اتجنب ادخل اي شي الحمام *وانتو بكرامه*
قالتلي .. انه حد قالها انه عادي ادخلون اسم الله في الحمامات هالأيام >_< .. لانه حماماتنا نظيفه.. مرات تحصلون الحمام انظف عن الغرفه الى الشخص يرقد فيها .. اما لو الحمام مب نظيف مب عادي

انا مابقول انه صح ولا لا
بس الى بقوله
حاولو ماتدخلون شي وياكم الحمام


وعن الجرايد
ماكنت ادري انه المساجد يحرقون الجرايد .. ترومون تودون جرايدكم عند هالبوكسات الحديديه الى صوب الجمعيه .. مال recycling .. يردون يستخدمون الأوراق لأشيا ثانيه .. ومن جي مب لازم يقطعون شير زياده < تعقدت من المدرسه .. لو فريت ورقه في الزباله يحتشرون انه انا جتلت شيره


شمعة أمل