لهواة التسوق,,,ممكن تساعدوني.؟

[طير الحب]

ما ابا اثجل على الناس والرزق القليل اخير...بعدين انا اتعامل مع خياط زين تعالي تقصدين الفراشه شرات الي تلبسهم سميره احمد في جمرة غضى وايد حبيتهم

[هزاايم]

إيه شرااتهم

[طير الحب]

طرشيلي الصور وانا بخبر الناس اذا حد يبا يشتري

[طير الحب]

هزايم هي بميتين انا بزين عليهن 50

[طير الحب]

الحرمه باي امارة..؟

[هزاايم]

الشااارجه

[قصايد غلا]

عيبني أسلوب طير الحب في البيع (ما تبا تغش الناس ولا تبا تبالغ) ، بس لو 20% من الناس شراتج جان الدنيا بخيـــر

الله يوفقج أم عبــّادي ...

[اللولوه]

راوينا شغلج يمكن نشتري

[المزوحي]

طير الحب مافيها شي هااي تجارة وانت تكسبين بطريقة حلال

الله ويفقج .. والبداية جيه تكون ...

في ناس يبيعون في الفريج وخلاف تكثر الطلبات ومايلحقون حتى يوفون كل شي

[طير الحب]

اللولوه...ان شاء الله من تصير شيء بضاعه بعرضها الحين عندي سبحات لليهال وبعرضهم اذا زاد منهم شيء


قصايد غلا ...المزوحي...هزااايم دعمكم افرحني


تعالوا وين ممكن القى ارخص العلب عندي خلطات كريمات للجسم وافكر ابيعهم

[المزوحي]

شي من العلب البلاستيك في جمعية الاتحاد .. والعلبة الصغيرة أقل عن درهم

مادري عاااد إذا تطرين هاذيل .. علبة شفافة و غطاتهن بيج ..

[طير الحب]

هاذيل اشتريهم للمطبخ ما اقصد هالنوعيه ابا شيء يكون مرتب ورخيص

[شمعة أمل]

سيري السطوه اتوقع بتحصلين كل شي
لانه انا اسوي اشغال يدويه .. واحب اجلد . . واشتري خرابيط من السطوه .. من محل اسمه النورس .. ولا فدا .. بتحصلين كل شي هناك

[طير الحب]

وايد شكرا شمعة أمل

[المزوحي]

هيه سيري السطوة ... وإلا سوق الظلام بالجملة