مسلسلات رمضان

**البراق** · 15-10-06 ||, 10:43 PM

السلام عليكم اخواني واخواتي

حاب اناقش معاك مسلسلات رمضان ...

المسلسلات عباره عن قصص والقصص افكار لكتاب

وهل افكار تكون اما انتقاديه واما افكار جيده بالمجتمع

يريد الكاتب ابازها... اذا اتفقنا على هل مفاهيم ... يمكن من خلالها نناقش ونطرح ارائنا

وانتقاداتنا ..............

المسلسل اللي حاب اتكلم عنه ....... قيود الزمن

كما فهمت من المسلسل ... فيها تشجيع للصدلقه بين البنات والشباب

من خلال العمه وصديقها الصحفي .. وابنت اخيها الصغيره وصديها مازن

ولان ناديه .. لم يكون لها صديق .... فزواجها غير ناجح

انتظر ارائكم .................

**شمعة أمل** · 16-10-06 ||, 12:39 AM

لي عوده..

*بس لاحظت هالشي حتى اليوم اختي الصغيره تسألني .. كيف جي عادي عند العمه تخلي بنت اخوها تسولف ويا واحد*

**هزاايم** · 16-10-06 ||, 11:28 AM

عليكم السلام ورحمه
أول حااجه انا احب اشكر كل القنوات والتلفزيوونات إلي بالوطن العربي على هالرمضاان
الصرااحه أول رمضاان مانتاابع فيه حااجه وانشغلنا بالعبااده

عن مسلسل قيوود الزمن أنا اشوفه بالليل عسب الوقت إلي اقعد اشرب فيه قهوه لوول عسب اصحصح للقيام
الصرااحه فكرة المسلسل مووول مش حلوه
يعني هم يشجعوون إن كل بنت يكون لها صديق ولي مش عندها ماتتوفق يوم تاخذ وااحد>>>شو هالرمسه الله يهديهم

وشي ثااني
اشيااء كثيره مش حلوه مظهرينها عن المجتمع
شراات الواحد المعرس يغاازل ولي يغازلها تنصحه وتستمر معااه
و لي كل ماتكدر رااح وشرب وحرمته تتصل به وهو مش صااحي

بس يمكن هالأشياا موجوده لكن مش بهالدرجه
لكن قصة الصدااقه هذي وين يبووونها
يعني جذى يخربوون تفكير الغير وااعي
لو الخراابه بتستوي رااح تكون من هالسواالف
يريدوون يبينوون ان المسلمين غدوا شراات الكفاار في ان الوحده ترابع وااحد
والعاقل تقعد وتسوولف مع وااحد
يعني اشيااا خيااليه
كيف عمه بعقلها تقعد مع وااحد
يعني الصرااحه في ناس يحبوون يتابعوون هالمسلسل ليش لأن هيفاا خذتها أكله محترمه من هالمسلسل من الضرب

وربي يعين على أوااخر رمضاان
والسمووحه عالإطاله
ومسلسلاتنا بلا معنى وااضح و لاغايه ساميه

**الاسطوري** · 18-10-06 ||, 01:32 PM

وعليكم السلام ..

اخواني نظرتي يمكن شويه تختلف لأني اشوف ان المسلسلات
ماتشجع على شي بالعكس تجسد الواقع أو تبين
أشياء مخفيه عن البعض أو
تطرح مشاكل
موجـوده في المجتمع عشان النـاس يبحثـون لها عن حـل وفي
مسلسل سوتـه وداد الكواري قبل كم سنه يـوم
كانوا البنات عايشين بروحهم
وخالهم سكير
وعنده بنت وولد يعني أشوف من أهم النقـاط اللي إنطرحـت إنها
ناقشت مسألة السمر في الخليج وكيف إن صعب
على العوايل الزواج منهم والعكس
يعني هالقضيـة
ماإنطرحـت قبل ولا حد ناقشهـا وإذا كان المسلسل فيه مبـادئ
وقيـم مب أوكيه ترا محد بيتـأثر ولا بيكـون في
تشجيـع إلا للنشـئ اللي
ذويهم بعاد
عنهم وهاي مشكله في موجوده من زمان ومايخص المسلسل
فيها يعني مثلا قيود الزمن طرح مشاكل نقدر نقول
إنها موجوده في المجتمع البحريني
بشكل خاص وفي
الخليج بشكل عام ومحد يقدر ينكر لأن مافي مجتمع يخلى من
الفساد تماما حتى مكة والمدينة فيهم بلاوي والطرح
مب معناته التشجيع إلا للي يعانـون
من مشاكل نفسيـه
هذا رايي

الاســـطـــوري
أخوكم

**هزاايم** · 18-10-06 ||, 02:12 PM

الإسطوري
عاادي اعلق
هو صح يمثل المجتمع ولا مجتمع خاالي من الفسااد
لكن إنت لاحظت وش غايتهم إن يشجعوون على التعرف والسوالف يعني موول مش مرااعين من يتاابع ومن مايتاابع
وغير هذاا يعني كيييييييف عمه بهالعمر تتصرف هالتصرفاات
مدري يمكن هالأشخااص موجودين لكن حنا مانشووفهم أو نسمع عنهمن
يعني صدق انصدمت عمه وتشجع بنت اخوها ترمس وتطلع وتوااعد
على الدنيااا السلام
وغير هذااا انا ماكنت متوقعه الشعب البحريني مدمنين على الخمر اعوذ بالله كل مطرووا مسلسل يقوولون سكر وضرب سكر ومدري وشو يعني هم بكذى يشووهون صورة المجتمع من ذااتهم

مجرد رااي لاغير
واسمحيلي شيخي
مش زعلان صح

**الدلووووعة** · 18-10-06 ||, 05:06 PM

انا ماشوف ها المسلسل يعني مافي اقول راي فيه ^_^

**تحفه** · 18-10-06 ||, 07:40 PM

الشي الوحيد الزين هو الفريه ..
واتابع صاحبة الامتياز
و مرات اشوف الامبراطوره علشان ملابس الهام فضاله لوووووووول
وطبعا الفريج
الامين والمؤمون وخالد بن الوليد مب دايما اتابعهم لأني ارقد

**الـيـاه** · 18-10-06 ||, 08:34 PM

انا في رمضان ها ما تابعت شي ابد .. اللهم ايام الفريج اول 15 يوم و الفريـه بس

**الاسطوري** · 19-10-06 ||, 04:51 AM

هــــــــــلا ..

"هزاايم"

أنا ماختلـف وياج بس بقتبس مقولة المزوحـي بأن الموضـوع مثل الكـره
وكل شخص يشوف هالكره من زاويه مختلفه ويمكن
انتي تشوفين ان المسلسلات تشجع
على الافكار اللي تطرحها
سواء كانـت اوكيه أو مب أوكيه بس انا أشـوف من منظـور ثاني كونـي
شفت وايد أشيـاء من هالنوع وأخـص بالذكر سالفـة
العمـه هـاي موجـوده من 15 سنـه
قبل الانترنت والموبايلات
وحتى يمكـن قبل الفضائيـات في مجتمعنـا وأكثر من اللي انعـرض في
المسلسل فما بالج باليوم مع وجود كل هالتكنولوجيا اللي
تحتمل الاستعمال السلبي والايجابي
وعن الخمر تراه ولا شي
في ناس يشربون كل ويك اند الزوج والزوجه وعادي الاعيال يشاركونهم
جنه سفن اب ومن ارقى العوايل وغيره الكثير الكثير يعني
انا كنت انصدم مثلج في البدايه بس الحين
عادي اتوقع كل شي وخاصه
عندنا في دبي !

مثل ماصار في مسلسل جمرة غضى بإن مدرس التربية الإسلامية
عبدالرحمن قال لأحد الطلاب التلفزيون يضر بالواحد إذا
استخدمه بطريقة مب اوكيه والعكس
صحيح لكن الولد
فهم ان التلفزيون مب اوكيه وقام يضرب اخته من تشغل التلفزيون
وطاحت السالفه في النهاية على راس المدرس لأنه
طلع من المنهج وتسبب في مشكله
لأهل هالطالب والقصد بان
الفهم وإدراك الأمور يرجع لمدى اسيتعاب الشخص للفكره بوضوح
فـ ممكن انا اشوف الانترنت اوكيه وغيري يشوفه ضار
او اي شي ثاني يعني مافي قاعدة
ثابته للموضوع هذا
وانا اشوف المسلسلات مهما كانت تبث اشياء مب اوكيه نقدر ناخذ
منها الثمين ونتعلم من دروس غيرنا وتجاربهم ونقدر ناخذ
الغث ونتعلم السلوك غير السوي والقيم
والاخلاق المنحطه وغيره

شكرا على هالمساحه يالبراق مع اني
ماشفت ردودك هني

الاســـطـــوري
أخوكم

**هزاايم** · 19-10-06 ||, 11:47 AM

المشاركة الأصلية كتبت بواسطة الاسطوري

هــــــــــلا ..

"هزاايم"

أنا ماختلـف وياج بس بقتبس مقولة المزوحـي بأن الموضـوع مثل الكـره
وكل شخص يشوف هالكره من زاويه مختلفه ويمكن
انتي تشوفين ان المسلسلات تشجع
على الافكار اللي تطرحها
سواء كانـت اوكيه أو مب أوكيه بس انا أشـوف من منظـور ثاني كونـي
شفت وايد أشيـاء من هالنوع وأخـص بالذكر سالفـة
العمـه هـاي موجـوده من 15 سنـه
قبل الانترنت والموبايلات
وحتى يمكـن قبل الفضائيـات في مجتمعنـا وأكثر من اللي انعـرض في
المسلسل فما بالج باليوم مع وجود كل هالتكنولوجيا اللي
تحتمل الاستعمال السلبي والايجابي
وعن الخمر تراه ولا شي
في ناس يشربون كل ويك اند الزوج والزوجه وعادي الاعيال يشاركونهم
جنه سفن اب ومن ارقى العوايل وغيره الكثير الكثير يعني
انا كنت انصدم مثلج في البدايه بس الحين
عادي اتوقع كل شي وخاصه
عندنا في دبي !

مثل ماصار في مسلسل جمرة غضى بإن مدرس التربية الإسلامية
عبدالرحمن قال لأحد الطلاب التلفزيون يضر بالواحد إذا
استخدمه بطريقة مب اوكيه والعكس
صحيح لكن الولد
فهم ان التلفزيون مب اوكيه وقام يضرب اخته من تشغل التلفزيون
وطاحت السالفه في النهاية على راس المدرس لأنه
طلع من المنهج وتسبب في مشكله
لأهل هالطالب والقصد بان
الفهم وإدراك الأمور يرجع لمدى اسيتعاب الشخص للفكره بوضوح
فـ ممكن انا اشوف الانترنت اوكيه وغيري يشوفه ضار
او اي شي ثاني يعني مافي قاعدة
ثابته للموضوع هذا
وانا اشوف المسلسلات مهما كانت تبث اشياء مب اوكيه نقدر ناخذ
منها الثمين ونتعلم من دروس غيرنا وتجاربهم ونقدر ناخذ
الغث ونتعلم السلوك غير السوي والقيم
والاخلاق المنحطه وغيره

شكرا على هالمساحه يالبراق مع اني
ماشفت ردودك هني

الاســـطـــوري
أخوكم

وجاان اسكت
صح لساانك

**عفاريتووو** · 20-10-06 ||, 04:54 PM

السلام عليكم

شي موضوع واحد موجود في اكثر المسلات مستغربة منه
اللي هو يطلعون الانسان المتدين يكون معقد !!

مثلا في مسلسل مطلعين ريال متمسك بالدين وجي
و يوم قال حق زوجته تتغشى ,, اخوها عصب اونه كيف تخلينه يتحكم فيج
كيف تقدرين تعيشين ويا واحد جي !!

ولا يوم سافر لدولة فيها حرب عشان يودي مساعدات .. مات هناك
فقالوا حق زوجته ,, افرحيله مات شهيد
ترد عليهم انتو متأكدين انه شهيد !!

شو قصدها من هالكلام
شو هالافكار اللي يبون يوصلونها !!

**الشوق** · 27-10-06 ||, 12:51 PM

نحن .. عايشين في مجتمع فيه الزين والشين
وتبون الصراحه ...
ما انروم نتغاضى عن مسلسلات او احداث اتصير تستوي جدام عيونا
وانغمض عنها وانقول والله في بلادنا ما تستوي ..
الاسطوري معاه حق في كلامه ...
.
.
الفريه .. (( واللي صار فيه ان اليار ساعد في تربية ابنة جاره وكان حسبة بنته ) في النهايه اتعلق بها وحباها .. هذا قريب من اللي نسمعه عن اخ قرب من اخته او اب قرب من بناته .. وكان يشوفهم من نظره ثانيه .. للاسف اتصير .. والله يستر ..
.
.
قيود الزمن
ما تابعته لكن برمس من خلال اللي قريته عن العمه والبنات احينه في هالموضوع
هالشي فيه للاسف في مجتمعاتنا ... ووايد سمعت عنه .. استغربت في البدايه لكن صرنا انشووف الامر عادي عند البعض .. العمه اتغازل .. ومااتشوف هالشي يضر عليها .. فاذا كانت من نفس عمر بنات اخوها .. فاعتقد ما راح اتقول اي شي لانهم تقريبا من العمر نفسه .. لكن اتوقع هالشي راح يختلف اذا كان العمر غير متقارب بينهم .. فما انروم محكم وانقول والله هم يهدفون لشي ثاني
.
.
عفاريتوا اتوقع تتكلم عن مسلسل ( الرحي ) ..
اختي عفاريتو .. الولد قال حق اخته جذي لانه عارف انه اخته مب مقتنعه اب هالشي من الداخل من اساسه .. وهالاشياء نلمسها جدامنا وفي واقعنا .. يعني هي سوت جي علشان خاطر ريلها لكن في الحقيقه وبداخلها هي مب حابه لهالشي . والدليل انهم في بيت متدين .. لكن يوم يكون برع البيت هي تسمع اغاني .. ويوم اتحس انت ريلها قرب اتغير القناة ..
وهي نفسها قالت حق ريلها انزين انا متحجبه .. ليش اتغشى ..
قالها انا ابي جذي ..
يعني الحرمه اذا ما كانت مقتنعه بالشي اللي تبيه .. فهالشي اللي سوته علشان الريل مب علشان دينها .. ليش لانها من الاساس مب مقتنعه فيه ..
.
.
تابعت مسلسل (جنون المال) ..
الشي اللي استغربت منه عن زواج الاخ لطليقة اخوه ... انا سمعت وشفت عن زواج الاخ لارملة اخوه لكن طليقته .. ابصراحه هذي يديده كانت علي .. فماادري اذا غيري شاف هالشي ..
.
.
ماانروم نتغاضى عن اشياء اتصير جدامنا وانيي اتقوول والله هالاشياء اتسوء لمجتمعنا لان للاسف اتصير .. جدامنا .. وكثيرين منا يشهده ...
.
.
ممكن انشوف الامر من جانب واحد لكن الانسان المفروض يدرس الامور من جوانب كثيره ويحلل المسلسل نفسه علشان يعرف هم شو قصدهم من هالموضوع من اساسه ..
.
.
والسموحه
اختكم/ الشوق

**الشوق** · 07-11-06 ||, 01:07 AM

ينقل للفن

**البراق** · 09-11-06 ||, 03:57 PM

السلام عليكم اخواني واخواتي الاعضاء

كنت اتمنا اتابع معاكم النقاش لاكن مريت بظروف بعدتني شوي

المهم حبيت اشكر لكم هل مشاركه وهل نقاش

**الثعلب الرمادي** · 09-11-06 ||, 06:07 PM

هاي السنة للاسف ما تابعت و لا مسلسل لكن السنة الماضية كنت اتابع مسلسل لزينب العسكري اسمه ما اذكره للاسف المسلسل كان فيه واحد اسمه بوراشد و هذا كان عنيف و باقي المسلسل كان دعارة و هذا شي مسلي و النهاية كانت تراجيدية دعارة و ذبح و مشاكل فعلا شي مسلي لكن مسلسل حب و صداقة و جنس و شوية مشاكل على الفلوس فهذا اكره

آخـــر الــمــواضــيــع

الموضوع: مسلسلات رمضان

أدوات الموضوع

عرض