مـا أهـم شي فحيــاتكـ . . ؟!

[أمواج]

.
.
لكــل إنســان على هذه الكره الارضــية أمنيــه وحــلم وهــدف

لــكل هدفه الأهــم يطــمح إلى نيــله وإلى تحقيــقه

يدغدغ أفكــاره و يثبــــت الأمـــل فـــي وصــاله

فيــكمل حيــاته على أســاس أنه سيفــوز بــه
،
،
مــا أهــم شيء فـ حياتكـ . .؟!

المـال ، الصحــه ، الحــب ، الحريــه
الاستــقرار ، الاولاد ، الاهــل ، أو غيــر ذلك . . ؟!

ولمـاذا . .؟!
.

أمــواج
1:55 ص

[مخاوية الامل]

السلام عليكم ورحمـة الله وبركــااتـهـ .. ،

أهمـ شــي ف حيــااتــي .. ،
ربـي .. ،
أحب أسوي أي شي يرضيــه . ،
والله يرضــى عنا يميــع يارب .

عندج أهليه . ،
واايد أحبــهم . .
صدق.. إن الظفر عمره مايطلع من اللحم ..
شو ماستوى .. يبقون هم سندي وعوني ف الحيااة ..
الله يديمنا لبعض يارب ..

أمواج .. ،
تسلمين غناتــي .. ،
ربي يسعدج فحيااتــي .. ،

دمتي بود
.
.
مخاوية الامل

[مــهــابه]

فـعلاً
كـل إنسـان في حيــاته لـه نقطـه يحــب انـه يوصـل لـها
ينظـر لهـا من بعيد ويحـاول يوصـل لهــا..

هـدف فـ الحيــاه ، ربمـا اهداف وليس هـدف واحـد

هـدفي رضـا ربي ، رضـا اامايه وابـويه
هــدفي اني اتخرج من الجـامعه واكـون انسـانه قياديـه بدرجـه اولــى
أكـون مسؤولـه عن نفسـي..
وارد الجميــل لهـلي


امـواج:
سؤااال جميـــل ، واسلـوب أحلــى

[هزاايم]

السلام عليكم ورحمة الله وبركاته

سؤال قد يكون سهل في استفتااءه لكن صعب بأن اعطي حقه في الإجابه
رضى الخالق والرحمن غايتي المهمه ويليها رضى الشفيع نبيينا حبيبنا و يليها رضى الوالدين
بس تدرين رضى الأبو سهل لكن الأم شوي صعبه لوول

أهم حاجه بحياتي
إن مااكدر حد ولاازعل
وبخخااااطريه اغير من شخصيتي مش شخصيتي
طباااعي يعني ودي والله بخاطري اترك الشعر والأغاااني
احب اكتب ومااحب ابووح يوم نسمع ذيج الأغنيه تعالي وشوفي وش غدى بالفؤااد
الشي بيدنا لكن البيئه تأثر
وبخاااطري أفرح والديني بحاجه تسرهم
وبخااطري آخذ التخصص إلي اريده
ووو القيوود الحلوه إلي عندنا ماتكون على ناس وناس يامايطبقوونها أو ان يكون مصيرنا واحد وشعبنا واحد


طولنا
بس صدق
عجبني موضوعج وسلمت يمنااج لاهاانت
واسلووب راائع صغتي بكلماات قليله لكنها بالمعنى كبيره
ربي يوفقج ونشووف أزود
عسااج سالمه

[كـلـكـلـووش]

أهــــم شــــيء بالـــنســبه لــي هــو رضــى الوالـــديـــن عـــنـي .. بعــدين اتي بـــاقي الاشــياء ..

[الدلووووعة]

اهم شي عندي رضى ربي
ورضى امي وابويه عليه

وطبعا اهليه كلهم ماستغنى عنهم ^_^

[بوزايد]

انا احس امواج قصدها يعني امنياتك بالحياه

طبعا كل الناس يتمنو رضا ربهم ووالديهم

اعتقد انها تقصد الشي الي بعده صح

[أمواج]

انا احس امواج قصدها يعني امنياتك بالحياه
طبعا كل الناس يتمنو رضا ربهم ووالديهم
اعتقد انها تقصد الشي الي بعده صح

بو زايد الوحيــد اللي فــهمني

الكــل يطــمع لــ رضــا الله والوالديــن وهذا شي مافيه معارضــه
بس انا اللي اقصــد أمنيــاتك اللي بعد رضا الله والوالدين
شو طمــوحك وشو اللي تبغــي توصــله
شو الاشيــاء اللي تحســـها مهمــه فحــياتك وناوي توصــلها

[تحفه]

إيماني في ألله :)

[ريم العين]

ارفع راس اهلي واييب النسبة الحلوه عسب يفرحون فيني ^_^ طبعا يوم بستوي ثالث ثنوي ويعني من احين نجمع الدرجات

وان شالله بحقق هالامنيه ..

[دموع قلم]

أمنيــاتــي..
بعــد رضـى الله سبحـانه.. ورسـوله صلـى الله عليـه وسلم.. والوالـدين..


أييـب نسبـة عاليـة في هالسنـة "الثـانـوية العـامـة"
أسـاعـد أهلـي وأجمـع شملـهم وأصفـي قلـوبهــم
أكـوّن حيـاة زوجيـة ناجحـة مليئـة بالحــب والتفـاهم
أبنـي جيــل واعـي راقـي يخـدم الأمـة العربيـة الإسـلاميــة
أكـون.. المـرأة المتيمـزة.. الزوجـة المثـاليـة.. والأم الحنـونـة




أمــواج..
نشكــرج على الموضـوع
وننتـظر قـراءة أمنيـاتــج

[لمّــاح]

أمـــواج ..

من متى حاط في بالي ابا ارد على هالموضوع لكن ماقدر، توني يوم فضيت قلت خلني احدر و ارد على موضوعج ال...

بكتبهم على حسب ترتيب الاهمية ..

• الله
• الوالد - الوالدة - يداتي - اخويه الصغــير ..
• باجي اهلي ..
• ربعي ..
• الصحة - السيارة ( النيسان بالذات ) - شغلي ( البنك و التجارة ) - دراستي ( الدراسة العليا الحين و الماجستير بإذن الله ) ..
• الحرية - احب اتفرغ لعمري و ايلس بروحي في بعض الاوقات ..
• الحب يتبعه الاستقرار و من ثم الاولاد و اولاد الاولاد و ما الى ذلك ( الله لايقول، مانباه العرس ) ..

أشيا ثانيه ( معنوية و نفسية )

• أحب اعيش في النهاية السبعينات - بداية الثمانينات ..
• احب بساطة آبائنا - فطرة أجدادنا - و تطور جيلنا ( احس لو اعيش في مجتمع فيه هالثلاثه مع بعض بكون اوكيه ) ..
• أحب لو تكون فيّه هالصفات .. طموح و إندفاع و نشاط الشباب + تأنّي و هدوء الآباء + حكمة الأجداد ..
• أحب الشيخ مكتوم الله يرحمه و بساطته ..
• أحب لندن - و الهايد بارك ..
• أحب البـر ..

انا احب وايد اشيا لكن هالاشيا الي تحضرني الحين

[المزوحي]

إذا السؤال شو اهم شي في حياتي

أكيد القصد إنه لي جواب واحد .. لأنه السؤال شو اهم ...

صح أحب الحرية وفي نفس الوقت أشوف الأهل ووجودهم مهمين في حياتي ...

وإذا تكلنا عن المال في هالزمن أصبح مهم وسلاح ولو هو مب كل شي ..

بس من خلال أزماتي مع الصحة .. فشفت إنه الصحة مهمه في حياتي .. لانه ما أحس بالسعادة

مع انعدام الصحة ( ولكن اليوم كنت افكر ) الله يكفر عن سيئاتنا بها .. فلاتحزن ..

الحمدلله .. كل شي مهم من اللي ذكرتيه ولكن في نظري مع اعتدال ...

[ألم ترى]

بسم الله الرحمن الرحيم ..

هلا امواج ..

بعد الله سبحانه والوالدين 4 امنيات ! ..

الصحه ..

المحبه بين الناس ..

التوفيق ف العمل ..

اتمنى بأن كل اموري تتيسر ..

والحمدلله ع كل حال ..

شكرآ ع الطرح ..

[قصايد غلا]

طبعا أهم شي في حيــاتـي هو : رضا الله ومن ثم رضا أبويــه و أميـــه

أتمنى أحقّق اللي ما حد حقّقه من أهلي ، و أتمنى أسـاعد الكل وفي خااطري أسوي كل في خاطري وفي بالي

طبعا اللي في بالي ما بيستوي إلا يوم بيستوي شي معين وإن شا الله بيستوي عقب العيـــد ==> قولوا يا رب يتحقق اللي أتمنـــــاه

و أتمنى التوفيج من ربّي

ومن عقب هذا كله أتمنى أعيش في حب وسعـــااااااااادة ويا الإنسان اللي يستاهلني
و نكوّن عايلة همها ربها و يدوم الحب المتبادل بيننا ===> شرا عايلتي الحاليــه


شكــــــــــــرا أمواج على الموضوع الغاوي شراتج ...