مرحبا المزوحي ..
انا بالنسبة لي .. اختي اللي مسافرة هي اقرب وحده لي .. ودايما حاشرنها .. ومخسرتني من كثر ما اتصلها ..

اما اللي عندي في البيت فهاي اصغر وحده .. هاي عاد ..من اتشوفني داق سلف .. يت تركض بسير وياك واتكون جي .. فأشلها ويايه اذا ما كنت متواعد ويا ربعي لأنها تغمضني .. ما عندها حد في البيت غيري ..

وعندي اخو .. معرس وعنده عيال وساكن اشوية بعيد عنا .. ما اشوفه وما يتصل إلا في المناسبات .. فقير ما عنده وقت كارفينه الدوام
وساعات اتلاقى وياه بالصدفه في محطة الغسيل ..

اختي الثانيه اللي عندها عيال .. دايما اتزورنا يوم الخميس .. وطبعا عيالها .. دايما ينقزون ويايه وأنا اكثر واحد يحبونه لأني اكشتهم .. وما اخاليبهم مكان .. وعايبنهم موتري ..نفس عيال اختك ..

وان شاء الله في العيد بيسافرون ويايه .. والصيف اللي طاف بعد سافروا ويايه وما ساروا ويا ابوهم .. مادري احس انه ابوهم حاقد عليه عشان هم يحبوني اكثر منه ..

أما الوالده والوالد .. احس اني وايد غالي عندهم.. يمكن لأني الوحيد اللي في البيت وشالنهم ..