احـــساس !

[المزوحي]

مشكورة شمعة أمل على المشاركة في موضوعي ...
تدرين يوم أشوف بنات أختي يتضاربون وكل وحده تقول حق الثانية " زين أنا ما أحبج "
فأختي ترد عليهم بس أنا أحب خواتي وأحب أخواني .. ليش انتوا جيه
اتم اتحسسهم إنه الأخوان والخوات كل شي بالدنيا !

وانا تراني من النوع العصبي لدرجة إنه مرات عيال اختي الثانية يقولون نحن مانحبك

بس أحب اطلعهم واراضيهم ..

ومؤخرا أحاول إني أطلعهم يوم يبون يشترون شي !
تصدقين .. اليوم تميت أبوس إيد الصغارية وهو يتطالعوني باستغراب
عقب قالت وحده منهم أنا أحبك " قد السما " قلت لها أوووه يعني انت وايد تحبيني
وقالت اختها انا بعد انا احبك وايد واحبك سيارتك .. سيارتك حلوة

[شمعة أمل]

المزوحي
لووول يحليهم
انا اختي بعد عصبيه .. وتزيغني .. مرات يوم اعرف انها معصبه اتم بعييييييده عنها ولا اتم في حجرتي وماطلع
صح انها عصبيه
بس وايد حنوونه
ودايما اطلعنااا ... نحن دوم نطلع وياها مب ويا رببيعاتنا
صدق احبها


بس طبعا ماخبرها هالشييي .. مافيييه تتدلع


الشخص الوحيد الى 24\7 اقوله اني احبه واسأله اذا يحبني هو أبويه يحليله .. صدق مرات ألعوزه

[الجنيه]

السلام عليكم ورحمة الله وبركاته ,,,

الصراحه ما اقدر اعيش من غيرما يكونون اهلي وحبايبي حولي ,,,

خواتي ما اعرف اتصرف من غيرهم وما اقدر امشي خطوه بدونهن ... أخواني فديتهم كل واحد له معزه خاصه ومكانه خاصه اكثر اخوي بوزايد فديته يوم يمدحني جدام حرمته عاد انا اوصل العلالي ...

قبل رمضان سافرت ماماتي واخوي واختي احس البيت استوا موحش كنت اتروع ايلس روحي في الصاله كل دقيقه اربع حجرة اخوي واحشره بالغصب اتابع وياه المباراه عشان احس بالأمان ,,

خواتي المعرسات وايد افقدهن واغلب اوقات فراغي مقسمتنها بين بيوتهن ويوم خلاص امل اشل الصغاريه واحوطهم ويخسروني ,,

شعوري ما ينوصف يوم اطلع وياهم كل واحد يزاقر عليه خالوه ابي ما ادري شو والا ضرابتهم في السياره خالو شوفي فلان خالوه ودينا ما ادري وين يعني صدق سوالفهم اترد الروح وتقتل الروتين الممل وهذا غير انه العيد والا اي مناسبه ما يكون لها طعم قبل لا يوصلون ومن ايون احس الربشه كلها اتي وياهم امي اتقول اني انا الي اربشهم بس وناسه ..

الله لا يحرمني منهم ويخلي الي تحبونهم واحبهم ويطول بعمارهم *_*

فديت عبادي تولهت عليه وبعد عندنا نونو ياي في الطريج ان شاءالله


المزوحي ... الصراحه سيارتك كشخه