شخابيط ...؟!

[مايهزك ريح]

مرحبا شمعة أمل ..
حبيت اكون أول من يرد على فضفضتج ..

احب اقولج شي اتعلمته .. لا تقولين احلامج لأي حد ..لأنهم اذا هم من الناس اللي مايقدرون يحققونهن .. فبيحبطونج اكيد ..

الشي الثاني .. كون انج انتي في جامعة مختلطة .. هاي شيء عادي وانا كان في خاطري ادخل اختي الصغيرة الجامعه الأمريكيه اللي عدالنا .. بس ما استوى لأنه سافرنا ومالحقنا انقدملها.. وانا وايد متندم اني ما تريت ودخلتها ..هاي الجامعة لأني ما أباها تضيع حياتها وهي تدرس في التقنيه وتطلع بدبلوم ونحنا كلنا عندنا بكالوريوس..فما اباها اتكون اقل عنا .. الشي اللي ابا اقوله انه دام انج انسانه محترمه .. ما يهمج كلامهم .. لأن المحترم يفرض احترامه على الباقين وبعد فتره من الإحتكاك ابهم بيعرفونج .. وبيحسبولج ألف احساب ..
انا ويايه بنات في الدوام .. ماشا الله عليهم محترمات .. محد يقولهم شي ولا حد يقدر ايعق عليهم كلام ..
فما يهمج منهم ..


الشي الثالث ..لا تمشين ويا ناس اقل منج في المستوى المادي والفكري .. لأنهم إذا كانوا اقل .. بيييبون لج الإحباط .. وإذا كانوا .. اعلى.. بيخبلوبج

واسمحيلي على الرد .. لأني مستعيل .. بس حبيت اوضحلج بعض النقاط.. واعطيج اشويه من الخبره في الحياه .. اللي انا اتعلمتها خلال هالسنين