وقــفـــة حـــق // بحـاجة لتأييدكم //

[العجيبة]

بسم الله الرحمن الرحيم

شو رايكم في العنوان ، سرقة عنوانية عيني عينك .. يالله اتريا حد يشتكي علي في واحات الشكاوي خخ

المهم ، أخونا محب الشيخين ما بيـزعـل > خخ مسويه واسطة حق عمري وعلى كيفي


ندخل في صلب الموضوع ..


كلنا بشـر ، وما فينا واحد معصوم من الخطأ " كل ابن آدم خطاء وخير الخطائين التوابون "

والحمدلله ما في واحد منكم يقـدر ايي ويقول انا في حياااااااتي كلها ما غلطت ولا سويت شي غلط ..

لاااازم لاازم اتكون في لحظات غلطتوا فيها سواء على أنفسكم على ناسكم على جيرانكم أو تعديتوا على حقوق ربكم .. المهم انكم غلطتـوا

يمكن البعض تعاقب على خطأه وتعرض لنتيجة خطأه وكمـل حياته عادي ، ما وقف عند الخطأ وايد
والبعض تعاقب على خطأه بس لين الحين نفسه تزين له تكرار غلطته ..

مب مهم هالكلام ..

المهم إن الغلط يمـر بسلام وترد حياة الغلطان مثل ما كانت ..
مثل ما ربنــا غفــور رحيم ، يغفــر للملحد والسارق والكاذب وغيرهم وغيرهم ..
ليش نحن " خلق الله " المخلوقين من طين ما نغفـر لبعض زلاتنا .. !

خلاص غلطنـا ، يعني نهاية العالم ؟! ما فيه فرصة للتسامح ، ما عندنا فرص للتلاقي مرة ثانية ؟

حتى لو ما فيه المفروض نوجد هالفرص بأنفسنا ،

لكن الحمدلله عندنا رمضااااان فرصة كبيرة لتجديد العهود وتصفية النفوس
نغفر فيها زلات بعض ، وننسى الماضي بما فيه ، نفتح صفحات جديدة ..


من هالكلام كله ، أبا أوصل لكم

بأننــا كنـا مع أخــوة بينـا ، جمعتنا الواحات وياهم .. تكلمنا معاهم .. تبادلنا الاراء وياهم
غلطة منهم فرقتهم عنــا وصاروا بقرار إداري " أعضاء موقوفين "

الأعضاء الموقوفين .. أنا ما أعرفهم ولا قدرت أحصرهم ..
ولا أعرف أسباب توقيفهم ولا يهمني أعرف ..

بس بغيت ألفت النظر اليهم ، اذا ما كانوا كلهم فبعضهم يستاهلون ان نتكلم عليهم في مثل هالموضوع

كمثاااال فقــط

الأخ أحلى منصوري ..

ما ابا امدحه أو أذكر شو سوى وشو ما سوى .. الأغلبية اذا مب الكل لهم مواقف معاه ، يتذكرونه في أكثر من موقف ..

بغض النظر عن القضية اللي سببت توقيفه .. أعتقـد وبرأي شخصي إن المدة طالت ..
مب عقاب عاد هذا ،
ليش ما نوقف وقفة حق وياه ونعيــد عضويته ، يرد عضو مثل أول .. حاله من أحوالنا ؟


هل من الممكن إن نفكــر في اعادة عضوية شخص تعرض للايقاف ؟! تأيدون هالشي ؟
قولولنا ليش في كلا الاجابتين ..

أنا طرحت الموضوع في هالواحة عشان نشوف آراء الاعضاء في هالموضوع ..
أتمنى من الادارة ما تشوفه بنظرة سلبية ، لأن يوم بنقـرر اذا نبا نرد الموقوفين أو لا ساعتها
بنتقدم بطلب رسمي للادارة شارحين فيها الاسباب والنتايج ..


تقـدرون تقولون أسماء أعضاء موقوفين وتبونهم يردون ، مع شرح أسبابكم طبعــاااا


اسمحولي على خربطة الافكـار .. المهم ان الزبدة وصلت

ونتمنى نشوف آرائكم وبالتحديد تأييدكم

أختكم .. العجيبــــــة
6 0 0 2

[دمعة شوق]

لـي رجـعـه بـعد مااخـذليـه قيـلـولـه
وأأيـدج على كـل كلمـة قلتيـها
وماعليـج زود

[صدى جوفي]

الـسـلام عليكم ،،

أسجـل تــأييدي .. وأرشح بو كشـة بعد

تسلمين عـالوقفـة ..العجيبـة

ولي عـودة اذا الله راد

[تنينه]

الســلام عـليكم والرحــمه ,,



وقفه رااائـعه جداً وبـادره جميله منـج عجيبتنا ,,


شرات ما قلتي الغاليــه

مثل ما ربنــا غفــور رحيم ، يغفــر للملحد والسارق والكاذب وغيرهم وغيرهم ..
ليش نحن " خلق الله " المخلوقين من طين ما نغفـر لبعض زلاتنا .. !

خلاص غلطنـا ، يعني نهاية العالم ؟! ما فيه فرصة للتسامح ، ما عندنا فرص للتلاقي مرة ثانية ؟

كـل إنـسان يـخطي مـحد معصووم من الخـطأ سووااء كـان الخـطأ عـن قصد ولا بـدون , في النهايـه هـاي هـي النفس البشريـه ,, أخـطأو وعاقبناهـم ولـكن إلـى مـتى؟! ,,



ألم تحن قلوبكم لهم ألم تشتاقوا لعبقهم الجميل في الواحـه ,,


ودام إنـه نحن في شـهر الخير والبركـه ,, لـيش ما نـبدأ بصفحـه جديده ونـصفي قلوبنا ونـفوسنا ونـسـامـح ,,

تـرى في النـهايـه نحن بـنكون المستفيدين من نـاحية ان صفينا قلوبنا وسامحنا و اسـتردينا عـضو مبـدع ومميز وكـان لـه بصمه في الـواحـه ,,


,,,,,

كـثيره هـي إنـجازاتـهم في الواحـه وجميله وإن لـم تـكن كـذلـك لما تواجدت أحـرفنا هـنا لـهم ,,

الكثير اسـتفاد من نـصائحهم وكتـاباتـهم وكـانت لـهم بصمه كبيره وواضـحه في المنتدى ,, لربما لـم أشـهد تواجدهم ولـكن كتاباتـهم وردودهم هـي آثار إبداعـهم ,,

هل من الممكن إن نفكــر في اعادة عضوية شخص تعرض للايقاف ؟! تأيدون هالشي ؟
قولولنا ليش في كلا الاجابتين ..

طـبعاً أؤيدج وبقوه بـعد ,,

تقـدرون تقولون أسماء أعضاء موقوفين وتبونهم يردون ، مع شرح أسبابكم طبعــاااا

انا الصرااحـه مـنذ دخولي في الـواحـه لفت انتباهي أسمـان موقوفان من الأعـضاء المميزيـن ,,


أحــلى مــنصوري & الزعــيم ولـــكن

بالرغـم من غـيابـهم وعـدم تـواجدهم فقط بمجرد قرائتي لمواضيـعهم وردودهـم أستفدت كـثيراً واستمتعت حـقاً فــ كيف لو كـانوا متواجدين مـعنا وما زال قلمهم ينبض في الحياه إلـى الآن ,, حـقاً سيثـرونه بـكل مفيد ومبــدع ,,

شـخصان تواجدوا وأثبتوا وجودهـم بقوه من خلال قلمهم الرائـع ,,

احترام وتواضـع وإبداع هـذا ما استشفيتـه من كتاباتـهم وإن أخـطوا كلنـا نـخطأ والمسامـح كريم ,,


عزيزتي العجيبه كل الشكر لج على البادره الجميله وأتمنى أن تـصل لهم كلمتنا فـ نحن هـنا في منتدى ديمقراطي والشعب تـكون لـه كـلمه أكـيد ,, وكما قال الله سبحانـه في كـتابـه " وأمـرهم شورى بـينهم " ,, نحن هـنا في الواحات نمثل مجتمع صـغير فليـسدو في مجتمعنا روح المحبه والتـسامح

فبالشورى نستطيع الوصـول لأعلى وأرقـى المـراتـب



ووالسموحه

[الدلووووعة]

اختيه العجيب وياج حق فاللي قلتيه
وانا احس الاعضاء اللي وقوفوهم كانو مسوين جو للواحات

شرات الزعيم وبوكشة واحلى منصوري

ومواضيعم حلوه وهادفة

( طبعا انا مايخصني عن سبب التوقيف )

[شمعة أمل]

أأيدج ومعاج في كل شي قلتيه ^_^

[فركوشه]

انا وياج بكل كلمه..

وارشح.. احلى منصوري.. الزعيم .. وبوكشه..

[قرموشة]

أضم صوتـي مـعاكـم !
أطـالب بعـوده أحـلى منـصوري .. الزعيــم .. بوكـشــه

سـلااام !

[ألم ترى]

بسم الله الرحمن الرحيم ..

بالفعل وقفه طيبه منج ياختي العجيبة ..

وانا بدوري بوصل كلامكم لـ المشرف العام وبعون الله يعطيهم فرصه ثانيه ..

بحفظ الله ..

[أمواج]

.
.
كل الكــلام اللي قلتيــه يالعجيبــه صح
اذا الله يغفــر ذنوب النــاس ، ليش نحن مانغفر لـ أغلاط غيرنا . . ؟!
،
انا لحـقت على أيــام أحــلى منصوري وبوكــشه
أما الزعيم ماصار لي نصيــب اعرف عنه ولا تعاملت وياه من قبــل
،
الكل يعرف إنه صار سوء فهــم بين أحــلى منصوري وبن دبي
وإنتهى الموضوع بطـلب من أحـلى منصوري بإيقاف عضــويه
وتنفــذ طــلبه
،
طيــب لين مـــتى بيتــم هالانســان المتميــز موقــوف . .؟!
كــلنا نغــلط ولازم نســامح و نتغــاظى عن أغلاط الغيــر عشان نستــمر ،
لو كل واحد وقف على الوحده ويشوف شو يسوي الثاني ويسوي مشـكله
مابنعيــش صح
،
قبــل مانفــكر فالعضويات الموقووفه وكيف نرجعــها
لازم نفــكر فالنفــوس لازم تتصــافى وتتصــالح
وتهدأ بعد والاهــم إنها تنســى اللي صــار
،
يعني فــ لنفـرض إنه رجعت عضـويه أحــلى منصوري أو الزعيم أو بو كشــه
شو الفــايده اذا النفــوس زعلانه . .؟!
هاي الساعه العضــويات مالها داعي ولا لها لــزمه من الاســاس
، دام أهــلها حاطين فخواطرهم
و كل واحد حاز فخـاطره اللي صــار
،
لازم نراضيــهم بالاول وعقــب نفكــر اذا ترجع العضــويات ولا لا
الواحد مايعــلم اليوم يعيش باجر مايندرا شو يصير له حي ولا ميـت
،

اللي أبغي تفهــمونه إنه العضــويات من مهمــه ،
الاهم أصحــاب العضــويات راضين على بعض ولا لا

،
بصــراحه اللي بيصــلح امبينهم
بيســوي خير
.
.

[مايهزك ريح]

أحــلى منصوري و الزعيم و بو كشــه .. اتمنى انهم يرجعون العضوية مالتهم .. ابصراحة افتقدناهم

[عايش وهم]

السلام عليكم


أولاً أحب أن أشكر صاحبة الموضوع الأخت الكريمة العجيبة على سعيها في خير هذه المسألة .

ليس لدي تعقيب أكثر من التالي :

للأعضاء حق و للمنتدى حق و لمن اخطئ بحقهم حق

فأقول بإختصار .. إذا كانت هناك وقفة حق .. فأين كانت وقفة الحق عن أوانها ؟


رمضان كريم
فقد كنا كرماء بتساهلنا و تسامحنا
و كانوا كرماء جداً بسخطهم


لهم أن يعودوا و لكن باشتراكات جديدة فنحن لسنا ضد أصحاب العضويات الموقوفة إنما ضد تصرفات تلك العضويات بعيداً عن أشخاصها .

يهدينا الله جميعاً

و عليه نعتذر منكم جداً

[العجيبة]

دمعة شوق
صدى جوفي
الدلوووعة
تنينــه
شمعة أمـل
فركووشة
قرمووشة
محب الشيخين
أمـواج
ما يهـزك ريـح

شكـرا على التأييــد


الأخ عايش وهم

شكرا على تواجدك وردك ، شرفتنـا ونـورتنـاا ..
مع انه الموضوع كان مطروح لأخذ اراء الاعضاء لا أكثـر ، الا ان ردك نعتبره تقصيـر دروب علينا

وباختصاار هذا ردي على ردك ..

إذا كانت هناك وقفة حق .. فأين كانت وقفة الحق عن أوانها ؟

بما اني صاحبة هالوقفـة فأقول إني كنت أؤمن بإن كل غلطان لازم ياخذ جزاه ..
فأعتقــد المدة اللي خذوها الاخوان الموقوفين طالت ، وكان رمضان فرصة نطالب بعودتهم ..

عمومــا
ردك لفت انتباهي على نقطة كنت أجهلها قبل ما أنزل الموضوع
أنا أعتذر لاني نزلت موضوع مثل هذا ، لأني ما كنت أتصور إنكم تتعامـلون ويا العضويات بدون أشخاصها

هو نحـن ما كنـا نطالب بارجاع عضويات الموقوفين ، كنـا نطالب بارجاع أصحاب العضويات ..
لان العضوية موقوفة أو مستمرة بدون شخصها ما تسـوى شي ..

شكـرا لك ويزاك الله خيـر

انســوا الموضوع ويا ريت لو ينغلق بدون ما ينحذف


العجيبة