مكالمات لم يرد عليها = 1

[أسير الحب]

هلا اخوي / ختي ماوحشتك وأشكرك على المرور ...

++++++++

وعليكم السلام والرحمه .. مرحبا بإختي أمواج
بيني وبينج نتمنى هالشي يكون مال اول والإتجاهات تغيرت والعقول إنضجت !!!
بس للأسف الوضع يزداد من سيء لأسوأ .. والدليل على هالشي لو تشوفين مواقف الأعضاء
ولو تلآحظين بالسناتر والأسواق !!

الله يعين

[أمواج]

بيني وبينج نتمنى هالشي يكون مال اول والإتجاهات تغيرت والعقول إنضجت !!!
بس للأسف الوضع يزداد من سيء لأسوأ ..

لــيش نتــمنى . .؟!
الحمـدلله قــاموا يغيـرون تفــكيرهم الشــباب
قبـــل الواحد مايــفكر مجرد التفــكير إنه يكــمل دراســته
مجرد مايخــلص الثانويه على طول الشـرطه ولا الجيــش
بس الحيــن لا تغيــروا
الواحد الحين قام يطــوّر من تفكــيره همــه إنه يكـمل دراســته ويكـون عنــده طــموح
.

[مــهــابه]

مـا ادري ليش صـرت احس انـها فعـلاً حركـات جديمـــه..
الحيـن النـاس كبرتـ وعقلـت..
صحيـح في مثل هذي السـوالف لكـن ماا اعـتقد شراتـ قبل
الحـال صــار احسن بوايـد..
وهالأيــام انجلبـت الأيه

الولـد يتعدل ويتكشخ كأنه بيسير عرس والبـنت تتحرش ..

قـواه عين والله فيـهم

[تحفه]

لا يا بوكم راحت موضة المغازل .. الحين طلعو قوم غنتوت والمستريلات ولا الاهل مستانسين على عيالهم "ماشين سيدا" و الاوادم تعرس وكما تدين تدان ..

تصبحون على خير

اشكر صاحب الموضوع ..

[سفير الخيال]

هلا وغلا بالغااالي أسير الحب , لك وحشه يا خويه ولا نسيت سفير الخيال


موضوع راقي عزيزي لكن الحمدلله أحس هذي الأيام سوالف المغازل خفت وخصوصا املاحق البنات بعد ما صدر القرار بخصوص المغازلجيه

تسلم عزيزي ونحن دائما بانتظار تواجدك معانا

لا يا بوكم راحت موضة المغازل .. الحين طلعو قوم غنتوت والمستريلات

[ممنوع الزعل]

كشخه بس أسير شكله عندك دكتوراه في هاي الشغله خخخخ

[ريم العين]

شكلك مجرب هههههههههه

اعترف ياخي واتراح

نقعت من الظحك لين قلت بس ويوم قلت بس بعدني اضحك هههههه

احين الاعضاء بيسووون نفس الشي

اختربو اعضاء الواحات على يد اسير الحب

[مجموعة إنسان]

اونه ماشي مغااازل !!؟؟
اتحدى واحد يدخل امارات مول بعد الفطور وعينه ما اطيح على وحده ..
غصب عنك والله مو بكيفك
تقولون بعد الفطور يخلص رمضان !!
انا الحين من بداية الدوام وانا ماطلعت من الحارة .. من البيت للمقهى والمقهى للبيت .. بس ذاك اليوم سرت ابدل (عزكم الله ) جوتي لأبوي عند نايك .. ماقدرت اقعد اكثر من 5 دقايق من اللي فيه ..
والمغازل الحين اكثر من اول
لأن الحين في كل وقت وفي كل مكان..
الله يستر علينا
..
وتسلم حبوب على الموضوع

[أمواج]

اتحدى واحد يدخل امارات مول بعد الفطور وعينه ما اطيح على وحده ..

هالشــي يعتــمد عالشــخص نفســه
يستــحي ولا لا
. . .
.
وبعــدين مب شــرط واحد أطيــح عينه على وحده معنــاته إنه هو قاصد يشــوفها
ولا قصــده يغــازل
مب زيــن الظــن
.

[مجموعة إنسان]

والله الحين المنكر جدام عينكم
لو بتلصق عينك بالأرض بعد بتشوف منكر..

[أمواج]

والله الحين المنكر جدام عينكم
لو بتلصق عينك بالأرض بعد بتشوف منكر..

إخــوي هواجيــس
لاتجــمع

[مجموعة إنسان]

بلله عليج الحين منو يقدر يدخل مول بروحه ؟!
انتي تقدرين تدخلين مول بروحج ؟؟
والله انا ما اقدر ..
وانا ما جمعت على كل البنات .. بس في بنات محترمات على عيني وعلى راسي
بس في بنات الله يهديهم

[أمواج]

انتي تقدرين تدخلين مول بروحج ؟؟

حــشـّى علي ماقدر ياخوي
بس اللي أقصـده إني فالمجتــمع في الصـالح والطــالح
وإنتوا بهالموضـوع عممتــوا إنه الريــاييل دوم يغـازلون
يعني حتــى ماقــلتوا إنه فــئه منهــم كبــرت عقــلها وترفعــت عن هالحركــات الدنيــئه

[مجموعة إنسان]

انا ما بمدح عمري ..
بس انا الحين اخاف ادخل مول من اللي نشوفه داخل ..
انا لولا ابوي قبل اسبوعين كان مادخلت المول ..
وكنت بكمل اكثر من 4 شهور مب داخل مول
استغفر الله
توني اعرف ان بنات مع اهلهم ما يتحجبون !!
كيف جذي ؟!

[أمواج]

..

توني اعرف ان بنات مع اهلهم ما يتحجبون !!

كيف جذي ؟!

[/quote]عــادي هواجيــس
انا أعــرف وحده سايره الاردن من دون شيــله وويا اهــلها
على قولتهم الحيــاة كول