أبــغي موبايل محتار شو آخذ !

[المزوحي]

حد بيقول نوكيا وحد بيقول سوني اريكسون

شو آخذ ؟؟؟

نوكيا N73 وإلا سوني اريكسون K800i

[ماوحشتك]

نوكيا صج خرا مستوي ؟؟

وخاصه فالاوانه الاخيره المبايلات الاخيره تقريبا
نصهن او كلهن ساعات ما يرنن ؟؟

وايدين يعانون من هالشي

وانا منهم

واحين بيك شرجاوي بيقول سوني احسن

[عايش وهم]

السلام عليكم

مساك الله بالخير يالمزوحي ..

تبا الصدق أنا ياي أنصح و إنته شوف اللي يصلحلك أكثر لأني استخدمت الثنينه و اثنيناتهم لين الحين عندي ..

أنا مثل غيري اتعودت عالنوكيا ..

بس يوم ييت أغير التيلفون .. قلت خلني أغير ..

خذت k800 و تبا الصدق في اشياء عيبتني في التيلفون ..
- سرعته
- مزايا التصوير
- أبدا ما يشكل
- و الهيكل ماله وايد قوي و يتحمل الصدمات
- سماعته وايد قويه .. للرنات

بس وايد لعوزني في المسجات .
- إذا حد مطرشلك مسج من ثلاث فقرات .. للأسف يذلك لين يكمل المسج و انته يوم بتطرش ينذل الطرف الثاني لين يستقبل المسج كامل .
- مسجات الملتيميديا .. مرات توصل كامله و مرات يوصل صوت بدون صوره و مرات صوره بدون صوت .. و يتم كمن يوم لين ينزل المسج كامل .
- و إن بغيت تسوي أبديت لازم تدخل موقع السوني و تتريا المسج مالهم و الأبديت ماله دوري يعني أكثر من مره .
- إذا كنت متعود عالنوكيا و تكتب الرسايل و انته مغمض .. الأركسون بيلعوزك لأنهم مغيرين أمكان بعض الحروف ففي أول شهر بتتخربط و بتطفر .
- مزايا التصوير صح حلوه و دقيقه و الفلاش ماشي أقوى عنه .. مب معقده و محتاج فعلا إنك تبطل الكاتالوج و تيلس تتعلم .

--------

مرت الأيام بديت أطفر و سرت آخذ n73

إكتشف إن الشركتين يتنافسون عن طريق هذا التيلفون اللي بصراحه أشوف إنه أفضل تيلفون نزلته النوكيا لأنه فيه كل المواصفات .. لأول مره شركة النوكيا تتجاهل ميزه معينه (هذا التيلفون فيه كل شي) و مزاياه متعادله تقريبا ويا الأريكسون و يمكن أحسن .

- الصوت أقوى من الأريكسون
- الزوم ماله أبعد من الأريكسون (بعد ما سوينا مقارنه فعليه)
- مزايا التصوير حلوه مثل الأريكسون لكنه أسهل بوايد .
- الهيكل مب قوي بس أخف عن الأريكسون .


----------


يوم سوينا المقارنه .

اكتشفنا إن زوم النوكيا اقوى عن زوم الأريكسون
اكتشفنا إن الأريكسون صوره في الكمبيوتر تطلع أدق و أوضح من النوكيا
شاشة النوكيا وايد راقيه و واضحه لحجمها الكبير و دقتها .
مزايا الإستخدام
في النوكيا .. عندك 12 اختصار يوديك على طول لأي مكان تبغي توصله في الجهاز بسرعه .. اضغط ع زر واحد و بتشوف عمرك وين تبغي .
في الأريكسون .. عندك 8 اختصارات بس .


--------

اذا تبغي ترتاح من التيلفون .. خذ النوكيا
إذا تبغي تكون محترف .. خذ الأريكسون

إثنيناتهم عندي و دايما بطاقتي في النوكيا لأنه عملي و فنان أكثر من الأريكسون .


و بعدين حبيت أذكرك .. البرامج و الثيمات متوفره للنوكيا أكثر من الأريكسون لأنه اشهر و مفضل .




سامحنا عاد على التلخبيط .. مادري ساعدتك ولا خاديتبك زياده .. بس حبيت اعطيك راي لأني استخدمتهم و عرفت مشاكلهم .


اخوك عايش

[نجمة دبي]

حسب الواحد على اي نوع متعود
اذا انته متعود عالنوكيا .. فيمكن تتلعوز بالاريكسون .. والعكس

بالنسبه لي .. اشوف النوكيا احسن :)



نجــــ دبي ـــــمة

[الاسطوري]

مابذم السوني اريكسون بس الـ N73 الكل يمدحه ومواصفاته حلوه
بس ناقصنه الواير لس وترا زاد عليه الطلب حتى
سعـره ارتفـع في الفترة الاخيره
وشوف راي البقيه

[أمواج]

.
.
انا كنت استــخدم الــنوكيـا
وكنت اقوول noway مستحيل اغير الفون مالي اقصد ابدل من
نوكيــا لتلفوون ثاني .
ومن عقب ماشتريت السوني اريكســون ، طلع النوكيــا ولا شي
مافي مميــزات كثر مميزات السوني
.
وماشالله بيتنــا كله عندهم سوني

[شمعة أمل]

خذ الk800i صدق عجييب ^_^

[المزوحي]

مشكورين ياجماعة على رايكم والحين انتوا فنانين ... يعني الواحد يحصل ناس شراتكم .. صدق غير !

[بحر الموده]

السونى عجيب

[ماوحشتك]

خلاص يــا ريال اتوكـــل ..
شو تبا بعد اكثر من هالمــديح للسوني

[الدمعة الحزينه]

الصراحه اشوف ان الاثنين اوكي
بس السوني في سوالف اكثر من النوكيا ..
رايي يا اخوويه انك تاخ< الاثنين واول تيلفون اتمل منه بيعه وكان الله غفور رحيم هههه
والسمووحه

[المزوحي]

لالا عاد مب لهالدرجة آخذ 2 ليش غرشة سفن آب

[ايه احبك]

انا بعد اقول السوني معنا الصفات الي قالها عايش وهم عن النوكيا وايد حلوه
بس انا عندي السوني افضل لانه اذا تميت عليه فتره طويله محد بيقولك اوه ها جديم او ما دري شوه بس النوكيا يتغير بعد شهر من ينزلونه

مادري بس انا احس اريكسون اوكي بس سالفة المسجات المخربه عليه

[قلم احمر]

مرحبــــــــــا المزوحي الصراحه انا عندي N73 وايد معلوزني يعلق دايمن مافيه ارسال يوم ايني مسج ما يدخل عليه على طول لازم ادش القائمة ..وايد ناس يمدحون الاريكسون وانا عن نفسي بغير النوكيا لان نفس الاعطال في كل الموبايلات الا N72 وايد الصراحه اوكي ولين اللحين شغال عندي ..الاريكسووون افضل ب وايد عن النوكيــــــــــا
اقولك شوو رايك تاخذ خذ الفيرتو الي ب 20000 وايد حلو واستخدامه روعه ومايتأثر بالطيحاات والتفليع
والسموووووووحه

قلم احمـــ ــــ ــــ ـــر

[المزوحي]

قلم احمر قبل ما اشوف الرد 80% فكرت بــــ N73
لكن الحين احترت واحترت
انا الصراحة ماحب موبايل ادخل في القوايم مالته وااايد