ممكـــن مســـادع بليـــز ..؟!!

[صمت الدموع]

السلام عليكم ورحمة الله وبركاته

شحالكـــم ؟ عساكم مرتاحيـــن

اخواني واخواتي .. بغيتكم تساعدوني

عندي في الكلية بروجكت .. عن السرقه

ممكن تعطوني افكار شو اسوي .. وتساعدوني بليز ^_^

وادريبكم ماتقصرون ..

والسمــوحه

[شمعة أمل]

كتبي
كيف ناس يستغلون اليهال ويخلونهم يصرقووون

[صمت الدموع]

مب جيه اختيه

عن السرقه اللي تصير في الكيات والجامعااات

يعني ابي اي فككرة نعالج هالظاهره

واسبابها ومادري ..

ابغي افكااااااااار :(

[شمعة أمل]

اووووه

محد بيصرق عن الثاني لو الشخص مايغار من الثاني
مثلا
في مدرستنا كنا كلنا عندنا نفس الاشيا وجي .. عادي تحصلين وحده حاطه مقلمتها وترد عقب ساعتين وتحصل مقلمتها في مكانها محد يصرقها

ف لو مثلا
يحطون قوانين يقدر يخلي كل الطلاب *سواسيه* ماتوقع في حد بيصرق شي ..لانه كلحد عنده نفس الاشيا

همممممممممممم

ولا
يخصصون لوكرات للأشخاص وين يرمون يحطون الاغراض الى مايبونها فييه .. بدال مايحطون الاشيا عالطاولات .. مثلا في البريكات يوم يحطون كتبهم عالطاوله يحجزون الطاوله .. في هالفتره اي حد يقدر يصرق كتبهم .. لكن لو عندهم لوكر احسن .. يفرون كتبهم يوم مايبونهم

[راعي الزعـامه]

سرقة افكار والا اغراض والا شو ؟

[صمت الدموع]

سرقه اغراض ..

[راعي الزعـامه]

توفير لوكرات لوضع الاشياء الخاصه بالطالب من كتب و ملفات واقلام داخله ،،
وضع كيمرات مراقبه في الممرات بين الكلاسات ،،
تنبيه الطلاب بخطورة الأمر ،، ووضع عقوبات شديده ،،

بس :)

[بنت الدلع]

احس ان احسن حل يحطوون كاميرات
يمكن فكره غبيه شوي بس اوكي

اليوم كنت افكر فيها ..

اختي شمعة امل حتى لو خلو الاشيا نفس الشي
في بعض البنات مايهمهم ويسرقون
يعني مثلا عن اللابتوب
الكل عنده نفس الشي
بس فوق هذا يسرقون
شو بتقولين لعيال الحرام !!

[شمعة أمل]

من صدقهم يصرقون الاب توبات حتى؟؟ O_o
حشاا ناس مب شايفين خيير

اكتشفت الاسبوع الى طاف انه جامعتنا فيها كيمرات D= بس مووول مايبينووون .. انا بس عرفت هالشي يوم شفت الشاشات في الاييتيي سبوورت

ف مثل ما قالو

لو يحطوين كيمرات احسن شي بس يخلونها مخفيــه ماتبين ف الطلاب مايعرفون وين الكيمرات

[فركوشه]

تعالي تقنية الشارجه كل سنه صرقه.. وموسمهم بداية السنه..

مره صرقوا وحده فكلاسنا.. عيني عينك وحده اتحوس وتلوس فمبنانا..

وبعد الصرقه مولييه ما شفناها..

وحده صرقت بوك وحده فالمصلى.. صدق ما تستحي..

ومره طاحوا ع وحده صرقت من الستاف 1500.. وعلى طوووول طرد..

وشي كيمرات بس فغرف المدرسين..

[صمت الدموع]

السلام عليكم ..

تسلمون اخواني واخواتي ع الاقتراحات

واللي عنده زياده ما يبخــل :)

والسمــوحه