اممممممم ما أعرف بشو ولا من وين أبتدي بس المهم إني أظهر اللي في خاطري بسبة اللي شفته
أمســات كنا في بيت عمّوه ، جان تقول بنت عموه حق أميه : "أبا أسير أرتب أظافري"
قالت لها أميه : "أنا أبا أسير الصيدلية وبمر الجمعية وبودّيج إذا تبين"
قالت بنت عموه : أوكيــه
المهم سرنــا الصالون ، نزلنا ودخلت بنت عموه داخل شويه (بيننا وبينها يدار و قوس مفتوح بيننا بس ما نشوفها) ويلسنا أنا واميه حذال بعض وتمينا نقرا مجلاّت ونسولف
خلاف دشّن بنتين تقريبا عمارهن في الــ20 ، ما اهتمينا أنا واميه وتمينا مندمجات في المجلات
بس الله لا يراويــكم الميك أب ولا اللبس عافانا الله اللهم لا شماته ، لبسناهن وردينا نسولف
شويه وجان تقول العوده للصغيره : أقول لج إنتي حطي الـpink وخل اتسوي لج إياه french
وأنا أبا بنفسجي على لون الميك أب ====> غنــــاااااااكم الله عن الظفور ، تقولون ظفور شياطيــن من طولهن
وأنا أطالع أميه ومستغربــــه من طريقة اللبس والأسلوب والميك أب ===> والله العظيم لو عندنا عرس ما بحط هالميك أب وفوق هذا نحن في شهر الطاعه والعباده
ولابسات خواتم قد القفعه ولا العقد ليـــــــــــن جبودهن ههههههههههه الله لا يبلينا
جان أصاصر أميه : " هاييلا شو قصتهن ؟؟ مستحدثات نعمه ولا شو من الخلق ؟؟؟
قالت لي : صخي ولا تطالعينهن وقولي عافانا الله ، هاييلا من اللوث اللي ما وراهن والي
جان تسألهن الفلبينيه إذا هن معرسات ولا لا ؟ ، جان يقولن : هيــــــه
جان يغدي ويهي جذه==>
شويه ورن تيلفون الصغيره ، جان تسألها العودة : منو ها ؟ ، قالت الصغيره : منو بعد ؟ هذا حمّود
قلت أنا : حليلها أظني أخوها متصل بها ولا ريلها
المهم تمت تسولف ، وجان تقول له : أنا مشغوله كلم أختيــه
تمت العوده ترمس وياه وجان تقول له : شوف حمود هي تحبك والله العظيم ، لكن إنته ليش تشك فيها
وهي يوم تغلق تيلفونها ولا ما ترد عليك يعني أكيييييد ريلها يكون عندها
حمود نصيحتي لكم إنكم تكونون بس فريند عشان تتفاهمون وعقب يستوي خير إذا تبون تكونون حبايب ولا لا
وأنـــــــــــــا ضاربنّي العجب من البلاوي اللي جدامي
وسكرت العوده عن حمود وقالت : أقووول "فلانه (أختها)" : تراني واااااااااايد زايغه ، أخاف ريلي ايي البيت أحينه واخاف يعرف إنه ظهرنا
جان تقول الصغيره : أنا مرتاااحه لأنه ريلي مسافر
جان تقول العوده : أويـــــــــــه نسينا خواتمنا يوم كنا نفطر في (مادري وين)
جان تتصل بالمكان اللي فطروا فيه ، قالت للريال : الشيخه فلانه وياك ، على فكره ترانا أنا واختي نسينا خواتمنا يوم فطرنا عندكم
شوفهم واذا لقيتهم رد عليه وإن ما لقيتهم عاااااااااادي عندنا عشريـــــــن خاتم بدالهم
ولو ضاعن بنطلب غيرهم من برع
مت أنا من الضحك ، جان تقول لي أميه بصوت مسموع(وتنغزهن) : توبـــــــــي ترى جهنم تقول هل من مزيــــــــــــــــــد ، أسميـــــــــها النار بتشويج ، وينج عن ربّج تراه هب غافل عنج بس يمهل ولا يهمل
اللي يهمني من هالموضوع إنه أبا أعرف رايكم في هالبنات ؟؟
وهل شي عينــه أشد وأطغى من هالبنات ؟؟
ويـــــــــن الرقابه وويـــــــــن الأم والأخوان والأهل ؟؟
والسموحه جان طوّلت عليــــــكم واتفلسفت تراني ما أعرف أكتب مواضيــــع ، ولا بقدر أوصل لمستوى كتابتكم يا أعضاء بن دبي
رد مع اقتباس
المشاركة الأصلية كتبت بواسطة وحي القلم
...
...
...
مواقع النشر (المفضلة)