ممكن استفسار.. طباعة

**اخت اختي** · 06-10-06 ||, 04:10 AM

السلام عليكم ورحمة الله وبركاته،

عندي استفسار.. أنا أبا أشتغل طباعة في البيت.. يعني أبا أتعامل مع شركة أو مكتبة وأطبعلهم وأطرش لهم إياه عن طريق الإيميل.. حد عنده أي فكرة.. أو يقدر يساعدني..؟

شكراً

**المقاتل** · 09-10-06 ||, 08:41 PM

:) ينقل إلى واحة الكمبيوتر والأنترنت كونها الأنسب .

..

وإن شاء الله تلقين الجواب ويساعدونج الأعضاء ..

عذرا

.. المقاتل ..

**شمعة أمل** · 09-10-06 ||, 11:36 PM

كيف يعني طباعه؟

**اخت اختي** · 10-10-06 ||, 01:03 AM

typing عادي.. مثل ساعات في المكتبات يطبعون بحوث.. بالعربي أو بالإنجليزي.. نفس الشيء..

شكراً عالإهتمام

**ابن الخطاب** · 13-10-06 ||, 05:59 AM

بسم الله الرحمن الرحيم

على حسب فهمي ، تبين تفتحين محل للطباعة ... لكن بدال خساير المحل تبين تشتغلين وأنتي في البيت ...؟

صح ...؟

إذا كان فهمي صحيح ... في طريقة ...

وهي إنك تفتحين رخصة يسمونها ( رخصة إنطلاق ) ... وهذا طبعا متوقف على الإمارة اللي ساكنه فيها ... فإذا كنتي من سكان دبي توجهي إلى الدائرة الإقتصادية واسئليهم عنها وعن الأوراق المطلوبة.

وهذي رخصة للمواطنين والمواطنات من أهل دبي ... وتكون رخصة مشابهة تماما للرخصة التجارية العادية ... اللهم إنك تعملين في البيت ، وما تقدرين تسجلين أي عامل باسم الرخصة .

وسعرها 1200 درهم أو 1100 درهم .

وبعد ما تحصلين عليها ... تسوين لك إعلان سواء كان بتوزيع بطاقة الأعمال ... أو بروشورات ... وتكون أسعارك منافسة لأسعار الهنود ...

أي استفسار ثاني ...؟