New York من الجو ..

[مايهزك ريح]

كنت متفيج ..ومتملل في نفس الوقت ..وأنا في الطيارة .. فصورت نيويورك من الجو ..

لين ما وصلنا ..









































حلت الطيارة ...ووصلنا بعد 14 ساعة طيران ..











اتشوفون ناطحة السحاب اللي على اليسار .. هاي الـ Empire state






أول ما شفت العلامة اللي تقول مانهاتن .. ذكرت الأغنية اللي تقول
I feel good …










اتريوا الجزء الثاني من نيويورك ..

[شمعة أمل]

نيوويورك
سرت تقريبا كل ولايه في امريكا الا نيويورك ولوس انجلس وهالولايتييين الى ابا اسيرلهم

سرت الامباير ستييت بلدينغ؟ .. ولا سنترال بارك ؟ .. ولاساكس فث افنيوو مالهم ؟ .. ولا بارنيييز .. ولا ميسيييز .. ولا هالمكان وين كان الترييد سنتر؟ .. ولا الترمب تاور ولا ولا لاولا .. طبعا انا بس جفت هالسوالف في التلفزيووون ..بس شكلهم كشخه


مشكور عالموضووووع

اتريا صور الجزء الثاني

[مايهزك ريح]

شمعة امل .. واحد قالي اذا ما سرت نيويورك .. جنك ما سرت أمريكا ..

دخلنا ..الإمباير ستيت .. طبعا طابور طويل عريض .. خذنا ساعة كاملة .. وآخر ثمان ادوار .. خلونا نصعد بالدري .. لأنه اللفت كان زحمة .. كنت باموت ..

الموهيم ..وسرنا بعد الـBattery Park اللي تقدرين تركبين الـ Fairy اللي هي الباخرة مالت التور اللي توديج للـStatues of liberty وصورنا جدامه .. وعقب ردينا .. لين الـ Little Italy
وصورنا .. وعقب اتغدينا في China Town .. وبعدين كملنا لين .. Times Square وهناك دخلنا مطعم مكسيكي .. وايد حلو بس ما اتذكر شو اسمه .. علامتة تشبة تشيليز ..

طبعا ما كان شي وقت اسير السنترال بارك لأنها بعيدة .. وخواتي يبون يتشرون من 5th Avenue وعقب يبون يسيرون madison عشان الماركات متوزعه بين هالمكانين ..
طبعا انا اتجسحت من المشي .. وما خلينا اندرجراوند ما ركبناه .. وآخر شي وصلنا مدينتنا نص الليل ..

وها الصورتين .. يوم ردينا ..

Au bon pain Café in New York airport (JFK)…



Air Train ….

[خيال الحب]

انا خاطري ارووووووووووووووح نيويورك ..

بس قالو من بعض احداث سبتمبرر معاملتهم تغيرت..!!

تسلم الغالي ع الصوور الحلووه والغاويه

وانا بانتظار الجزء الثاني


>>>> عاد انا احب الحدايق ؛)

[مايهزك ريح]

مرحبا ..خيال الحب .. عن المعاملة طبعا وايد اتغيرت من عقب الأحداث مالت سبتمبر .. بس عادي ..
نحنا دايما انسير ..

وعن الحدايق .. بنزل موضوع عن حديقة الورود .. عقب ما ارتب الصور لأني وايد عندي صور لها ..
واذا بعد اتفيجت بحط لكم ..صور شلالات نياجارا .. كنت ساير شهر 1 ..في الثلج ..

[قرموشة]

الله

.. نيوويوورك ..

خـاطـري أسير هـ المكــان .. وأسكـن هنـااك بعـد لوول
حلووييين الصـوور ما يهزك ريــح ..
ونتريــا الصــور الثانيــه بفارغ الصبر يا خـووي

ويا مرحـبا السااع

[مايهزك ريح]

مرحبا قرموشة .. يلا شو ريكم انسوي رحلة واستوي انا الجايد ..

وهاي صورة للكاكاو اللي خذته من المطار .. وايد حلو ..



مادري ليش احس انكم بتجتلوني .. كله احط صور كاكاو ..

[شمعة أمل]

والله حظكم
سرتو نيويورك
وجفتوها
وتسوقتووو فيها
وميشتو فيهااا

صدق مكان عجييب

انا ابااا اسيرررررررررر =(
نحن دوم يودونا فلوريدا عشان بيتنا هناك بس والله احسن لو يبيعون هالبيت ويشترولنا شقه في نيويوركd: < طبعا في احلامي >_<

همم انت تقول المعامله تغيرت .. بس انا ماحس تغيرت وايد .. لانه الشعب الامريكي شعب متفتح رغم انه شوي متخلف.. بس اتوقع معاملتهم بتكون بايخه للناس الى صدق مطوعين من الخاطر ..

[تحفه]

أبي اسااااااافررررر

[مجموعة إنسان]

تسلم ما يهزك ريييح على الصور ..

[بنت الدلع]

صورك حلوه اخوي
تسلم عالعرض

وفي انتظار الجزء الثاني

[مايهزك ريح]

مشكوريييييييييين على الرد .. جميعا .. وانتظروا الجزء الثاني ..

[المزوحي]

من خلال اطلاعي على الصور اللي حاطنها والتعليقات .. أحس بك شخص خفيف في السفر لأنه في حد يوم تسير وياه مايعيبه شي ويتأفف .. أو كل شي عنده مب لازم ولاتسيرون السوق .. عيل نحن مسافرين نتغصص

شكرا لك على النقل

[مايهزك ريح]

مرحبا المزوحي .. العفو
لا انا عادي عندي .. تقريبا وديتهم ازيد عن عشر مولات .. وكله مشاري .. و بعد اختارلهم .. وذوقي يعيبهم .. ويوم اكون متفيج ايلس انبش واطلعلهم كل الأشياء الحلوه اللي في المحل .. ما أمل وفي نفس الوقت اشتري لربعي .. صوغة .. واحاول اتذكر كل واحد منهم شو يعيبه .. من غير اني اشتري حق عيال اختي يوم ما يكونون مسافرين ويايه .. نحنا ما عندنا ريال يسافر يرد ايده خاليه .. لو ما يشتري لازم ياخذ شي حق الصغارية .. وهناك .. كل ثياب اليهال حلوه .. وكله رخيص نادر ما تحصل شي غالي ..إلا الماركات طبعا

[المزوحي]

يوم أقول إنك ذوووق ... المهم تغير جو